Read Новый Завет на церковнославянском языке Деяния 15 Bible Online

Деяния 15 - Новый Завет на церковнославянском языке bible

Деяния 15

¹И нeцыи сшедше от иудеи, учаху братию, яко аще не обрeжетеся по обычаю моисеову, не можете спастися.

²Бывшей же распри и стязанию не малу павлу и варнавe к ним, учиниша взыти павлу и варнавe и нeким другим от них ко апостолом и старцем во иерусалим о вопрошении сем.

³Они же убо, предпослани бывше от церкве, прохождаху финикию и самарию, повeдающе обращение языков, и творяху радость велию всей братии.

⁴Пришедше же во иерусалим, прияти быша от церкве и апостол и старец, сказаша же, елика сотвори Бог с ними и яко отверзе языком дверь вeры.

⁵Восташа же нeцыи от ереси фарисейския вeровавшии, глаголюще, яко подобает обрeзати их, завeщавати же блюсти закон моисеов.

⁶Собрашася же апостоли и старцы вeдeти о словеси сем.

⁷Многу же взысканию бывшу, востав петр рече к ним: мужие братие, вы вeсте, яко от дний первых Бог в нас избра усты моими услышати языком слово благовeстия и вeровати:

⁸и срдцевeдец Бог свидeтелствова им, дав им Духа святаго, якоже и нам,

⁹и ничтоже разсуди между нами же и онeми, вeрою очищь сердца их:

¹⁰нынe убо что искушаете Бога, (хотяще) возложити иго на выи учеником, егоже ни отцы наши, ни мы возмогохом понести?

¹¹но благдатию Господа Иисуса Христа вeруем спастися, якоже и они.

¹²Умолча же все множество и послушаху варнавы и павла повeдающею, елика сотвори Бог знамения и чудеса во языцeх има.

¹³По умолчании же ею, отвeща иаков глаголя: мужие братие, послушайте мене:

¹⁴симеон повeда, яко прежде Бог посeти прияти от язык люди о имени своем:

¹⁵и сему согласуют словеса пророк, якоже пишет:

¹⁶по сих обращуся и созижду кров давидов падший, и раскопаная его созижду и исправлю его,

¹⁷яко да взыщут прочии человeцы Господа, и вси языцы, в нихже наречеся имя мое, глаголет Господь, творяй сия вся.

¹⁸Разумна от вeка суть Богови вся дeла его.

¹⁹Сего ради аз сужду не стужати от язык обращающымся к Богу,

²⁰но заповeдати им огребатися от треб идолских и от блуда и удавленины и от крове, и елика неугодна себe суть, иным не творити.

²¹Моисей бо от родов древних по всeм градом проповeдающыя его имать, в сонмищих по вся субботы чтомый.

²²Тогда изволися апостолом и старцем со всею церковию, избравше мужа от них, послати во антиохию с павлом и варнавою, иуду нарицаемаго варсаву, и силу, мужа нарочита в братии,

²³написавше рукама их сия: апостоли и старцы и братия, сущым во антиохии и сирии и киликии братиям, иже от язык, (о Господe) радоватися.

²⁴Понеже слышахом, яко нeцыи от нас изшедше возмутиша вас словесы, развращающе душы вашя, глаголюще обрeзатися и блюсти закон, имже мы не завeщахом:

²⁵изволися нам собравшымся единодушно, избранныя мужы послати к вам, с возлюбленныма нашима варнавою и павлом,

²⁶человeкома предавшема душы своя о имени Господа нашего Иисуса Христа:

²⁷послахом убо иуду и силу, и тeх словом сказующих таяжде:

²⁸изволися бо святому Духу и нам, ничтоже множае возложити вам тяготы, развe нуждных сих:

²⁹огребатися от идоложертвенных и крове, и удавленины и блуда: и елика не хощете вам быти, другим не творите: от нихже соблюдающе себе, добрe сотворите. Здравствуйте.

³⁰Они же убо послани бывше приидоша во антиохию, и собравше народ, вдаша послание.

³¹Прочетше же, возрадовашася о утeшении.

³²Иуда же и сила, и та пророка суща, словом мнозeм утeшиста братию и утвердиста.

³³Пребывша же тамо время, отпущена быста с миром от братий ко апостолом.

³⁴Изволися же силe пребыти тамо, иуда же возвратися во иерусалим.

³⁵Павел же и варнава живяста во антиохии, учаща и благовeствующа слово Господне, и со инeми многими.

³⁶По нeких же днех рече павел к варнавe: возвращшеся подобает посeтити братию нашу во всeх градeх, в нихже проповeдахом слово Господне, како пребывают.

³⁷Варнава же восхотe пояти с собою иоанна нарицаемаго марка:

³⁸павел же глаголаше отступльшаго от наю от памфилии и не шедшаго с нама на дeло, на неже послани быхом, не пояти сего с собою.

³⁹Бысть убо распря, яко отлучитися има от себе: варнава убо поемь марка отплы в кипр:

⁴⁰павел же избрав силу изыде предан благодати Божией от братий,

⁴¹прохождаше же сирию и киликию, утверждая церкви.