Read Новый Завет на церковнославянском языке От Иоанна 2 Bible Online

От Иоанна 2 - Новый Завет на церковнославянском языке bible

От Иоанна 2

¹И в третий день брак бысть в канe галиейстей: и бe Мати Иисусова ту.

²Зван же бысть Иисус и ученицы его на брак.

³И недоставшу вину, глаголаша мати Иисусова к нему: вина не имут.

⁴Глагола ей Иисус: что (есть) мнe и тебe, жено? не у прииде час мой.

⁵Глагола Мати его слугам: еже аще глаголет вам, сотворите.

⁶Бeху же ту водоноси каменни шесть, лежаще по очищению иудейску, вмeстящий по двeма или трием мeрам.

⁷Глагола им Иисус: наполните водоносы воды. И наполниша их до вера.

⁸И глагола им: почерпите нынe и принесите архитриклинови. И принесоша.

⁹Якоже вкуси архитриклин вина бывшаго от воды, и не вeдаше, откуду есть: слуги же вeдяху почерпший воду: пригласи жениха архитриклин.

¹⁰И глагола ему: всяк человeк прежде доброе вино полагает, и егда упиются, тогда хуждшее: ты (же) соблюл еси доброе вино доселe.

¹¹Се сотвори начаток знамением Иисус в канe галилейстeй и яви славу свою: и вeроваша в него ученицы его.

¹²По сем сниде в капернаум сам и Мати его, и братия его: и ту не многи дни пребыша.

¹³И близ бe пасха иудейска, и взыде во иерусалим Иисус

¹⁴и обрeте в церкви продающая овцы и волы и голуби, и пeняжники сeдящыя.

¹⁵И сотворив бичь от вервий, вся изгна из церкве, овцы и волы: и торжником разсыпа пeнязи и дски опроверже.

¹⁶и продающым голуби рече: возмите сия отсюду и не творите дому Отца моего дому купленаго.

¹⁷Помянуша же ученицы его, яко писано есть: жалость дому твоего Сынeсть мя.

¹⁸Отвeщаша же иудее и рeша ему: кое знамение являеши нам, яко сия твориши.

¹⁹Отвeща Иисус и рече им: разорите церковь сию, и треми денми воздвигну ю.

²⁰Рeша же иудее: четыредесять и шестию лeт создана бысть церков сия, и ты ли треми денми воздвигнеши ю?

²¹Он же глаголаше о церкви тeла своего.

²²Егда убо воста от мертвых, помянуша ученицы его, яко се глаголаше, и вeроваша писаию и словеси, еже рече Иисус.

²³Егда же бe в иерусалимeх в праадник паски, мнози вeроваша во имя его, видяще знамения его, яже творяше.

²⁴Сам же Иисус не вдаяше себе в вeру их, зане сам вeдяше вся,

²⁵и яко не требоваше, да кто свидeтелствует о человeцех: сам бо вeдяше, что бe в человeцех.