Read Новый Завет на церковнославянском языке Деяния 25 Bible Online

Деяния 25 - Новый Завет на церковнославянском языке bible

Деяния 25

¹Фист же убо приимь власть, по триех днех взыде во иерусалим от кесарии.

²Сказаша же ему архиерее и первии от иудей на павла и моляху его,

³просяще благодати нань, яко да послет его во иерусалим, ков творяще, яко да убиют его на пути.

⁴Фист же повелe павла стрещи в кесарии, сам тамо хотя вскорe изыти:

⁵иже убо сильнии в вас, рече, со мною шедше, аще есть кая неправда в мужи сем, да глаголют нань.

⁶Пребыв же у них не множае десяти дний, сниде в кесарию: на утрие сeд на судищи, повелe павла привести.

⁷Приведену же бывшу ему, окрест сташа иже от иерусалима сшедшии иудее, многи и тяжки вины приносяще на павла, ихже не можаху изявити:

⁸отвeщавающу ему, яко ни на закон иудейский, ни на церковь, ни на кесаря что согрeших.

⁹Фист же хотя угодное иудеем сотворити, отвeщав павлови рече: хощеши ли, во иерусалим возшед, тамо о сих суд прияти от мене?

¹⁰Рече же павел: на судищи кесаревe стоя есмь, идeже ми достоит суд прияти: иудей ни чимже обидeх, якоже и ты добрe вeси:

¹¹аще бо неправдую или достойно смерти сотворих что, не отмещуся умрети: аще ли же ничтоже есть во мнe, еже сии на мя клевещут, никтоже мя может тeм выдати: кесаря нарицаю.

¹²Тогда фист состязався с совeтники, отвeща: кесаря ли нарекл еси? к кесарю пойдеши.

¹³Днем же минувшым нeким, агриппа царь и верникиа снидоста в кесарию цeловати фиста.

¹⁴И якоже многи дни пребыста ту, фист сказа царю яже о павлe, глаголя: муж нeкий есть оставлен от филикса узник,

¹⁵о немже, бывшу ми во иерусалимe, явиша архиерее и старцы иудейстии, просяще нань суда.

¹⁶К нимже отвeщах, яко нeсть обычай римляном выдати человeка коего на погибель, прежде даже оклеветаемый не имать пред лицем клевещущих его и мeсто отвeта приимет о своем согрeшении.

¹⁷Сшедшымся же им здe, закоснeние ни едино сотворь, на утрие сeд на судищи, повелeх привести мужа.

¹⁸Окрест же его ставше клеветницы, ни едину вину, яже аз непщевах, нанесоша:

¹⁹стязания же нeкая о своей различнeй вeрe имяху к нему и о нeкоем Иисусe умершем, егоже глаголаше павел жива быти.

²⁰Недоумeяся же аз о взыскании сих, глаголах, аще хощет ити во иерусалим и тамо суд прияти о сих.

²¹Павлу же нарекшу блюдену быти ему до разсуждения августа, повелeх блюсти его, дондеже послю его к кесарю.

²²Агриппа же к фисту рече: хотeл бых и сам человeка сего слышати. Он же рече: утрe услышиши его.

²³На утрие же пришедшу агриппe и верникии со многою гордостию и вшедшым в судебную палату с тысящники и с нарочитыми мужи града, и повелeвшу фисту, приведен бысть павел.

²⁴И рече фист: агриппо царю и вси сущии с нами мужие, видите сего, о немже все множество иудей стужаху ми во иерусалимe же и здe, вопиюще, яко не подобает жити ему ктому:

²⁵аз же разумeв ничтоже достойно смерти сотворша его, и самому же сему нарекшу севаста, судих послати его:

²⁶о немже извeстное что писати господину не имам: тeмже и приведох его пред вас, наипаче же пред тя, агриппо царю, яко да разсуждению бывшу имам что писати:

²⁷безсловесно бо мнится ми, посылающу юзника, а вины, яже нань, не сказати.