Read Новый Завет на церковнославянском языке От Иоанна 6 Bible Online

От Иоанна 6 - Новый Завет на церковнославянском языке bible

От Иоанна 6

¹По сих иде Иисус на он пол моря галилеи тивериадска:

²и по нем идяше народ мног, яко видяху знамения его, яже творяше над недужными.

³Взыде же на гору Иисус, и ту сeдяше со ученики своими.

⁴Бe же близ пасха, праздник жидовскии.

⁵Возвед убо Иисус очи и видeв, яко мног народ грядет к нему, глагола к филиппу: чим купим хлeбы, да ядят сии?

⁶Сие же глаголаше, искушая его: сам бо вeдяше, что хощет сотворити.

⁷Отвeща ему филипп: двeма стома пeнязей хлeбы не довлeют им, да кииждо их мало что приимет.

⁸Глагола ему един от ученик его, андрей, брат симона петра?

⁹есть отрочищь здe един, иже имать пять хлeб ячменных и двe рыбe: но сии что суть на толико?

¹⁰Рече же Иисус: сотворите человeки возлещи. Бe же трава многа на мeстe. Возлеже убо мужей числом яко пять тысящ.

¹¹Прият же хлeбы Иисус и, хвалу воздав, подаде учеником, ученицы же возлежащым: такожде и от рыбу, елико хотяху.

¹²И яко насытишася, глагола учеником своим: соберите избытки укрух, да не погибнет ничтоже.

¹³Собраша же, и исполниша дванадесяте кошя укрух от пятих хлeб ячменных, иже избыша ядшым.

¹⁴человeцы же видeвше знамение, еже сотвори Иисус, глаголаху, яко сей есть воистинну пророк грядый в мир.

¹⁵Иисус убо разумeв, яко хотят приити, да восхитят его и сотворят его царя, отиде паки в гору един.

¹⁶Яко поздe бысть, снидоша ученицы его на море,

¹⁷и влeзоша в корабль, и идяху на он пол моря в капернаум. И тьма абие бысть, и не (у) бe пришел к ним Иисус.

¹⁸Море же, вeтру велию дыхающу, воздвизашеся.

¹⁹Гребше же яко стадий двадесять пять или тридесять, узрeша Иисуса ходяща по морю и близ корабля бывша, и убояшася.

²⁰Он же глагола им: аз есмь, не бойтеся.

²¹Хотяху убо прияти его в корабль: и абие корабль бысть на земли, в нюже идяху.

²²Во утрий (же) народ, иже стояше об он пол моря, видeв, яко корабля иного не бe ту, токмо един той, в оньже внидоша ученицы его, и яко не вниде со ученики своими Иисус в корабль, но едини ученицы его идоша:

²³и ини приидоша корабли от тивериады близ мeста, идeже ядоша хлeбы, хвалу воздавше Господеви:

²⁴егда же видeша народи, яко Иисуса не бысть ту, ни ученик его, влeзоша сами в корабли, и приидоша в капернаум, ищуще Иисуса.

²⁵и обрeтше его об он пол моря, рeша ему: равви, когда здe бысть?

²⁶Отвeща им Иисус и рече: аминь, аминь глаголю вам, ищете мене, не яко видeсте знамение, но яко яли есте хлeбы и насытистеся:

²⁷дeлаите же не брашно гиблющее, но брашно пребывающее в живот вeчныи, еже Сын человeческии вам даст: сего бо Отец знамена Бог.

²⁸Рeша же к нему: что сотворим, да дeлаем дeла Божия?

²⁹Отвeща Иисус и рече им: се есть дeло Божие, да вeруете в того, егоже посла он.

³⁰Рeша же ему: кое убо ты твориши знамение, да видим и вeру имем тебe, что дeлаеши,

³¹отцы наши ядоша манну в пустыни, якоже есть писано: хлeб с небесе даде им ясти.

³²Рече убо им Иисус: аминь, аминь глаголю вам, не моисей даде вам хлeб с небесе, но Отец мой дает вам хлeб истинныи с небесе:

³³хлeб бо Божии есть сходяй с небесе и даяй живот миру.

³⁴Рeша убо к нему: господи, всегда даждь нам хлeб сей.

³⁵рече же им Иисус: аз есмь хлeб животный: грядый ко мнe не имать взалкатися, и вeруяй в мя не имать вжаждатися никогдаже.

³⁶Но рeх вам, яко и видeсте мя, и не вeруете.

³⁷Все, еже дает мнe Отц, ко мнe приидет. и грядущаго ко мнe не изжену вон:

³⁸яко снидох с небесе, не да творю волю мою, но волю пославшаго мя Отца.

³⁹Се же есть воля пославшаго мя Отца, да все, еже даде ми, не погублю от него, но воскрешу е в послeдний день.

⁴⁰Се же есть воля пославшаго мя, да всяк видяй Сына и вeруяи в него имать живот вeчныи, и воскрешу его аз в послeдний день.

⁴¹Роптаху убо иудее о нем, яко рече: аз есмь хлeб сшедый с небесе.

⁴²И глаголаху: не сей ли есть Иисус сын иосифов, егоже мы знаем отца и матерь, како убо глаголет сей, яко с небесе снидох?

⁴³Отвeща убо Иисус и рече им: не ропщите между собою:

⁴⁴никтоже может приити ко мнe, аще не Отец пославый мя привлечет его, и аз воскрешу его в послeдний день.

⁴⁵Есть писано во пр(с)роцeх: и будут вси научени Богом. всяк слышавыи от Отца и навык, приидет ко мнe.

⁴⁶Не яко Отца видeл есть кто, токмо сый от Бога, сей видe Отца.

⁴⁷Аминь, аминь глаголю вам: вeруяй в мя имать живот вeчный.

⁴⁸Аз есмь хлeб животный:

⁴⁹отцы ваши ядоша манну в пустыни, и умроша:

⁵⁰сей есть хлeб сходяй с небесе, да, аще кто от него яст, не умрет:

⁵¹аз есмь хлeб животный, иже сшедый с небесе. аще кто Сынeсть от хлeба сего, жив будет во вeки: и хлeб, егоже аз дам, плоть моя есть, юже аз дам за живот мира.

⁵²Пряхуся же между собою жидове, глаголюще: како может сей нам дати плоть (свою) ясти?

⁵³Рече же им Иисус: аминь, аминь глаголю вам. аще не Сынeсте плоти Сына человeческаго, ни пиете крове его, живота не имате в себe.

⁵⁴Ядый мою плоть и пияи мою кровь имать живот вeчныи, и аз воскрешу его в послeдний день.

⁵⁵Плоть бо моя истинно есть брашно, и кровь моя истинно есть пиво.

⁵⁶Ядыи мою плоть и пияй мою кровь во мнe пребывает, и аз в нем.

⁵⁷Якоже посла мя живый Отц, и аз живу Отца ради: и ядый мя, и той жив будет мене ради.

⁵⁸Сей есть хлeб сшедый с небесе: не якоже ядоша отцы ваши манну, и умроша: ядый хлeб сей жив будет во вeки.

⁵⁹Сия рече на сонмищи, учя в капернаумe.

⁶⁰Мнози убо слышавше от ученик его, рeша: жестоко есть слово сие: (и) кто может его послушати?

⁶¹Вeдый же Иисус в себe, яко ропщут о сем ученицы его, рече им. сие ли вы блазнит?

⁶²аще убо узрите Сына человeческаго восходяща, идeже бe прежде?

⁶³дух есть, иже оживляет, плоть не пользует ничтоже: глаголы, яже аз глаголах вам, дух суть и живот суть:

⁶⁴но суть от вас нeцыи, иже не вeруют. Вeдяше бо искони Иисус, кии суть невeрующии, и кто есть предаяй его.

⁶⁵и глаголаше: сего ради рeх вам, яко никтоже может приити ко мнe, аще не будет ему дано от Отца моего.

⁶⁶От сего мнози от ученик его идоша вспять, и ктому не хождаху с ним.

⁶⁷Рече же Иисус обeманадесяте: еда и вы хощете ити?

⁶⁸Отвeща убо ему симон петр: господи, к кому идем? глаголы живота вeчнаго имаши,

⁶⁹и мы вeровахом, и познахом, яко ты еси Христос, Сын Бога живаго.

⁷⁰Отвeща им Иисус: не аз ли вас дванадесяте избрах? и един от вас диавол есть.

⁷¹Глаголаше же иуду симонова искариота: сей бо хотяше предати его, един сый от обоюнадесяте.