Read Новый Завет на церковнославянском языке Деяния 10 Bible Online

Деяния 10 - Новый Завет на церковнославянском языке bible

Деяния 10

¹Муж же нeкий бe в кесарии, именем корнилий, сотник от спиры нарицающияся италийския,

²благоговeин и бояйся Бога со всeм домом своим, творяй милостыни многи людем и моляйся Богу всегда:

³видe в видeнии явe, яко в час девятый дне, ангела Божия сшедша к нему и рекша ему: корнилие.

⁴Он же воззрeв нань и пристрашен быв рече: что есть, Господи? рече же ему: молитвы твоя и милостыни твоя взыдоша на память пред Бога:

⁵и нынe посли во иоппию мужей и призови симона, нарицаемаго петра:

⁶сей странствует у нeкоего симона усмаря, емуже есть дом при мори: той речет тебe глаголы, в нихже спасешися ты и весь дом твой.

⁷И якоже отиде ангел глаголяй корнилию, пригласив два от рабов своих и воина благочестива от служащих ему

⁸и сказав им вся, посла их во иоппию.

⁹Воутрие же, путьшествующым им и ко граду приближающымся, взыде петр на горницу помолитися, о часe шестeм.

¹⁰Бысть же приалчен и хотяше вкусити: готовящым же онeм, нападе нань ужас,

¹¹и видe небо отверсто и сходящ нань сосуд нeкий, яко плащаницу велию, по четырем краем привязан и низу спущаемь на землю,

¹²в немже бяху вся четвероногая земли и звeрие и гади и птицы небесныя.

¹³И бысть глас к нему: востав, петре, заколи и яждь.

¹⁴Петр же рече: никакоже, Господи, яко николиже ядох всяко скверно или нечисто.

¹⁵И (се) глас паки к нему вторицею: яже Бог очестил есть, ты не скверни.

¹⁶Сие же бысть трищи: и паки взяся сосуд на небо.

¹⁷Якоже в себe недоумeвашеся петр, что бы было видeние, еже видe, и се, мужие посланнии от корнилиа, вопрошше и увeдeвше дом симонов, сташа пред враты

¹⁸и возглашше вопрошаху, аще симон, нарицаемый петр, здe странствует.

¹⁹Петру же размышляющу о видeнии, рече ему дух: се, мужие трие ищут тебе:

²⁰но востав сниди и иди с ними, ничтоже разсуждая: зане аз послах их.

²¹Сошед же петр к мужем посланным к нему от корнилиа, рече: се, аз есмь, егоже ищете: кая есть вина, еяже ради приидосте?

²²Они же рекоша: корнилий сотник, муж првдн и бояйся Бога, свидeтелствован от всего языка иудейска, увeщен есть от ангела свята призвати тя в дом свой и слышати глаголы от тебе.

²³Призвав же их учреди: наутрие же петр востав иде с ними, и нeцыи от братий, иже от иоппии, идоша с ним:

²⁴и наутрие внидоша в кесарию. Корнилий же бe чая их, созвав сродники своя и любезныя други.

²⁵Якоже бысть внити петру, срeте его корнилий, и пад на ногу его поклонися.

²⁶Петр же воздвиже его, глаголя: востани: и аз сам человeк есмь.

²⁷И с ним бесeдуя, вниде и обрeте собравшыяся многи:

²⁸рече же к ним: вы вeсте, яко не лeпо есть мужу иудеанину прилeплятися или приходити ко иноплеменнику: и мнe Бог показа ни единаго скверна или нечиста глаголати человeка:

²⁹тeмже и без сумнeния приидох призван: вопрошаю вы убо, коея ради вины посласте по мене?

³⁰И корнилий рече: от четвертаго дне даже до сего часа бeх постяся и в девятый час моляся в дому моем: и се, муж ста предо мною во одежди свeтлe

³¹и рече: корнилие, услышана бысть молитва твоя, и милостыни твоя помянушася пред Богом:

³²посли убо во иоппию и призови симона, иже нарицается петр: сей странствует в дому симона усмаря близ моря: иже пришед возглаголет тебe.

³³Абие убо послах к тебe, ты же добрe сотворил еси пришед: нынe убо вси мы пред Богом предстоим слышати вся повелeнная тебe от Бога.

³⁴Отверз же петр уста, рече: поистиннe разумeваю, яко не на лица зрит Бог,

³⁵но во всяцeм языцe бояйся его и дeлаяй правду приятен ему есть:

³⁶слово, еже посла сыном Израилевым, благовeствуя мир Иисус Христом: сей есть всeм Господь:

³⁷вы вeсте глагол бывший по всей иудеи, наченшийся от галилеи, по крещении, еже проповeда иоанн:

³⁸Иисуса, иже от назарета, яко помаза его Бог духом святым и силою, иже пройде благодателствуя и исцeляя вся насилованныя от диавола, яко Бог бяше с ним:

³⁹и мы есмы свидeтеле всeх, яже сотвори во странe иудейстeй и во иерусалимe: егоже и убиша, повeшше на древe.

⁴⁰Сего Бог воскрееси в третий день и даде ему явлену быти,

⁴¹не всeм людем, но нам свидeтелем преднареченным от Бога, иже с ним ядохом и пихом, по воскресeнии его от мертвых:

⁴²и повелe нам проповeдати людем и засвидeтелствовати, яко той есть нарeченный от Бога судия живым и мертвым:

⁴³о сем вси пророцы свидeтелствуют, оставление грeхов прияти именем его всякому вeрующему в онь.

⁴⁴Еще же глаголющу петру глаголы сия, нападе дух святый на вся слышащыя слово.

⁴⁵И ужасошася иже от обрeзания вeрнии, елицы приидоша с петром, яко и на языки дар святаго духа излияся:

⁴⁶слышаху бо их глаголющих языки и величающих Бога. Тогда отвeща петр:

⁴⁷еда воду возбранити может кто, еже не креститися сим, иже дух святый прияша, якоже и мы?

⁴⁸Повелe же им креститися во имя Иисус Христово. Тогда молиша его пребыти у них дни нeкия.