Read Новый Завет на церковнославянском языке От Иоанна 7 Bible Online

От Иоанна 7 - Новый Завет на церковнославянском языке bible

От Иоанна 7

¹И хождаше Иисус по сих в галилеи: не хотяше бо во иудеи ходити, яко искаху его иудее убити.

²Бe же близ праздник иудейский, потчение сeни.

³Рeша убо к нему братия его: прейди отсюду, и иди во иудею, да и ученицы твои видят дeла твоя, яже твориши:

⁴никтоже бо в тайнe творит что, и ищет сам явe быти: аще сия твориши, яви себе мирови.

⁵Ни братия бо его вeроваху в него.

⁶Глагола убо им Иисус: время мое не у прииде: время же ваше всегда готово есть:

⁷не может мир ненавидeти вас: мене же ненавидит, яко аз свидeтельствую о нем, яко дeла его зла суть:

⁸вы взыдите в праздник сей: аз не взыду в праздник сей, яко время мое не у исполнися.

⁹Сия рек им, оста в галилеи.

¹⁰Егда же взыдоша братия его в праздник, тогда и сам взыде, не явe, но яко тай.

¹¹Жидове же искаху его в праздник, и глаголаху: гдe есть он?

¹²И ропот мног бe о нем в народeх: овии глаголаху, яко благ есть: инии же глаголаху: ни, но льстит народы.

¹³Никтоже убо явe глаголаше о нем, страха ради иудейскаго.

¹⁴Абие же в преполовение праздника взыде Иисус во церковь, и учаше.

¹⁵И дивляхуся иудее, глаголюще: како сей книги вeсть не учився?

¹⁶Отвeща убо им Иисус и рече: мое учение нeсть мое, но пославшаго мя:

¹⁷аще кто хощет волю его творити, разумeет о учении, кое от Бога есть, или аз от себе глаголю:

¹⁸глаголяй от себе, славы своея ищет: а ищяй славы пославшаго его, сей истинен есть, и нeсть неправды в нем.

¹⁹Не моисей ли даде вам закон? и никтоже от вас творит закона. Что мене ищете убити?

²⁰Отвeща народ и рече: бeса ли имаши? кто тебе ищет убити?

²¹Отвeща Иисус и рече им: едино дeло сотворих, и вси дивитеся.

²²Сего ради моисей даде вам обрeзание, не яко от моисеа есть, но от отец: и в субботу обрeзаете человeка:

²³аще обрeзание приемлет человeк в субботу, да не разорится закон моисеов: на мя ли гнeваетеся, яко всего человeка здрава сотворих в субботу?

²⁴не судите на лица, но праведный суд судите.

²⁵Глаголаху убо нeцыи от иерусалимлян: не сей ли есть, егоже ищут убити?

²⁶и се, не обинуяся глаголет, и ничесоже ему не глаголют: еда како разумeша князи, яко сей есть Христос?

²⁷но сего вeмы, откуду есть: Христос же егда приидет, никтоже вeсть, откуду будет.

²⁸Воззва убо в церкви учя Иисус и глаголя: и мене вeсте, и вeсте, откуду есмь: и о себe не приидох, но есть истинен пославый мя, егоже вы не вeсте:

²⁹аз вeм его, яко от него есмь, и той мя посла.

³⁰Искаху убо, да имут его: и никтоже возложи нань руки, яко не у бe пришел час его.

³¹Мнози же от народа вeроваша в него, и глаголаху, яко Христос, егда приидет, еда больша знамения сотворит, яже сей творит?

³²Слышаша фарисее народ ропщущь о нем сия: и послаша фарисее и архиерее слуги, да имут его.

³³Рече убо Иисус: еще мало время с вами есмь, и иду к пославшему мя:

³⁴взыщете мене, и не обрящете: и идeже есмь аз, вы не можете приити.

³⁵Рeша же иудее к себe: камо сей хощет ити, яко мы не обрящем его? еда в разсeяние еллинское хощет ити и учити еллины?

³⁶что есть сие слово, еже рече: взыщете мене, и не обрящете? и идeже есмь аз, вы не можете приити?

³⁷В послeдний же день великий праздника стояше Иисус, и зваше, глаголя: аще кто жаждет, да приидет ко мнe и пиет:

³⁸вeруяй в мя, якоже рече писание, рeки от чрева его истекут воды живы.

³⁹Сие же рече о дусe, егоже хотяху приимати вeрующии во имя его: не у бо бe дух святый, яко Иисус не у бe прославлен.

⁴⁰Мнози же от народа слышавше слово, глаголаху: сей есть воистинну пророк.

⁴¹Друзии глаголаху: сей есть Христос. Овии же глаголаху: еда от галилеи Христос приходит?

⁴²не писание ли рече, яко от сeмене давидова и от вифлеемския веси, идeже бe давид, Христос приидет?

⁴³Распря убо бысть в народe его ради.

⁴⁴Нeцыи же от них хотяху яти его: но никтоже возложи нань руцe.

⁴⁵Приидоша же слуги ко архиереом и фарисеом: и рeша им тии: почто не приведосте его?

⁴⁶Отвeщаша слуги: николиже тако есть глаголал человeк, яко сей человeк.

⁴⁷Отвeщаша убо им фарисее: еда и вы прельщени бысте?

⁴⁸еда кто от князь вeрова в онь, или от фарисей?

⁴⁹но народ сей, иже не вeсть закона, прокляти суть.

⁵⁰Глагола никодим к ним, иже пришедый к нему нощию, един сый от них:

⁵¹еда закон наш судит человeку, аще не слышит от него прежде и разумeет, что творит?

⁵²Отвeщаша и рекоша ему: еда и ты от галилеи еси? испытай и виждь, яко пророк от галилеи не приходит.

⁵³И иде кийждо в дом свой.