Read Новый Завет на церковнославянском языке Деяния 1 Bible Online

Деяния 1 - Новый Завет на церковнославянском языке bible

Деяния 1

¹Первое убо слово сотворих о всeх, о! феофиле, яже начат Иисус творити же и учити

²даже до дне, в оньже, заповeдав апостолом Духом святым, ихже избра, вознесеся:

³пред нимиже и постави себе жива по страдании своем во мнозeх истинных знамениих, деньми четыредесятьми являяся им и глаголя яже о царствии Божии:

⁴с нимиже и ядый повелe им от иерусалима не отлучатися, но ждати обeтования Отча, еже слышасте от мене:

⁵яко иоанн убо крестил есть водою, вы же имате креститися Духом святым не по мнозeх сих днех.

⁶Они же убо сошедшеся вопрошаху его, глаголюще: Господи, аще в лeто сие устрояеши царствие Израилево?

⁷Рече же к ним: нeсть ваше разумeти времена и лeта, яже Отец положи во своей власти:

⁸но приимете силу, нашедшу святому Духу на вы, и будете ми свидeтелие во иерусалимe же и во всей иудеи и самарии и даже до послeдних земли.

⁹И сия рек, зрящым им взятся, и облак подят его от очию их.

¹⁰И егда взирающе бяху на небо, идущу ему, и се, мужа два стаста пред ними во одежди бeлe,

¹¹яже и рекоста: мужие галилейстии, что стоите зряще на небо? сей Иисус, вознесыйся от вас на небо, такожде приидет, имже образом видeсте его идуща на небо.

¹²Тогда возвратишася во иерусалим от горы нарицаемыя елеон, яже есть близ иерусалима, субботы имущия путь.

¹³И егда внидоша, взыдоша на горницу, идeже бяху пребывающе, петр же и иаков, и иоанн и андрей, филипп и фома, варфоломей и матфей, иаков алфеов и симон зилот и иуда иаковль:

¹⁴сии вси бяху терпяще единодушно в молитвe и молении, с женами и мариею материю Иисусовою и с братиею его.

¹⁵И во дни тыя востав петр посредe ученик, рече,

¹⁶бe же имен народа вкупe яко сто и двадесять: мужие братие, подобаше скончатися писанию сему, еже предрече Дух святый усты давидовыми о иудe, бывшем вожди емшым Иисуса:

¹⁷яко причтен бe с нами и приял бяше жребий службы сея:

¹⁸сей убо стяжа село от мзды неправедныя, и ниц быв просeдеся посредe, и излияся вся утроба его:

¹⁹и разумно бысть всeм живущым во иерусалимe, яко нарещися селу тому своим их языком акелдама, еже есть село крове:

²⁰пишется бо в книзe псаломстeй: да будет двор его пуст, и да не будет живущаго в нем, и епископство его да приимет ин:

²¹подобает убо от сходившихся с нами мужей во всяко лeто, в неже вниде и изыде в нас Господь Иисус,

²²начен от крещения иоаннова даже до дне, в оньже вознесеся (на небо) от нас, свидeтелю воскресeния его быти с нами единому от сих.

²³И поставиша два, иосифа нарицаемаго варсаву, иже наречен бысть иуст, и матфиа,

²⁴и помолившеся рeша: ты, Господи, срдцевeдче всeх, покажи, егоже избрал еси от сею двою единаго,

²⁵прияти жребий служения сего и апостолства, из негоже испаде иуда, ити в мeсто свое.

²⁶И даша жребия има, и паде жребий на матфиа, и причтен бысть ко единонадесяти апостолом.