Read Новый Завет на церковнославянском языке От Иоанна 4 Bible Online

От Иоанна 4 - Новый Завет на церковнославянском языке bible

От Иоанна 4

¹Егда убо разумe Иисус, яко услышаша фарисее, яко Иисус множайшыя ученики творит и крещает, неже иоанн:

²Иисус же сам не крещаше, но ученицы его:

³остави иудею, и иде паки в галилею.

⁴Подобаше же ему проити сквозe самарию.

⁵прииде убо во град самариискии, глаголемый сихарь, близ веси, юже даде иаков иосифу сыну своему:

⁶бe же ту источник иаковль. Иисус же утруждься от пути, сeдяше тако на источницe: бe же яко час шестый.

⁷прииде жена от самарии почерпати воду. глагола еи Иисус: даждь ми пити.

⁸ученицы бо его отшли бяху во град, да брашно купят.

⁹глагола ему жена самаряныня: како ты жидовин сый от мене пити просиши, жены самаряныни сущия, не прикасаютбося жидове самаряном.

¹⁰Отвeща Иисус и рече еи: аще бы вeдала еси дар Божии, и кто есть глаголяй ти: даждь ми пити: ты бы просила у него, и дал бы ти воду живу.

¹¹Глагола ему жена: господи, ни почерпала имаши, и студенец есть глубок. откуду убо имаши воду живу,

¹²еда ты болии еси отца нашего иакова, иже даде нам студенец сеи, и той из него пит, и сынове его, и скоти его,

¹³Отвeща Иисус и рече еи. всяк пияй от воды сея, вжаждется паки:

¹⁴а иже пиет от воды, юже аз дам ему, не вжаждется во вeки: но вода, юже аз дам ему, будет в нем источник воды текущия в живот вeчный.

¹⁵глагола к нему жена: господи, даждь ми сию воду, да ни жажду, ни прихожду сeмо почерпати.

¹⁶Глагола еи Иисус. иди, пригласи мужа твоего, и прииди сeмо.

¹⁷Отвeща жена и рече ему: не имам мужа. Глагола еи Иисус. добрe рекла еси, яко мужа не имам:

¹⁸пять бо мужей имeла еси, и нынe, егоже имаши, нeсть ти муж: се воистинну рекла еси.

¹⁹Глагола ему жена: господи, вижу, яко пророк еси ты:

²⁰отцы наши в горe сей поклонишася. и вы глаголете, яко во иерусалимeх есть мeсто, идeже кланятися подобает.

²¹Глагола еи Иисус: жено, вeру ми ими, яко грядет час, егда ни в горe сей, ни во иерусалимeх поклонитеся Отцу.

²²вы кланяетеся, егоже не вeсте: мы кланяемся, егоже вeмы, яко спасeние от иудеи есть.

²³но грядет час, и нынe есть, егда истиннии поклонницы поклонятся Отцу духом и истиною. ибо Отец таковых ищет покланяющихся ему.

²⁴дух есть Бог. и иже кланяется ему, духом и истиною достоит кланятися.

²⁵Глагола ему жена: вeм, яко мессиа приидет, глаголемыи Христос. егда той приидет, возвeстит нам вся.

²⁶Глагола ей Иисус. аз есмь, глаголяй с тобою.

²⁷И тогда приидоша ученицы его, и чудяхуся, яко с женою глаголаше. обаче никтоже рече: чесо ищеши, или: что глаголеши с нею,

²⁸Остави же водонос свой жена, и иде во град, и глагола человeком.

²⁹приидите и видите человeка, иже рече ми вся, елика сотворих. еда той есть Христос,

³⁰Изыдоша же из града, и грядяху к нему.

³¹Между же сим моляху его ученицы его, глаголюще: равви, яждь.

³²Он же рече им. аз брашно имам ясти, егоже вы не вeсте.

³³глаголаху убо ученицы к себe: еда кто принесе ему ясти?

³⁴Глагола им Иисус: мое брашно есть, да сотворю волю пославшаго мя и совершу дeло его.

³⁵Не вы ли глаголете, яко еще четыри мeсяцы суть, и жатва приидет? Се глаголю вам: возведите очи ваши, и видите нивы, яко плавы суть к жатвe уже:

³⁶и жняй мзду приемлет, и собирает плод в живот вeчный. да и сeяи вкупe радуется, и жняй.

³⁷о сем бо слово есть истинное, яко ин есть сeяи, и ин есть жняй.

³⁸аз послах вы жати, идeже вы не трудистеся: инии трудишася, и вы в труд их внидосте.

³⁹От града же того мнози вeроваша в онь от самарян, за слово жены свидeтельствующия, яко рече ми вся, елика сотворих.

⁴⁰Егда убо приидоша к нему самаряне, моляху его, да бы пребыл у них. и пребысть ту два дни.

⁴¹И много паче вeроваша за слово его.

⁴²женe же глаголаху, яко не ктому за твою бесeду вeруем. сами бо слышахом, и вeмы, яко сей есть воистинну спас миру, Христос.

⁴³По двою же дню изыде оттуду, и иде в галилею:

⁴⁴сам бо Иисус свидeтельствова, яко пророк во своем отечествии чести не имать.

⁴⁵Егда же прииде в галилею, прияша его галилеане, вся видeвше, яже сотвори во иерусалимeх в праздник: и тии бо приидоша в праздник.

⁴⁶прииде же паки Иисус в кану галилейскую, идeже претвори воду в вино. И бe нeкии царев муж, егоже сын боляше в капернаумe.

⁴⁷Сей слышав, яко Иисус прииде от иудеи в галилею, иде к нему, и моляше его, да снидет и исцeлит сына его: имeяше бо умрети.

⁴⁸Рече убо Иисус к нему: аще знамении и чудес не видите, не имате вeровати.

⁴⁹Глагола к нему царев муж. господи, сниди, прежде даже не умрет отроча мое.

⁵⁰Глагола ему Иисус: иди, сын твой жив есть. и вeрова человeк словеси, еже рече ему Иисус, и идяше.

⁵¹Абие же входящу ему, (се,) раби его срeтоша его, и возвeстиша ему, глаголюще, яко сын твой жив есть.

⁵²Вопрошаше убо от них о часe, в который легчае ему бысть. и рeша ему, яко вчера в час седмый остави его огнь.

⁵³Разумe же отец, яко той бe час, в оньже рече ему Иисус, яко сын твой жив есть: и вeрова сам и весь дом его.

⁵⁴Сие паки второе знамение сотвори Иисус, пришед от иудеи в галилею.