Read Новый Завет на церковнославянском языке Деяния 18 Bible Online

Деяния 18 - Новый Завет на церковнославянском языке bible

Деяния 18

¹По сих же отлучився павел от афин, прииде в коринф:

²и обрeт нeкоего иудеанина именем акилу, понтянина родом, ново пришедша от италии, и прискиллу жену его: зане повелeл бяше клавдий отлучитися всeм иудеем от рима: прииде к ним,

³и зане единохудожником быти им, пребысть у них и дeлаше: бяху бо скинотворцы хитростию.

⁴Стязашеся же на сонмищах по вся субботы и препираше иудеи и еллины.

⁵И егда снидоста от македонии сила же и тимофей, тужаше духом павел, свидeтелствуя иудеом Иисуса быти Христа.

⁶Противящымся же им и хулящым, отряс ризы своя, рече к ним: кровь ваша на главах ваших: чист аз, отнынe во языки иду.

⁷И прешед оттуду, прииде в дом нeкоего именем иуста, чтуща Бога, емуже храмина бe вскрай сонмища.

⁸Крисп же началник собора вeрова Господеви со всeм домом своим, и мнози от коринфян слышавше вeроваху и крещахуся.

⁹Рече же Господь в видeнии нощнeм павлу: не бойся, но глаголи и да не умолкнеши,

¹⁰зане аз есмь с тобою, и никтоже приложит озлобити тя: зане людие суть ми мнози во градe сем.

¹¹Пребысть же тамо лeто и мeсяц шесть, учя в них слову Божию.

¹²Галлиону же анфипату сущу во ахаии, нападоша единодушно иудее на павла и приведоша его на судилище,

¹³глаголюще, яко противу закону сей увeщавает человeки чтити Бога.

¹⁴Хотящу же павлу отверсти уста, рече галлион ко иудеем: аще убо неправда была бы кая или дeло злое, о!, иудее, по слову послушал бых вас:

¹⁵аще ли же стязания суть о словеси и о именeх и о законe вашем, вeдите сами: судия бо аз сим не хощу быти.

¹⁶И изгна их от судилища.

¹⁷Емше же вси еллини сосфена началника собора, бияху пред судилищем: и ни едино о сих галлиону радeние бысть.

¹⁸Павел же, еще пребыв дни доволны и цeловав братию, отплы в сирию, и с ним акила и прискилла, остриг главу в кегхреих: обрекся бо бe.

¹⁹Приста же во ефесe и тeх остави тамо, сам же вшед в сонмище, стязашеся со иудеи.

²⁰Молящым же им его на много время пребыти у них, не изволи,

²¹но отречеся им, глаголя, яко подобает ми всяко праздник грядущий сотворити во иерусалимe: паки же возвращуся к вам, Богу хотящу. И отвезеся от ефеса: акила же и прискилла остаста во ефесe.

²²И сошед в кесарию, возшед и цeловав церковь, сниде во антиохию,

²³и сотворь время нeкое, изыде, проходя поряду галатийскую страну и фригию, утверждая вся ученики.

²⁴Иудеанин же нeкто, аполлос именем, александрянин родом, муж словесен, прииде во ефес, силен сый в книгах.

²⁵Сей бe оглашен пути Господню, и горя духом, глаголаше и учаше извeстно яже о Господe, вeдый токмо крещение иоанново.

²⁶Сей же начат дерзати на сонмищих. Слышавша же его акила и прискилла, прияста его и извeстнeе тому сказаста путь Господень.

²⁷Хотящу же ему преити во ахаию, предпославше братия написаша учеником прияти его: иже пришед тамо пособствова много вeровавшым благодатию:

²⁸твердо бо иудеи не престая обличаше пред людьми, сказуя писаньми, Иисуса быти Христа.