Read Новый Завет на церковнославянском языке Деяния 3 Bible Online

Деяния 3 - Новый Завет на церковнославянском языке bible

Деяния 3

¹Вкупe же петр и иоанн восхождаста во святилище на молитву в час девятый.

²И нeкий муж, хром от чрева матере своея сый, носимь бываше, егоже полагаху по вся дни пред дверьми церковными, рекомыми красными, просити милостыни от входящих в церковь:

³иже видeв петра и иоанна хотящыя внити в церковь, прошаше милостыни.

⁴воззрeв же петр нань со иоанном, рече: воззри на ны.

⁵Он же прилeжаше има, мня нeчто от нею прияти.

⁶Рече же петр: сребра и злата нeсть у мене, но еже имам, сие ти даю: во имя Иисуса Христа назореа востани и ходи.

⁷И емь его за десную руку воздвиже: абие же утвердистeся его плеснe и глезнe,

⁸и вскочив ста и хождаше, и вниде с нима в церковь, ходя и скачя и хваля Бога.

⁹И видeша его вси людие ходяща и хваляща Бога,

¹⁰знаху же его, яко сей бяше, иже милостыни ради сeдяше при красных дверех церковных: и исполнишася чуда и ужаса о приключившемся ему.

¹¹Держащужеся исцeлeвшему хромому петра и иоанна, притекоша к нима вси людие в притвор, нарицаемый соломонов, ужасни.

¹²Видeв же петр отвeщаваше к людем: мужие Израилтяне, что чудитеся о сем, или на ны что взираете, яко своею ли силою или благочестием сотворихом его ходити?

¹³Бог авраамов и исааков и иаковль, Бог отец наших, прослави отрока своего Иисуса, егоже вы предасте, и отвергостеся его пред лицем пилатовым, суждьшу оному пустити:

¹⁴вы же святаго и првднаго отвергостеся, и испросисте мужа убийцу дати вам,

¹⁵началника же жизни убисте: егоже Бог воскреси от мертвых, емуже мы свидeтелие есмы.

¹⁶И о вeрe имене его, сего, егоже видите и знаете, утверди имя его: и вeра, яже его ради, даде ему всю цeлость сию пред всeми вами.

¹⁷И нынe, братие, вeм, яко по невeдeнию сие сотвористе, якоже и князи ваши:

¹⁸Бог же, яже предвозвeсти усты всeх пророк своих пострадати Христу, исполни тако.

¹⁹Покайтеся убо и обратитеся, да очиститеся от грeх ваших,

²⁰яко да приидут времена прохладна от лица Господня, и послет пронарeченнаго вам Христа Иисуса,

²¹егоже подобает небеси убо прияти даже до лeт устроения всeх, яже глагола Бог усты всeх святых своих пророк от вeка.

²²Моисей убо ко отцем рече: яко пророка вам воздвигнет Господь Бог ваш от братии вашея, яко мене: того послушайте по всему, елика аще речет к вам:

²³будет же, всяка душа, яже аще не послушает пророка онаго, потребится от людий.

²⁴И вси же пророцы от самуила и иже по сих, елицы глаголаша, такожде предвозвeстиша дни сия.

²⁵Вы есте сынове пророк и завeта, егоже завeща Бог ко отцем вашым, глаголя ко аврааму: и о сeмени твоем возблагословятся вся отечествия земная.

²⁶Вам первeе Бог, воздвигий отрока своего Иисуса, посла его благословяща вас, во еже отвратитися вам комуждо от злоб ваших.