Read Новый Завет на церковнославянском языке От Иоанна 5 Bible Online

От Иоанна 5 - Новый Завет на церковнославянском языке bible

От Иоанна 5

¹по сих (же) бe праздник иудейскии, и взыде Иисус во иерусалим.

²Есть же во иерусалимeх овчая купeль, яже глаголется еврейски вифесда, пять притвор имущи:

³в тeх слежаше множество болящих, слeпых, хромых, сухих, чающих движения воды:

⁴ангел бо господень на всяко лeто схождаше в купeль и возмущаше воду: и иже первeе влазяше по возмущении воды, здрав бываше, яцeм же недугом одержимь бываше.

⁵Бe же ту нeкий человeк, тридесять и осмь лeт имый в недузe своем.

⁶Сего видeв Иисус лежаща, и разумeв, яко многа лeта уже имяше (в недузe), глагола ему: хощеши ли цeл быти,

⁷Отвeща ему недужный: ей, господи, человeка не имам, да, егда возмутится вода, ввержет мя в купeль: егда же прихожду аз, ин прежде мене слазит.

⁸глагола ему Иисус. востани, возьми одр твой, и ходи.

⁹и абие здрав бысть человeк. и взем одр свой, и хождаше. Бe же суббота в той день.

¹⁰Глаголаху же жидове исцeлeвшему. суббота есть, и не достоит ти взяти одра (твоего).

¹¹Он (же) отвeща им. иже мя сотвори цeла, той мнe рече: возьми одр твой и ходи.

¹²Вопросиша же его: кто есть человeк рекии ти: возьми одр твой и ходи?

¹³Изцeлeвый же не вeдяше, кто есть: Иисус бо уклонися, народу сущу на мeстe.

¹⁴потом же обрeте его Иисус в церкви, и рече ему: се здрав еси: ктому не согрeшай, да не горше ти что будет.

¹⁵Иде же человeк, и повeда иудеом, яко Иисус есть, иже мя сотвори цeла.

¹⁶И сего ради гоняху Иисуса иудее, и искаху его убити, зане сия творяше в субботу.

¹⁷Иисус же отвeщаваше им: Отец мой доселe дeлает, и аз дeлаю.

¹⁸И сего ради паче искаху его иудее убити, яко не токмо разоряше субботу, но и Отца своего глаголаше Бога, равен ся творя Богу.

¹⁹Отвeща же Иисус и рече им. аминь, аминь глаголю вам, не может Сын творити о себe ничесоже, аще не еже видит Отца творяща: яже бо он творит, сия и Сын такожде творит.

²⁰Отец бо любит Сына, и вся показует ему, яже сам творит: и больша сих покажет ему дeла, да вы чудитеся.

²¹Якоже бо Отец воскрешает мертвыя и живит, тако и Сын, ихже хощет, живит.

²²Отец бо не судит никомуже, но суд весь даде Сынови,

²³да вси чтут Сына, якоже чтут Отца. а иже не чтит Сына, не чтит Отца пославшаго его.

²⁴Аминь, аминь глаголю вам, яко слушаяй словесе моего и вeруяи пославшему мя имать живот вeчныи, и на суд не приидет, но преидет от смерти в живот.

²⁵Аминь, аминь глаголю вам, яко грядет час, и нынe есть, егда мертвии услышат глас Сына Божия, и услышавше оживут.

²⁶Якоже бо Отец имать живот в себe, тако даде и Сынови живот имeти в себe.

²⁷и область даде ему и суд творити, яко Сын человeчь есть.

²⁸Не дивитеся сему: яко грядет час, в оньже вси сущии во гробeх услышат глас Сына Божия,

²⁹и изыдут сотворшии благая в воскрешение живота, а сотворшии злая в воскрешение суда.

³⁰Не могу аз о себe творити ничесоже. Якоже слышу, сужду, и суд мой праведен есть, яко не ищу воли моея, но воли пославшаго мя Отца.

³¹Аще аз свидeтельствую о мнe, свидeтельство мое нeсть истинно:

³²ин есть свидeтельствуяй о мнe, и вeм, яко истинно есть свидeтельство, еже свидeтельствует о мнe:

³³вы посласте ко иоанну, и свидeтельствова о истинe.

³⁴Аз же не от человeка свидeтельства приемлю, но сия глаголю, да вы спасени будете.

³⁵Он бe свeтильник горя и свeтя: вы же восхотeсте возрадоватися в час свeтeния его.

³⁶Аз же имам свидeтельство болeе иоаннова: дeла бо, яже даде мнe Отц, да совершу я, та дeла, яже аз творю, свидeтельствуют о мнe, яко Отец мя посла.

³⁷И пославыи мя Отец сам свидeтельствова о мнe. Ни гласа его нигдeже слышасте, ни видeния его видeсте,

³⁸и словесе его не имате пребывающа в вас, зане, егоже той посла, сему вы вeры не емлете.

³⁹испытайте писаний, яко вы мните в них имeти живот вeчныи. и та суть свидeтельствующая о мнe.

⁴⁰И не хощете приити ко мнe, да живот имате.

⁴¹Славы от человeк не приемлю,

⁴²но разумeх вы, яко любве Божия не имате в себe.

⁴³Аз приидох во имя Отца моего, и не приемлете мене: аще ин приидет во имя свое, того приемлете.

⁴⁴Како вы можете вeровати, славу друг от друга приемлюще, и славы, яже от единаго Бога, не ищете?

⁴⁵Не мните, яко аз на вы реку ко Отцу: есть, иже на вы глаголет, моисей, наньже вы уповаете.

⁴⁶Аще бо бысте вeровали моисеови, вeровали бысте убо и мнe: о мнe бо той писа.

⁴⁷Аще ли того писанием не вeруете, како моим глаголом вeру имете?