Read Новый Завет на церковнославянском языке Деяния 11 Bible Online

Деяния 11 - Новый Завет на церковнославянском языке bible

Деяния 11

¹Слышаша же апостоли и братия сущии во иудеи, яко и языцы прияша слово Божие.

²И егда взыде петр во иерусалим, препирахуся с ним иже от обрeзания,

³глаголюще, яко к мужем обрeзания не имущым вшел еси и ял еси с ними.

⁴Начен же петр, сказоваше им поряду, глаголя:

⁵аз бeх во градe иоппийстeм моляся и видeх во ужасe видeние, сходящь сосуд нeкий, яко плащаницу велию, от четырех краев низпущаему с небесе, и прииде даже до мене:

⁶в нюже воззрeв смотрях, и видeх четвероногая земная и звeри и гады и птицы небесныя.

⁷Слышах же глас глаголющь мнe: востав, петре, заколи и яждь.

⁸Рeх же: никакоже, Господи, яко всяко скверно или нечисто николиже вниде во уста моя.

⁹Отвeща же ми глас вторицею с небесе глаголющь: яже Бог очестил есть, ты не скверни.

¹⁰Сие же бысть трижды: и паки взяшася вся на небо.

¹¹И се, абие трие мужие сташа пред храминою, в нейже бeх, послани от кесарии ко мнe.

¹²Рече же ми дух ити с ними, ничтоже разсуждая: приидоша же со мною и шесть братия сии, и внидохом в дом мужа.

¹³И возвeсти нам, како видe ангела (свята) в дому своем, ставша и рекша ему: посли во иоппию мужы и призови симона, нарицаемаго петра,

¹⁴иже речет глаголы к тебe, в нихже спасешися ты и весь дом твой.

¹⁵Внегда же начах глаголати, нападе дух святый на них, якоже и на ны в началe.

¹⁶Помянух же глагол Господень, якоже глаголаше: иоанн убо крестил есть водою, вы же имате креститися духом святым.

¹⁷Аще убо равен дар даде им Бог, якоже и нам вeровавшым в Господа нашего Иисуса Христа, аз же кто бeх могий возбранити Бога?

¹⁸Слышавше же сия умолкоша и славляху Бога, глаголюще: убо и языком Бог покаяние даде в живот.

¹⁹Разсeявшиися убо от скорби, бывшия при стефанe, проидоша даже до финикии и кипра и антиохии, ни единому же глаголюще слово, токмо иудеем.

²⁰Бяху же нeцыи от них мужие кипрстии и киринейстии, иже, вшедше во антиохию, глаголаху к еллином, благовeствующе Господа Иисуса.

²¹И бe рука Господня с ними: многое же число вeровавше обратишася ко Господу.

²²Слышано же бысть слово о них во ушию церкве сущия во иерусалимe, и послаша варнаву преити даже до антиохии:

²³иже пришед и видeв благодать Божию, возрадовася и моляше всeх изволением сердца терпeти о Господe:

²⁴яко бe муж благ и исполнь Духа свята и вeры. И приложися народ мног Господеви.

²⁵Изыде же варнава в тарс взыскати савла, и обрeт его, приведе его во антиохию:

²⁶бысть же им лeто цeло собиратися в церкви и учити народ мног, нарещи же прежде во антиохии ученики Христианы.

²⁷В тыя же дни снидоша от иерусалима пророцы во антиохию:

²⁸востав же един от них, именем агав, назнаменаше Духом глад велик хотящь быти по всей вселеннeй, иже и бысть при клавдии кесари:

²⁹от ученик же, по елику кто имeяше что, изволиша кийждо их на службу послати живущым во иудеи братиям,

³⁰еже и сотвориша, пославше к старцем рукою варнавлею и савлею.