Read Новый Завет на церковнославянском языке От Иоанна 9 Bible Online

От Иоанна 9 - Новый Завет на церковнославянском языке bible

От Иоанна 9

¹И мимоидый видe человeка слeпа от рождества.

²И вопросиша его ученицы его, глаголюще: равви, кто согрeши, сей ли, или родителя его, яко слeп родися?

³Отвeща Иисус: ни сей согрeши, ни родителя его, но да явятся дeла Божия на нем:

⁴мнe подобает дeлати дeла пославшаго мя, дондеже день есть: приидет нощь, егда никтоже может дeлати:

⁵егда в мирe есмь, свeт есмь миру.

⁶Сия рек, плюну на землю, и сотвори брение от плюновения, и помаза очи брением слeпому,

⁷и рече ему: иди, умыйся в купeли силоамстe, еже сказается, послан. Иде убо, и умыся, и прииде видя.

⁸Сосeди же и иже бяху видeли его прежде, яко слeп бe, глаголаху: не сей ли есть сeдяй и просяй?

⁹Овии глаголаху, яко сей есть: инии же глаголаху, яко подобен ему есть. Он же глаголаше, яко аз есмь.

¹⁰Глаголаху же ему: како ти отверзостeся очи?

¹¹Отвeща он и рече: человeк нарицаемый Иисус брение сотвори, и помаза очи мои, и рече ми: иди в купeль силоамлю и умыйся. Шед же и умывся, прозрeх.

¹²Рeша убо ему: кто (гдe) той есть? Глагола: не вeм.

¹³Ведоша же его к фарисеом, иже бe иногда слeп.

¹⁴Бe же суббота, егда сотвори брение Иисус и отверзе ему очи.

¹⁵Паки же вопрошаху его и фарисее, како прозрe. Он же рече им: брение положи мнe на очи, и умыхся, и вижу.

¹⁶Глаголаху убо от фарисеи нeцыи: нeсть сей от Бога человeк, яко субботу не хранит. Овии глаголаху: како может человeк грeшен сицева знамения творити? И распря бe в них.

¹⁷Глаголаху убо слeпцу паки: ты что глаголеши о нем, яко отверзе очи твои? Он же рече, яко пророк есть.

¹⁸Не яша убо вeры иудее о нем, яко слeп бe и прозрe, дондеже возгласиша родителя того прозрeвшаго

¹⁹и вопросиша я, глаголюще: сей ли есть сын ваю, егоже вы глаголете, яко слeп родися? како убо нынe видит?

²⁰Отвeщаста же им родителя его и рeста: вeмы, яко сей есть сын наю и яко слeп родися:

²¹како же нынe видит, не вeмы: или кто отверзе ему очи, мы не вeмы: сам возраст имать, самого вопросите, сам о себe да глаголет.

²²Сия рекоста родителя его, яко боястася жидов: уже бо бяху сложилися жидове, да, аще кто его исповeсть Христа, отлучен от сонмища будет:

²³сего ради родителя его рекоста, яко возраст имать, самого вопросите.

²⁴Возгласиша же вторицею человeка, иже бe слeп, и рeша ему: даждь славу Богу: мы вeмы, яко человeк сей грeшен есть.

²⁵Отвeща убо он и рече: аще грeшен есть, не вeм: едино вeм, яко слeп бeх, нынe же вижу.

²⁶Рeша же ему паки: что сотвори тебe? како отверзе очи твои?

²⁷Отвeща им: рекох вам уже, и не слышасте: что паки хощете слышати? еда и вы ученицы его хощете быти?

²⁸Они же укориша его и рeша ему: ты ученик еси того: мы же моисеовы есмы ученицы:

²⁹мы вeмы, яко моисеови глагола Бог: сего же не вeмы, откуду есть.

³⁰Отвeща человeк и рече им: о сем бо дивно есть, яко вы не вeсте, откуду есть, и отверзе очи мои:

³¹вeмы же, яко грeшники Бог не послушает: но аще кто Богочтец есть и волю его творит, того послушает:

³²от вeка нeсть слышано, яко кто отверзе очи слeпу рождену:

³³аще не бы был сей от Бога, не могл бы творити ничесоже.

³⁴Отвeщаша и рeша ему: во грeсeх ты родился еси весь, и ты ли ны учиши? И изгнаша его вон.

³⁵Услыша Иисус, яко изгнаша его вон: и обрeт его, рече ему: ты вeруеши ли в Сына Божия?

³⁶Отвeща он и рече: и кто есть, Господи, да вeрую в него?

³⁷Рече же ему Иисус: и видeл еси его, и глаголяй с тобою той есть.

³⁸Он же рече: вeрую, Господи. И поклонися ему.

³⁹И рече Иисус: на суд аз в мир сей приидох, да невидящии видят, и видящии слeпи будут.

⁴⁰И слышаша от фарисей сия сущии с ним, и рeша ему: еда и мы слeпи есмы?

⁴¹Рече им Иисус: аще бысте слeпи были, не бысте имeли грeха: нынe же глаголете, яко видим: грeх убо ваш пребывает.