Read Новый Завет на церковнославянском языке Деяния 12 Bible Online

Деяния 12 - Новый Завет на церковнославянском языке bible

Деяния 12

¹Во оно же время возложи ирод царь руцe озлобити нeкия иже от церкве,

²уби же иакова, брата иоаннова, мечем:

³и видeв, яко годe есть иудеем, приложи яти и петра: бяху же дние опрeсночнии:

⁴егоже и емь всади в темницу, предав четырем четверицам воинов стрещи его, хотя по пасцe извести его к людем.

⁵И убо петра стрежаху в темницe: молитва же бe прилeжна бываемая от церкве к Богу о нем.

⁶Егда же хотяше его извести ирод, в нощи той бe петр спя между двeма воинома, связан (желeзнома) ужема двeма, стражие же пред дверьми стрежаху темницы.

⁷И се, ангел Господень предста, и свeт возсия в храминe: толкнув же в ребра петра, воздвиже его, глаголя: востани вскорe. И спадоша ему ужя (желeзная) с руку.

⁸Рече же ангел к нему: препояшися и вступи в плесницы твоя. Сотвори же тако. И глагола ему: облецыся в ризу твою и послeдствуй ми.

⁹И изшед вслeд его идяше и не вeдаше, яко истина есть бывшее от ангела, мняше же видeние зрeти.

¹⁰Прошедша же первую стражу и вторую, приидоста ко вратом желeзным, вводящым во град, яже о себe отверзошася има: и изшедша преидоста стогну едину, и абие отступи ангел от него.

¹¹И петр быв в себe, рече: нынe вeм воистинну, яко посла Бог ангела своего и изят мя из руки иродовы и от всего чаяния людий иудейских.

¹²Смотрив же прииде в дом марии матере иоанна, нарицаемаго марка, идeже бяху мнози собрани и молящеся.

¹³Толкнувшу же петру во врата двора, приступи слышати отроковица, именем роди,

¹⁴и познавши глас петров, от радости не отверзе врат, притекши же сказа петра стояща пред враты.

¹⁵Они же к ней рeша: бeснуешися ли? Она же крeпляшеся тако быти. Они же глаголаху: ангел его есть.

¹⁶Петр же пребываше толкий: отверзше же видeша его и ужасошася.

¹⁷Помаав же им рукою молчати, сказа им, како Господь его изведе из темницы: рече же: возвeстите иакову и братиям сия. И изшед иде во ино мeсто.

¹⁸Бывшу же дню, бe молва не мала в воинeх, что убо петру бысть:

¹⁹ирод же, поискав его и не обрeт и истязав стражы, повелe отвести их: и изшед от иудеи в кесарию, живяше.

²⁰Бe же ирод гнeваяся на тиряны и сидоняны: иже единодушно приидоша к нему, и умоливше власта постельника царева, прошаху мира, понеже страны их от царства его питахуся.

²¹В нарeченный же день ирод, оболкся во одежду царску и сeд на судище пред народом, глаголаше к ним,

²²народ же возглашаше: глас Божий, а не человeчь.

²³Внезапу же порази его ангел Господень, зане не даде славы Богу: и быв червьми изяден, издше.

²⁴Слово же Божие растяше и множашеся.

²⁵Варнава же и савл возвратистася из иерусалима во антиохию, исполнивша службу, поемша с собою и иоанна, нарицаемаго марка.