Read Новый Завет на церковнославянском языке Деяния 27 Bible Online

Деяния 27 - Новый Завет на церковнославянском языке bible

Деяния 27

¹И якоже суждено бысть отплыти нам во италию, предаху павла же и иныя нeкия юзники сотнику, именем иулию, спиры севастийския.

²Вшедше же в корабль адрамитский, восхотeвше плыти во асийская мeста, отвезохомся, сущу с нами аристарху македонянину от солуня.

³В другий же пристахом в сидонe: человeколюбие же иулий павлови дeя, повелe к другом шедшу прилeжание (пособие) улучити.

⁴И оттуду отвезшеся приплыхом в кипр, зане вeтри бяху противни:

⁵пучину же, яже противу киликии и памфилии, преплывше, приидохом в миры ликийския.

⁶И тамо обрeт сотник корабль александрийский пловущь во италию, всади ны в онь.

⁷Во многи же дни косно плавающе и едва бывше противу книда, не оставляющу нас вeтру, приплыхом под крит при салмонe:

⁸едва же избирающе край, приидохом на мeсто нeкое, нарицаемое доброе пристанище, емуже близ бe град ласей.

⁹Многу же времени минувшу и сущу уже небезбeдну плаванию, занеже и пост уже бe прешел, совeтоваше павел,

¹⁰глаголя им: мужие, вижду, яко с досаждением и многою тщетою не токмо бремене и корабля, но и душ наших хощет быти плавание.

¹¹Сотник же кормчия и навклира послушаше паче, нежели павлом глаголемых.

¹²Не добру же пристанищу сущу ко озимeнию, мнози совeт даяху отвезтися оттуду, аще како возмогут, достигше финикии, озимeти в пристанищи критстeм, зрящем к ливу и к хору.

¹³Дхнувшу же югу, мнeвше волю свою улучити, воздвигше вeтрила, плыху вскрай крита.

¹⁴Не по мнозe же возвeя противен ему вeтр бурен, нарицаемый евроклидон.

¹⁵Восхищену же бывшу кораблю и не могущу сопротивитися вeтру, вдавшеся волнам носими бeхом.

¹⁶Остров же нeкий мимотекше, нарицающься клавдий, едва возмогохом удержати ладию:

¹⁷юже востягше, всяким образом помогаху, подтверждающе корабль: боящеся же, да не в сирть (в мелкая мeста) впадут, низпустивше парус, сице носими бeху.

¹⁸Вельми же обуреваемым нам, на утрие изметание творяху,

¹⁹и в третий день своими руками ядрило корабленое извергохом.

²⁰Ни солнцу же, ни звeздам явльшымся на многи дни, и зимe не малe належащей, прочее отимашеся надежда вся, еже спастися нам.

²¹Многу же неядению сущу, тогда став павел посредe их, рече: подобаше убо, о!, мужие, послушавше мене, не отвезтися от крита и избыти досаждения сего и тщеты:

²²и се, нынe молю вы благодушствовати, погибель бо ни единeй души от вас будет, развe корабля:

²³предста бо ми в сию нощь ангел Бога, егоже аз есмь, емуже и служу,

²⁴глаголя: не бойся, павле, кесарю ти подобает предстати, и се, дарова тебe Бог вся плавающыя с тобою.

²⁵Тeмже дерзайте, мужие, вeрую бо Богови, яко тако будет, имже образом рeчено ми бысть:

²⁶во остров же нeкий подобает нам пристати.

²⁷И егда четвертаянадесять нощь бысть, носимым нам во адриатстeй (пучинe), в полунощи непщеваху корабленицы, яко приближаются к нeкоей странe,

²⁸и измeривше глубину обрeтоша саженей двадесять: мало же прешедше и паки измeривше, обрeтоша саженей пятьнадесять.

²⁹Боящеся же, да не како в прудная мeста впадут, от носа корабля вергше котвы четыри, моляхомся, да день будет.

³⁰Кораблеником же ищущым бeжати из корабля и низвeсившым ладию в море, извeтом аки от носа хотящым котвы простерти,

³¹рече павел сотнику и воином: аще не сии пребудут в корабли, вы спастися не можете.

³²Тогда воини отрeзаша ужя ладии и оставиша ю отпасти.

³³Егда же хотяше день быти, моляше павел всeх, да приимут пищу, глаголя: четыренадесятый днесь день ждуще, не ядше пребываете, ничтоже вкусивше:

³⁴тeмже молю вас прияти пищу, се бо к вашему спасению есть: ни единому бо от вас влас главы отпадет.

³⁵Рек же сия и приемь хлeб, благодари Бога пред всeми и преломль начат ясти.

³⁶Благонадежни же бывше вси, и тии прияша пищу:

³⁷бe же в корабли всeх душ двeстe седмьдесят и шесть.

³⁸Насыщшеся же брашна, облегчиша корабль, изметающе пшеницу в море.

³⁹Егда же день бысть, земли не познаваху: нeдро же нeкое усмотрeша имущее песок (брег), в неже, аще мощно есть, совeщаша извлещи корабль.

⁴⁰И котвы собравше, везяхуся по морю: купно ослабивше ужя кормилом и воздвигше малое вeтрило к дышущему вeтрецу, везохомся на край (брег).

⁴¹Впадше же в мeсто исопное, увязиша корабль: и нос убо увязший пребысть недвижимь, кормило же разбивашеся от нужды волн.

⁴²Воином же совeт бысть, да узники убиют, да не кто поплыв избeгнет.

⁴³Сотник же, хотя соблюсти павла, возбрани совeту их, повелe же могущым плавати, да изскочивше первeе изыдут на край,

⁴⁴а прочии, ови убо на дщицах, ови же на нeчем от корабля. И тако бысть всeм спастися на землю.