Read Новый Завет на церковнославянском языке Деяния 16 Bible Online

Деяния 16 - Новый Завет на церковнославянском языке bible

Деяния 16

¹Прииде же в дервию и листру. И се, ученик нeкий бe ту, именем тимофей, сын жены нeкия иудеаныни вeрны, отца же еллина:

²иже свидeтелствован бe от сущих в листрeх и иконии братии.

³Сего восхотe павел с собою изыти: и приемь обрeза его, иудей ради сущих на мeстeх онeх: вeдяху бо вси отца его, яко еллин бяше.

⁴И якоже прохождаху грады, предаяше им хранити уставы сужденныя от апостол и старец, иже во иерусалимe.

⁵Церкви же утверждахуся вeрою и прибываху в число по вся дни.

⁶Прошедше же фригию и галатийскую страну, возбранени (быша) от святаго Духа глаголати слово во асии.

⁷Пришедше же в мисию, покушахуся в вифинию поити: и не остави их Дух.

⁸Прешедше же мисию, снидоша в троаду.

⁹И видeние в нощи явися павлу: муж нeкий бe македонянин стоя, моля его и глаголя: пришед в македонию, помози нам.

¹⁰И якоже видeние видe, абие взыскахом изыти в македонию, разумeвше, яко призва ны Господь благовeстити им.

¹¹Отвезшеся же от троады, приидохом в самофрак, воутрие же в неаполь,

¹²оттуду же в филиппы, иже есть первый град части македонии, колониа. Бeхом же в том градe пребывающе дни нeкия.

¹³В день же субботный изыдохом вон из града при рeцe, идeже мняшеся молитвенница быти, и сeдше глаголахом к собравшымся женам.

¹⁴И нeкая жена, именем лидиа, порфиропродалница от града фиатирскаго, чтущи Бога, послушаше: ейже Господь отверзе сердце внимати глаголемым от павла.

¹⁵Якоже крестися та и дом ея, моляше ны глаголющи: аще усмотристе мя вeрну Господеви быти, вшедше в дом мой, пребудите. И принуди нас.

¹⁶Бысть же идущым нам на молитву, отроковица нeкая имущая дух пытлив срeте нас, яже стяжание много даяше господем своим волхвующи.

¹⁷Та послeдовавши павлу и нам, взываше глаголющи: сии человeцы раби Бога вышняго суть, иже возвeщают нам путь спасeния.

¹⁸Се же творяше на многи дни. Стужив же си павел и обращься, духови рече: запрещаю ти именем Иисуса Христа, изыди из нея. И изыде в том часe.

¹⁹Видeвше же господие ея, яко изыде надежда стяжания их, поемше павла и силу, влекоша на торг ко князем,

²⁰и приведше их к воеводам, рeша: сии человeцы возмущают град наш, иудее суще,

²¹и завeщавают обычаи, яже не достоит нам приимати ни творити, римляном сущым.

²²И снидеся народ на них, и воеводы растерзавше има ризы, веляху палицами бити их:

²³многи же давше има раны, всадиша в темницу, завeщавше темничному стражу твердо стрещи их:

²⁴иже таково завeщание приемь, всади их во внутреннюю темницу и ноги их заби в кладe.

²⁵В полунощи же павел и сила молящася пояста Бога: послушаху же их юзницы.

²⁶Внезапу же трус бысть велий, яко поколебатися основанию темничному: отверзошася же абие двери вся, и всeм юзы ослабeша.

²⁷Возбуждься же темничный страж и видeв отверсты двери темницы, извлек нож, хотяше себе убити, мня избeгшя юзники.

²⁸Возгласи же гласом велиим павел глаголя: ничтоже сотвори себe зла, вси бо есмы здe.

²⁹Просив же свeщи вскочи, и трепетен быв, припаде к павлу и силe,

³⁰и извед их вон, рече: господие, что ми подобает творити, да спасуся?

³¹Она же рекоста: вeруй в Господа Иисуса Христа, и спасешися ты и весь дом твой.

³²И глаголаста ему слово Господне, и всeм, иже в дому его.

³³И поемь я в тойже час нощи, измы от ран и крестися сам и свои ему вси абие:

³⁴введ же я в дом свой, постави трапезу и возрадовася со всeм домом своим, вeровав Богу.

³⁵Дню же бывшу, послаша воеводы паличники, глаголюще: отпусти человeка она.

³⁶Сказа же темничный страж словеса сия павлу, яко послаша воеводы, да отпущена будета: нынe убо изшедша, идита с миром.

³⁷Павел же рече к ним: бивше наю пред людьми, неосужденна человeка римлянина суща, всадиша в темницу, и нынe отай изводят наю? ни бо: но да пришедше сами изведут наю.

³⁸Сказаша же паличницы воеводам глаголы сия: и убояшася слышавше, яко римлянина еста.

³⁹И пришедше умолиша их и изведше моляху изыти из града.

⁴⁰Изшедша же из темницы приидоста к лидии, и видeвша братию, утeшиста их и изыдоста.