Read Новый Завет на церковнославянском языке Деяния 13 Bible Online

Деяния 13 - Новый Завет на церковнославянском языке bible

Деяния 13

¹Бяху же нeцыи во церкви сущей во антиохии пророцы и учителие: варнава же и симеон нарицаемый нигер, и лукий киринеанин, и манаил со иродом четвертовластником воспитанный, и савл.

²Служащым же им Господеви и постящымся, рече Дух святый: отдeлите ми варнаву и савла на дeло, на неже призвах их.

³Тогда постившеся и помолившеся и возложше руки на ня, отпустиша их.

⁴Сия убо, послана бывша от Духа свята, снидоста в селевкию, оттуду же отплыста в кипр,

⁵и бывша в саламинe, возвeщаста слово Божие в сонмищих иудейских: имeяста же и иоанна слугу.

⁶Прошедша же остров даже до пафа, обрeтоста нeкоего мужа волхва лжепророка иудеанина, емуже имя вариисус,

⁷иже бe со анфипатом сергием павлом, мужем разумным. Сей призвав варнаву и савла, взыска услышати слово Божие:

⁸сопротивляшеся же има елима волхв, тако бо сказуется имя его, иский развратити анфипата от вeры.

⁹Савл же, иже и павел, исполнися Духа свята, и воззрeв нань,

¹⁰рече: о!, исполненне всякия льсти и всякия злобы, сыне диаволь, враже всякия правды, не престанеши ли развращая пути Господни правыя?

¹¹и нынe, се, рука Господня на тя, и будеши слeп, не видя солнца до времене. Внезапу же нападе нань мрак и тма, и осязая искаше вожда.

¹²Тогда видeв анфипат бывшее, вeрова, дивяся о учении Господни.

¹³Отвезшеся же от пафа павел и сущии с ним, приидоша в пергию памфилийскую: иоанн же, отлучився от них, возвратися во иерусалим.

¹⁴Они же, прошедше от пергии, приидоша во антиохию писидийскую, и вшедше в сонмище в день субботный, сeдоша.

¹⁵По чтении же закона и пророк, послаша началницы сонмища к ним, глаголюще: мужие братие, аще есть слово в вас утeшения к людем, глаголите.

¹⁶Востав же павел и помаав рукою, рече: мужие Израильтяне и боящиися Бога, услышите:

¹⁷Бог людий сих избра отцы нашя и люди вознесе в пришелствии в земли египетстeй, и мышцею высокою изведе их из нея

¹⁸и до четыредесяти лeт препита их в пустыни:

¹⁹и низложив язык седмь в земли ханаанстeй, даде им в наслeдие землю их,

²⁰и по сих, яко лeт четыреста и пятьдесят, даде им судии до самуила пророка:

²¹и оттуду просиша царя, и даде им Бог саула сына кисова, мужа от колeна вениаминова, лeт четыредесять:

²²и преставль его, воздвиже им давида в царя, емуже и рече свидeтелствовав: обрeтох давида сына иессеова, мужа по срдцу моему, иже сотворит вся хотeния моя.

²³От сего сeмене Бог по обeтованию воздвиже Израилю спасeние Иисуса,

²⁴проповeдавшу иоанну пред лицем внития его крещение покаяния всeм людем Израилевым.

²⁵И якоже скончаваше иоанн течение, глаголаше: кого мя непщуете быти? нeсмь аз, но се, грядет по мнe, емуже нeсмь достоин разрeшити ремень сапогу его.

²⁶Мужие братие, сынове рода авраамля, и иже в вас боящиися Бога, вам слово спасeния сего послася.

²⁷Живущии бо во иерусалимe и князи их, сего не разумeвше, и гласы пророческия по вся субботы чтомыя, осудивше (его), исполниша,

²⁸и ни единыя вины смертныя обрeтше, просиша у пилата убити его:

²⁹якоже скончаша вся, яже о нем писана, снемше с древа, положиша во гробe.

³⁰Бог же воскреси его от мертвых:

³¹иже являшеся во дни многи совозшедшым с ним от галилеи во иерусалим, иже нынe суть свидeтелие его к людем.

³²И мы вам благовeствуем обeтование бывшее ко отцем, яко сие Бог исполнил есть нам чадом их, воздвиг Иисуса,

³³якоже и во псалмe вторeм писано есть: Сын мой еси ты, аз днесь родих тя.

³⁴А якоже воскреси его от мертвых, не ктому хотяща возвратитися во истлeние, сице рече: яко дам вам прпдбная давидова вeрная.

³⁵Тeмже и в другом глаголет: не даси прпдбному твоему видeти истлeния.

³⁶Давид бо, своему роду послужив Божиим совeтом, успе, и приложися ко отцем своим, и видe истлeние:

³⁷а егоже Бог воздвиже, не видe истлeния.

³⁸Вeдомо убо да будет вам, мужие братие, яко его ради вам оставление грeхов проповeдается:

³⁹и от всeх, от нихже не возмогосте в законe моисеовe оправдитися, о сем всяк вeруяй оправдается.

⁴⁰Блюдите убо, да не приидет на вас рeченное во пророцeх:

⁴¹видите, нерадивии, и чудитеся, и узрите и исчезнете: яко дeло аз содeлаю во дни вашя, емуже не имате вeровати, аще кто повeсть вам.

⁴²Исходящым же им от сонмища иудейска, моляху языцы в другую субботу глаголатися им глаголом сим:

⁴³разшедшуся же собору, послeдоваша мнози от иудей и честивых пришлец павлу и варнавe, иже, глаголюща им, увeщаста их пребывати в благодати Божией.

⁴⁴Во грядущую же субботу мало не весь град собрася послушати слова Божия:

⁴⁵видeвше же иудее народы, исполнишася зависти и вопреки глаголаху глаголемым от павла, сопротив глаголюще и хуляще.

⁴⁶Дерзнувша же павел и варнава рекоста: вам бe лeпо первeе глаголати слово Божие: а понеже отвергосте е и недостойны творите сами себе вeчному животу, се, обращаемся во языки:

⁴⁷тако бо заповeда нам Господь: положих тя во свeт языком, еже быти тебe во спасeние даже до послeдних земли.

⁴⁸Слышаще же языцы радовахуся и славляху слово Господне, и вeроваша, елицы учинени бяху в жизнь вeчную:

⁴⁹проношашеся же слово Господне по всей странe.

⁵⁰Иудее же наустиша честивыя жены и благообразныя и старeйшины града, и воздвигоша гонение на павла и варнаву, и изгнаша я от предeл своих.

⁵¹Она же, отрясша прах от ног своих на них, приидоста во иконию.

⁵²Ученицы же исполняхуся радости и Духа свята.