Read Новый Завет на церковнославянском языке Деяния 24 Bible Online

Деяния 24 - Новый Завет на церковнославянском языке bible

Деяния 24

¹По пятих же днех сниде архиерей ананиа со старцы и с ритором нeкиим тертиллом, иже сказаша игемону о павлe.

²Призвану же бывшу ему, начат клеветати тертилл, глаголя:

³мног мир улучающе тобою, и исправления бываемая языку сему твоим промышлением, всяким же образом и вездe приемлем, державный филиксе, со всяким благодарением:

⁴но да не множае стужаю тебe, молю тя послушати нас вкратцe твоею кротостию:

⁵обрeтохом бо мужа сего губителя и движуща противление всeм иудеем живущым по вселеннeй и предстателя (суща) назорейстeй ереси,

⁶иже и церковь покусися осквернити, егоже и яхом и по закону нашему хотeхом судити ему:

⁷пришед же лисиа тысящник, многою силою от рук наших исхити его и к тебe посла,

⁸повелeв (и нам) поемлющым нань ити к тебe: от негоже возможеши сам разсудив о всeх сих познати, о нихже мы поемлем нань.

⁹Сложишася же и иудее, глаголюще сим тако быти.

¹⁰Отвeща же павел, поманувшу ему игемону глаголати: от многих лeт суща тя судию праведна языку сему свeдый, благодушнeе яже о мнe отвeщаю,

¹¹могущу ти разумeти, яко не множае ми есть дний дванадесятих, отнелeже взыдох поклонитися во иерусалим:

¹²и ни в церкви обрeтоша мя к кому глаголюща или разврат творяща народу, ни в сонмищих, ни во градe,

¹³ниже довести могут, елика тебe нынe на мя глаголют:

¹⁴исповeдую же тебe сие, яко в пути, егоже сии глаголют ересь, тако служу отеческому Богу, вeруя всeм сущым в законe и пророцeх писаным,

¹⁵упование имый на Бога, яко воскресeние хощет быти мертвым, првдником же и грeшником, егоже и сами сии чают:

¹⁶о сем же и аз подвизаюся, непорочну совeсть имeти всегда пред Богом же и человeки:

¹⁷по лeтeх же многих приидох сотворити милостыни во язык мой и приношения:

¹⁸в нихже обрeтоша мя очищенна в церкви, ни с народом, ниже с молвою,

¹⁹нeцыи от асии иудее, имже подобаше пред тя приити и глаголати, аще имут что на мя:

²⁰или сами тии да глаголют, аще кую обрeтоша во мнe неправду, ставшу ми в сонмищи,

²¹развe единаго сего гласа, имже возопих стоя в них, яко о воскресeнии мертвых аз суд приемлю днесь от вас.

²²Слышав же сия филикс отвeща (отрече) им, извeстнeе увeдeв яже о пути сем, глаголя: егда лисиа тысящник приидет, разсужду яже о вас.

²³Повелe же сотнику стрещи павла, и имeти ослабу, и ни единому же возбраняти от своих ему служити или приходити к нему.

²⁴По днех же нeкиих пришед филикс со друсиллиею женою своею сущею иудеанынею, призва павла, да слышит от него вeру, яже во Христа Иисуса.

²⁵Глаголющу же ему о правдe и о воздержании и о судe хотящем быти, пристрашен быв филикс отвeща: нынe убо иди, время же получив призову тя.

²⁶Вкупe же и надeяся, яко мзда дастся ему от павла, яко да отпустит его: тeмже и часто призывая его, бесeдоваше с ним.

²⁷Двeма же лeтома скончавшемася прият измeнение филикс поркиа фиста: хотя же угодное сотворити иудеем филикс, остави павла связана.