Read Новый Завет на церковнославянском языке Деяния 22 Bible Online

Деяния 22 - Новый Завет на церковнославянском языке bible

Деяния 22

¹Мужие братие и отцы, услышите мой к вам нынe отвeт.

²Слышавше же, яко еврейским языком возгласи к ним, паче приложиша безмолвие. И рече:

³аз убо есмь муж иудеанин, родився в тарсe киликийстeм, воспитан же во градe сем при ногу гамалиилову, наказан извeстно отеческому закону, ревнитель сый Божий, якоже вси вы есте днесь:

⁴иже сей путь гоних даже до смерти, вяжя и предая в темницу мужы же и жены,

⁵якоже и архиерей свидeтелствует ми и вси старцы: от нихже и послания приемь к живущым в дамасцe братиям, идях привести сущыя тамо связаны во иерусалим, да мучатся.

⁶Бысть же ми идущу и приближающуся к дамаску в полудне, внезапу с небесе облиста свeт мног окрест мене.

⁷Падох же на землю и слышах глас глаголющь ми: савле, савле, что мя гониши?

⁸Аз же отвeщах: кто еси, Господи? рече же ко мнe: аз есмь Иисус назорей, егоже ты гониши.

⁹Со мною же сущии свeт убо видeша и пристрашни быша, гласа же не слышаша глаголющаго ко мнe.

¹⁰Рекох же: что сотворю, Господи? Господь же рече ко мнe: востав иди в дамаск, и тамо речется ти о всeх, яже вчинено ти есть творити.

¹¹И якоже не видeх от славы свeта онаго, за руку ведомь от сущих со мною, внидох в дамаск.

¹²Ананиа же нeкий, муж благоговeин по закону, свидeтелствован от всeх живущих в дамасцe иудей,

¹³пришед ко мнe и став рече ми: савле брате, прозри. И аз в той час воззрeх нань.

¹⁴Он же рече ми: Бог отец наших изволи (предизбра) тя разумeти хотeние его, и видeти првдника, и слышати глас от уст его:

¹⁵яко будеши ему свидeтель у всeх человeков о сих, яже видeл еси и слышал:

¹⁶и нынe что медлиши? востав крестися и омый грeхи твоя, призвав имя Господа Иисуса.

¹⁷Бысть же возвратившумися во иерусалим и молящумися в церкви, быти во изступлении

¹⁸и видeти его глаголюща ми: потщися и изыди скоро из иерусалима, зане не приимут свидeтелства твоего, еже о мнe.

¹⁹И аз рeх: Господи, сами вeдят, яко аз бeх всаждая в темницу и бия по сонмищих вeрующыя в тя,

²⁰и егда изливашеся кровь стефана свидeтеля твоего, и сам бeх стоя и соизволяя убиению его и стрегий риз убивающих его.

²¹И рече ко мнe: иди, яко аз во языки далече послю тя.

²²Послушаху же его даже до сего словесе и воздвигоша глас свой, глаголюще: возьми от земли таковаго, не подобает бо ему жити.

²³Вопиющым же им и мещущым ризы и прах возметающым на воздух,

²⁴повелe тысящник отвести его в полк, рек ранами истязати его, да разумeет, за кую вину тако вопияху нань.

²⁵И якоже протягоша его вервьми, рече к стоящему сотнику павел: человeка римлянина и неосуждена лeть ли есть вам бити?

²⁶Слышав же сотник, приступи к тысящнику, сказа, глаголя: виждь, что хощеши сотворити? человeк бо сей римлянин есть.

²⁷Приступль же тысящник рече ему: глаголи ми, римлянин ли еси ты? Он же рече: ей.

²⁸Отвeща же тысящник: аз многою цeною нарeчение жителства сего стяжах. Павел же рече: аз же и родихся в нем.

²⁹Абие убо отступиша от него хотящии его истязати, и тысящник же убояся, разумeв, яко римлянин есть, и яко бe его связал.

³⁰На утрие же, хотя разумeти истину, чесо ради оклеветается от иудей, разрeши его от уз и повелe приити архиереем и всему собору их: и свед павла, постави (его) пред ними.