Read Новый Завет на церковнославянском языке Деяния 23 Bible Online

Деяния 23 - Новый Завет на церковнославянском языке bible

Деяния 23

¹Воззрeв же павел на сонм, рече: мужие братие, аз всею совeстию благою жителствовах пред Богом даже до сего дне.

²Архиерей же ананиа повелe предстоящым ему бити его уста.

³Тогда павел рече к нему: бити тя имать Бог, стeно повапленая: и ты сeдиши судя ми по закону, преступая же закон велиши, да биют мя.

⁴Предстоящии же рeша: архиерею ли Божию досаждаеши?

⁵Рече же павел: не вeдах, братие, яко архиерей есть: писано бо есть: князю людий твоих да не речеши зла.

⁶Разумeв же павел, яко едина часть есть саддукей, другая же фарисей, воззва в сонмищи: мужие братие, аз фарисей есмь, сын фарисеов: о уповании и о воскресeнии мертвых аз суд приемлю.

⁷Се же ему рекшу, бысть распря между саддукеи и фарисеи, и раздeлися народ:

⁸саддукее бо глаголют не быти воскресeния, ни ангела, ни духа: фарисее же исповeдуют обоя.

⁹Бысть же кличь велик, и воставше книжницы части фарисейския пряхуся между собою, глаголюще: ни едино зло обрeтаем в человeцe сем: аще же дух глагола ему или ангел, не противимся Богу.

¹⁰Мнозe же бывшей распри, бояся тысящник, да не растерзан будет павел от них, повелe воином снити и восхитити его от среды их и вести (его) в полк.

¹¹В наставшую же нощь представ ему Господь, рече: дерзай, павле: якоже бо свидeтелствовал еси яже о мнe во иерусалимe, сице ти подобает и в римe свидeтелствовати.

¹²Бывшу же дню, сотворше нeцыи от иудей совeт (навeт), закляша себе, глаголюще не ясти ни пити, дондеже убиют павла:

¹³бяху же множае четыредесятих сию клятву сотворшии,

¹⁴иже приступльше ко архиереем и старцем, рeша: клятвою прокляхом себе ничтоже вкусити, дондеже убием павла:

¹⁵нынe убо вы скажите тысящнику с собором, яко да утрe сведет его к вам, аки бы хотяще разумeти извeстнeе яже о нем: мы же, прежде даже не приближитися ему, готови есмы убити его.

¹⁶Слышав же сын сестры павловы ков, пришед и вшед в полк, сказа павлу.

¹⁷Призвав же павел единаго от сотник, рече: юношу сего отведи к тысящнику: имать бо нeчто сказати ему.

¹⁸Он же убо поим его приведе к тысящнику и рече: узник павел призвав мя, умоли сего юношу привести к тебe, имуща нeчто глаголати тебe.

¹⁹Поим же его за руку тысящник и отшед на единe, вопрошаше его: что есть, еже имаши возвeстити ми?

²⁰Рече же, яко иудее совeщаша умолити тя, яко да утрe сведеши павла к ним в собор, аки бы хотящым извeстнeе истязати яже о нем:

²¹ты убо не послушай их: ловят бо его от них мужие множае четыредесяти, иже закляша себе ни ясти ни пити, дондеже убиют его: и нынe готови суть, чающе обeщания, еже от тебе.

²²Тысящник убо отпусти юношу, завeщав ни единому же повeдати, яко сия явил еси мнe.

²³И призвав два нeкия от сотник, рече: уготовита (ми) воинов вооруженных двeстe, яко да идут до кесарии, и конник седмьдесят, и стрeлец двeстe, от третияго часа нощи:

²⁴и скоты привести, да всадивше павла проводят до филикса игемона.

²⁵Написа же (и) послание имущее образ сей:

²⁶клавдий лисиа державному игемону филиксу радоватися:

²⁷мужа сего ята от иудей и имуща убиена быти от них, приступль с воины отях его, увeдeв, яко римлянин есть:

²⁸хотя же разумeти вину, еяже ради поимаху нань, сведох его в сонмище их:

²⁹егоже обрeтох оглаголуема о взыскании закона их, ни едино же достойно смерти или узам согрeшение имуща:

³⁰сказану же бывшу ми кову хотящу быти от иудей на мужа сего, абие послах (его) к тебe, завeщав и клеветником (его) глаголати пред тобою, яже нань: здрав буди.

³¹Воини же убо по повелeнному им, вземше павла, ведоша об нощь во антипатриду:

³²во утрие же, оставльше конники ити с ним, возвратишася в полк.

³³Они же пришедше в кесарию и вдавше послание игемону, представиша ему и павла.

³⁴Прочет же игемон послание и вопрошь, от коея области есть, и увeдeв, яко от киликии, рече:

³⁵услышу о тебe, егда и клеветницы твои приидут. И повелe в преторe иродовe стрещи его.