Read Новый Завет на церковнославянском языке Деяния 20 Bible Online

Деяния 20 - Новый Завет на церковнославянском языке bible

Деяния 20

¹По утишении же молвы, призвав павел ученики, утeшив и цeловав их, изыде ити в македонию.

²Прошед же страны оны и утeшив их словом многим, прииде во елладу:

³пожив же мeсяцы три, бывшу нань навeту от иудей, хотящу отвезтися в сирию, бысть хотeние возвратитися сквозe македонию.

⁴Послeдова же ему даже до асии сосипатр пирров берянин, солуняне же аристарх и секунд, и гаий дервянин и тимофей, асиане же тихик и трофим.

⁵Сии предшедше ждаху нас в троадe.

⁶Мы же отвезохомся по днех опрeсночных от филипп и приидохом к ним в троаду во днех пяти, идeже пребыхом дний седмь.

⁷Во едину же от суббот, собравшымся учеником преломити хлeб, павел бесeдоваше к ним, хотя изыти на утрии, простре же слово до полунощи.

⁸Бяху же свeщы многи в горницe, идeже бeхом собрани.

⁹Сeдя же нeкто юноша, именем евтих, во окнe, отягчен сном глубоким, глаголющу павлу о мнозe, преклонься от сна, паде от трекровника долу, и взяша его мертва.

¹⁰Сошед же павел нападе нань, и обемь его рече: не молвите, ибо душа его в нем есть.

¹¹Возшед же и преломль хлeб и вкушь, доволно же бесeдовав даже до зари, и тако изыде.

¹²Приведоша же отрока жива и утeшишася не мало.

¹³Мы же, пришедше в корабль, отвезохомся во ассон, оттуду хотяще пояти павла: тако бо нам бe повелeл, хотя сам пeшь ити.

¹⁴И якоже снидеся с нами во ассонe, вземше его приидохом в митилин.

¹⁵И оттуду отвезшеся, во утрие пристахом противу хию, в другий же отвезохомся в самон, и пребывше в трогиллии, в грядущий же день приидохом в милит:

¹⁶суди бо павел мимо ити ефес, яко да не будет ему закоснeти во асии, тщашебося, аще возможно будет, в день пятьдесятный быти во иерусалимe.

¹⁷От милита же послав во ефес, призва пресвитеры церковныя,

¹⁸и якоже приидоша к нему, рече к ним: вы вeсте, яко от перваго дне, отнелиже приидох во асию, како с вами все время бых,

¹⁹работая Господеви со всяким смиреномдрием и многими слезами и напастьми, прилучившимися мнe от иудейских навeт:

²⁰яко ни в чесом от полезных обинухся, еже сказати вам и научити вас пред людьми и по домом,

²¹засвидeтелствуя иудеем же и еллином еже к Богу покаяние и вeру яже в Господа нашего Иисуса Христа.

²²И нынe, се, аз связан духом гряду во иерусалим, яже в нем хотящая приключитися мнe не вeдый:

²³точию яко Дух святый по вся грады свидeтелствует, глаголя, яко узы мене и скорби ждут.

²⁴Но ни едино же попечение творю, ниже имам душу мою честну себe, развe еже скончати течение мое с радостию и службу, юже приях от Господа Иисуса, засвидeтелствовати евангелие благодати Божия.

²⁵И нынe, се, аз вeм, яко ктому не узрите лица моего вы вси, в нихже проидох проповeдуя царствие Божие.

²⁶Тeмже свидeтелствую вам во днешний день, яко чист аз от крове всeх,

²⁷не обинухся бо сказати вам всю волю Божию.

²⁸Внимайте убо себe и всему стаду, в немже вас Дух святый постави епископы, пасти церковь Господа и Бога, юже стяжа кровию своею.

²⁹Аз бо вeм сие, яко по отшествии моем внидут волцы тяжцы в вас, не щадящии стада:

³⁰и от вас самeх востанут мужие глаголющии развращеная, еже отторгати ученики вслeд себе.

³¹Сего ради бдите, поминающе, яко три лeта нощь и день не престаях учя со слезами единаго когождо вас.

³²И нынe предаю вас, братие, Богови и слову благодати его, могущему наздати и дати вам наслeдие во освященных всeх.

³³Сребра или злата или риз ни единаго возжелах:

³⁴сами вeсте, яко требованию моему и сущым со мною послужистe руцe мои сии.

³⁵Вся сказах вам, яко тако труждающымся подобает заступати немощныя, поминати же слово Господа Иисуса, яко сам рече: блаженнeе есть паче даяти, нежели приимати.

³⁶И сия рек, преклонь колeна своя, со всeми ими помолися.

³⁷Мног же бысть плачь всeм: и нападше на выю павлову, облобызаху его,

³⁸скорбяще наипаче о словеси, еже рече, яко ктому не имут лица его узрeти. Провождаху же его в корабль.