Read Новый Завет на церковнославянском языке Деяния 19 Bible Online

Деяния 19 - Новый Завет на церковнославянском языке bible

Деяния 19

¹Бысть же внегда быти аполлосу в коринфe, павел, прошед вышния страны, прииде во ефес, и обрeт нeкия ученики,

²рече к ним: аще убо Дух свят прияли есте вeровавше? Они же рeша к нему: но ниже аще Дух святый есть, слышахом.

³Рече же к ним: во что убо крестистеся? Они же рекоша: во иоанново крещение.

⁴Рече же павел: иоанн убо крести крещением покаяния, людем глаголя, да во грядущаго по нем вeруют, сирeчь во Христа Иисуса.

⁵Слышавше же крестишася во имя Господа Иисуса,

⁶и возложшу павлу на ня руцe, прииде Дух святый на ня, глаголаху же языки и пророчествоваху.

⁷Бяше же всeх мужей яко дванадесять.

⁸Вшед же в сонмище, дерзаше, не обинуяся три мeсяцы бесeдуя и увeряя, яже о царствии Божии.

⁹И егда нeцыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя (властителя) нeкоего.

¹⁰Сие же бысть два лeта, яко всeм живущым во асии слышати слово Господа Иисуса, жидом же и еллином.

¹¹Силы же не просты творяше Бог рукама павловыма,

¹²яко и на недужныя наносити от (пота) тeла его главотяжы и убрусцы, и исцeлитися им от недуг, и духом лукавым исходити от них.

¹³Начаша же нeцыи от скитающихся иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, егоже павел проповeдует.

¹⁴Бяху же нeцыи сынове скевы иудеанина архиереа седмь, иже сие творяху.

¹⁵Отвeщав же дух лукавый рече: Иисуса знаю и павла свeм, вы же кто есте?

¹⁶И скачя на них человeк, в немже бe дух лукавый, и одолeв им, укрeпися на них, якоже нагим и ураненым избeжати от храма онаго.

¹⁷Сие же бысть разумно всeм живущым во ефесe иудеем же и еллином, и нападе страх на всeх их, и величашеся имя Господа Иисуса:

¹⁸мнози же от вeровавших прихождаху, исповeдающе и сказующе дeла своя:

¹⁹доволни же от сотворших чародeяния, собравше книги своя, сожигаху пред всeми: и сложиша цeны их и обрeтоша сребра пять тем.

²⁰Сице крeпко слово Господне растяше и крeпляшеся.

²¹И якоже скончашася сия, положи павел в дусe, прошед македонию и ахаию, ити во иерусалим, рек, яко бывшу ми тамо, подобает ми и рим видeти.

²²Послав же в македонию два от служащих ему, тимофеа и ераста, сам же пребысть время во асии.

²³Бысть же во время оно молва не мала о пути Господни:

²⁴димитрий бо нeкто именем, среброковачь, творяй храмы сребряны артемидe, подаяше хитрецем дeлание (стяжание) не мало,

²⁵ихже собрав и ины сицевых вещей дeлатели, рече: мужие, вeсте, яко от сего дeлания доволство житию нашему есть:

²⁶и видите и слышите, яко не токмо ефес, но мало не всю асию павел сей препрeв, обрати мног народ, глаголя, яко не суть бози, иже руками человeческими бывают:

²⁷не токмо же сия бeду приемлет наша часть, еже бы во обличение не приити, но дабы и великия богини артемиды храм ни во чтоже не вмeнился, имать же разоритися и величество ея, юже вся асиа и вселенная почитает.

²⁸Слышавше же и бывше исполнени ярости, вопияху глаголюще: велика артемида ефесская.

²⁹И исполнися град весь мятежа: устремишася же единодушно на позорище, восхищше гаиа и аристарха македоняны, други (сопутники) павловы.

³⁰Павлу же хотящу внити в народ, не оставляху его ученицы:

³¹нeцыи же от асийских началник, суще ему друзи, пославше к нему, моляху не вдати себе в позор.

³²Друзии же убо ино нeчто вопияху: бe бо собрание смущено, и множайшии от них не вeдяху, чесо ради собрашася.

³³От народа же избраша александра, изведшым его иудеем. Александр же, помаав рукою, хотяше отвeщати народу.

³⁴Разумeвше же, яко иудеанин есть, глас бысть един от всeх, яко на два часа вопиющих: велика артемида ефесская.

³⁵Утишив же книжник народ, рече: мужие ефесстии, кто бо есть человeк, иже не вeсть, яко ефесский град служитель есть великия богини артемиды и диопета?

³⁶без всякаго убо прекословия сим сице сущым, потребно есть вам безмолвным быти и ничтоже безчинно творити:

³⁷приведосте бо мужей сих, ни храм (артемидин) окрадших, ниже богиню вашу хулящих:

³⁸аще убо димитрий и иже с ним художницы имут к кому слово, суды суть и анфипати суть: да поемлют друг на друга:

³⁹аще ли же что о иных ищете, в законнeм собрании разрeшится:

⁴⁰ибо бeдствуем порицаеми быти о крамолe днешней, ни единeй винe сущей, о нейже возможем воздати слово стремления сего. И сия рек распусти собравшийся народ.