Read Новый Завет на церковнославянском языке Деяния 17 Bible Online

Деяния 17 - Новый Завет на церковнославянском языке bible

Деяния 17

¹Прешедша же амфиполь и аполлонию, внидоста в солунь, идeже бe сонмище иудейское.

²По обычаю же своему павел вниде к ним и по субботы три стязашеся с ними от писаний,

³сказуя и предлагая им, яко Христу подобаше пострадати и воскресeнути от мертвых, и яко сей Иисус, егоже аз проповeдую вам, есть Христос.

⁴И нeцыи от них вeроваша и приложишася к павлу и силe, от честивых еллин множество много и от жен благородных не мало.

⁵Возревновавше же непокоршиися иудее и приемше крамолники нeкия мужы злыя, и собравше народ, молвяху по граду: нашедше же на дом иассонов, искаху их извести к народу.

⁶Не обрeтше же их, влечаху иассона и нeкия от братий ко градоначалником, вопиюще, яко, иже развратиша вселенную, сии и здe приидоша,

⁷ихже прият иассон: и сии вси противно велeнием кесаревым творят, царя глаголюще иного быти, Иисуса.

⁸Смятоша же народ и градоначалники слышащыя сия:

⁹вземше же доволное от иассона и от прочих, отпустиша их.

¹⁰Братия же абие в нощи отслаша павла и силу в берию: иже пришедша, идоста в собор иудейский.

¹¹Сии же бяху благороднeйши живущих в солуни, иже прияша слово со всeм усердием, по вся дни разсуждающе писания, аще суть сия тако.

¹²Мнози убо от них вeроваша, и от еллинских жен благообразных и мужей не мало.

¹³И яко увeдаша иже от солуня иудее, яко и в берии проповeдася от павла слово Божие, приидоша и тамо движуще и смущающе народы.

¹⁴Абие же тогда братия отпустиша павла ити на поморие: остаста же сила и тимофей тамо.

¹⁵Провождающии же павла ведоша его даже до афин, и приемше заповeдь к силe и тимофею, да яко скорeе приидут к нему, изыдоша.

¹⁶Во афинeх же ждущу их павлу, раздражашеся дух его в нем зрящем идол полн сущь град.

¹⁷Стязашеся же убо на сонмищи со иудеи и с честивыми, и на торжищи по вся дни с приключающимися.

¹⁸Нeцыи же от епикур и от стоик философ стязахуся с ним: и нeцыи глаголаху: что убо хощет суесловивый сей глаголати? Инии же: чуждих богов мнится проповeдник быти: яко Иисуса и воскресeние благовeствоваше им.

¹⁹Поемше же его, ведоша на ареопаг, глаголюще: можем ли разумeти, что новое сие глаголемое тобою учение?

²⁰странна бо нeкая влагаеши во ушеса наша: хощем убо разумeти, что хотят сия быти?

²¹Афинее же вси и приходящии страннии ни во чтоже ино упражняхуся, развe глаголати что или слышати новое.

²²Став же павел посредe ареопага, рече: мужие афинейстии, по всему зрю вы аки благочестивыя:

²³проходя бо и соглядая чествования ваша, обрeтох и капище, на немже бe написано: невeдомому Богу. Егоже убо не вeдуще (благолeпнe) чтете, сего аз проповeдую вам.

²⁴Бог сотворивый мир и вся, яже в нем, сей небесе и земли Господь сый, не в рукотворенных храмeх живет,

²⁵ни от рук человeческих угождения приемлет, требуя что, сам дая всeм живот и дыхание и вся:

²⁶сотворил же есть от единыя крове весь язык человeчь, жити по всему лицу земному, уставив предучиненая времена и предeлы селения их,

²⁷взыскати Господа, да поне осяжут его и обрящут, яко не далече от единаго коегождо нас суща:

²⁸о нем бо живем и движемся и есмы, якоже и нeцыи от ваших книжник рекоша: сего бо и род есмы.

²⁹Род убо суще Божий, не должни есмы непщевати подобно быти бж(с)тво злату, или сребру, или каменю художнe начертану, и смышлению человeчу:

³⁰лeта убо невeдeния презирая Бог, нынe повелeвает человeком всeм всюду покаятися:

³¹зане уставил есть день, в оньже хощет судити вселеннeй в правдe, о мужи, егоже предустави, вeру подая всeм, воскресив его от мертвых.

³²Слышавше же воскресeние мертвых, овии убо ругахуся, овии же рeша: да слышим тя паки о семe.

³³И тако павел изыде от среды их.

³⁴Нeцыи же мужие прилeпившеся ему, вeроваша: в нихже бe и дионисий ареопагитский, и жена именем дамарь, и друзии с ними.