Read Новый Завет на церковнославянском языке Деяния 26 Bible Online

Деяния 26 - Новый Завет на церковнославянском языке bible

Деяния 26

¹Агриппа же к павлу рече: повелeвается ти о себe самому глаголати. Тогда павел простер руку отвeщаваше:

²о всeх, о нихже оклеветаемь есмь от иудей, царю агриппо, непщую себе блаженна быти, яко пред тобою отвeщати днесь имам,

³паче же вeдца тя суща свeдый всeх иудейских обычаев и взысканий. Тeмже молюся ти долготерпeливно послушати мене.

⁴Житие убо мое еже от юности, исперва бывшее во языцe моем во иерусалимe, вeдят вси иудее,

⁵вeдяще мя исперва, аще хотят свидeтелствовати, яко по извeстнeй ереси нашея вeры жих фарисей.

⁶И нынe о уповании обeтования, бывшаго от Бога ко отцем нашым, стою судимь,

⁷в неже обанадесяте колeна наша безпрестани день и нощь служаще надeются доити: о немже уповании оклеветаемь есмь, царю агриппо, от иудей.

⁸Что? Невeрно ли судится вами, яко Бог мертвыя возставляет?

⁹Аз убо мнeх, яко подобает ми многа сопротивна противу имене Иисуса назореа сотворити:

¹⁰еже и сотворих во иерусалимe, и многи от святых аз в темницах затворях, власть от архиерей приемь: убиваемым же им прилагах совeт:

¹¹и на всeх сонмищих множицею мучя их, принуждах хулити: преизлиха же враждуя на них, гонях даже и до внeшних градов.

¹²В нихже идый в дамаск со властию и повелeнием, еже от архиерей,

¹³в полудни на пути видeх, царю, с небесе паче сияния солнечнаго осиявший мя свeт и со мною идущих.

¹⁴Всeм же падшым нам на землю, слышах глас глаголющь ко мнe и вeщающь еврейским языком: савле, савле, что мя гониши? жестоко ти есть противу рожна прати.

¹⁵Аз же рeх: кто еси, Господи? Он же рече: аз есмь Иисус, егоже ты гониши:

¹⁶но востани и стани на ногу твоею: на се бо явихся ти, сотворити тя слугу и свидeтеля, яже видeл еси и яже явлю тебe,

¹⁷изимая тя от людий иудейских и от язык, к нимже аз тя послю,

¹⁸отверсти очи их, да обратятся от тмы в свeт и от области сатанины к Богу, еже прияти им оставление грeхов и достояние во святых вeрою, яже в мя.

¹⁹Тeмже, царю агриппо, не бых противен небесному видeнию,

²⁰но сущым в дамасцe прежде и во иерусалимe, и во всяцeй странe иудейстей и языком проповeдую покаятися и обратитися к Богу, достойна покаянию дeла творяще.

²¹Сих ради мя иудее емше во святилищи хотяху растерзати.

²²Помощь убо улучив яже от Бога, даже до дне сего стою, свидeтелствуя малу же и велику, ничтоже вeщая, развe яже пророцы рекоша хотящая быти и моисей,

²³яко Христос имeяше пострадати, яко первый от воскресeния мертвых свeт хотяше проповeдати людем (иудейским) и языком.

²⁴Сия же ему отвeщавающу, фист велиим гласом рече: бeснуешися ли, павле? многия тя книги в неистовство прелагают.

²⁵Он же: не бeснуюся, рече, державный фисте, но истины и цeломдрия глаголы вeщаю:

²⁶вeсть бо о сих царь, к немуже и с дерзновением глаголю: утаитися бо ему от сих не вeрую ничесомуже, нeсть бо во углe сотворено сие:

²⁷вeруеши ли, царю агриппо, пророком? вeм, яко вeруеши.

²⁸Агриппа же к павлу рече: вмалe мя препираеши Христианина быти.

²⁹Павел же рече: молил убо бых Бога, и вмалe и во мнозe, не токмо тебе, но и всeх слышащих мя днесь, быти им тацeм, яков и аз есмь, кромe уз сих.

³⁰И сия рекшу ему, воста царь и игемон, и верникиа и сeдящии с ними,

³¹и отшедше бесeдоваху друг ко другу, глаголюще, яко ничтоже смерти достойно или уз творит человeк сей.

³²Агриппа же фисту рече: отпущен быти можаше человeк сей, аще не бы кесаря нарицал. И тако суди игемон послати его к кесарю.