Read Новый Завет на церковнославянском языке Деяния 28 Bible Online

Деяния 28 - Новый Завет на церковнославянском языке bible

Деяния 28

¹Спасени же бывше иже с павлом от корабля (от плавания), тогда разумeша, яко остров мелит нарицается.

²Варвари же творяху не малое милосердие нам: возгнeщше бо огнь, прияша всeх нас, за настоящий дождь и зиму.

³Сгромаждшу же павлу рождия множество и возложившу на огнь, ехидна от теплоты изшедши, сeкну в руку его.

⁴И егда видeша варвари висящу змию от руки его, глаголаху друг ко другу: всяко убийца есть человeк сей, егоже спасена от моря суд Божий жити не остави.

⁵Той же убо, оттряс змию во огнь, ничтоже зло пострада.

⁶Они же чаяху его имуща возгорeтися, или пасти внезапу мертва: на мнозe же того чающым и ничтоже зло в нем бывшее видящым, претворшеся, глаголаху Бога того быти.

⁷Окрест же мeста онаго бяху села перваго во островe, именем поплиа, иже приимь нас, три дни любезнe учреди.

⁸Бысть же отцу поплиеву огнем и водным (кровным) трудом одержиму лежати: к немуже павел вшед, и помолився, и возложь руцe свои нань, исцeли его.

⁹Сему же бывшу, и прочии имущии недуги во островe том прихождаху и исцeлeвахуся:

¹⁰иже и многими честьми почтоша нас, и отвозящымся нам яже на потребу вложиша.

¹¹По триех же мeсяцeх отвезохомся в корабли александрийстeм, подписаном диоскуры, презимeвшем во островe,

¹²и доплывше в сиракусы, пребыхом дни три:

¹³оттуду же отплывше, приидохом в ригию, и по единeм дни возвeявшу югу, во вторый день приидохом в потиолы,

¹⁴идeже обрeтше братию, умолени быхом от них пребыти дний седмь: и тако в рим идохом.

¹⁵И от тамо братия, слышавше яже о нас, изыдоша во срeтение наше даже до аппиева торга и триех корчемниц: ихже видeв павел и благодарив Бога, прият дерзновение.

¹⁶Егда же приидохом в рим, сотник предаде узники воеводe, павлу же повелe пребывати о себe, с соблюдающим его воином.

¹⁷Бысть же по днех триех, созва павел сущыя от иудеев первыя: сшедшымся же им, глаголаше к ним: мужие братие, аз ничтоже противно сотворив людем или обычаем отеческим, узник от иерусалимлян предан бых в руцe римляном,

¹⁸иже разсудивше яже о мнe, хотяху пустити, зане ни едина вина смертная бысть во мнe:

¹⁹сопротив же глаголющым иудеем, нужда ми бысть нарещи кесаря, не яко язык мой имeя в чесом оклеветати:

²⁰сея ради убо вины умолих вас, да вижду и бесeдую: надежды бо ради Израилевы веригами сими обложен есмь.

²¹Они же к нему рeша: мы ниже писания о тебe прияхом от иудей, ниже пришед кто от братий возвeсти или глагола что о тебe зло:

²²молимся же, да слышим от тебе, яже мудрствуеши: о ереси бо сей (о учении бо сем) вeдомо есть нам, яко всюду сопротив глаголемо есть.

²³Уставивше же ему день, приидоша к нему в странноприемницу множайшии, имже сказаше свидeтелствуя царствие Божие и увeряя их, яже о Иисусe, от закона моисеова и пророк, от утра даже до вечера.

²⁴И ови убо вeроваху глаголемым, ови же не вeроваху.

²⁵Несогласни же суще друг ко другу, отхождаху, рекшу павлу глагол един, яко добрe Дух святый глагола исаием пророком ко отцем нашым,

²⁶глаголя: иди к людем сим и рцы: слухом услышите и не имате разумeти: и видяще узрите и не имате видeти:

²⁷одебелe бо сердце людий сих, и ушима тяжко слышаша, и очи свои смежиша, да не како увидят очима, и ушима услышат, и сердцем уразумeют, и обратятся, и исцeлю их.

²⁸Вeдомо убо да будет вам, яко языком послася спасeние Божие, сии и услышат.

²⁹И сия тому рекшу, отидоша иудее, многое имуще между собою состязание.

³⁰Пребысть же павел два лeта исполнь своею мздою (цeла два лeта на своем иждивении) и приимаше вся приходящыя к нему,

³¹проповeдуя царствие Божие и учя яже о Господe нашем Иисусe Христe со всяким дерзновением невозбранно.