Read Новый Завет на церковнославянском языке Деяния 4 Bible Online

Деяния 4 - Новый Завет на церковнославянском языке bible

Деяния 4

¹Глаголющым же им к людем, наидоша на них священницы и воевода церковный и саддукее,

²жаляще си, за еже учити им люди и возвeщати о Иисусe воскресeние мертвых:

³и возложиша на них руки и положиша их в соблюдение до утрия: бe бо вечер уже.

⁴Мнози же от слышавших слово вeроваша: и бысть число мужей яко тысящ пять.

⁵Бысть же наутрие собратися князем их и старцем и книжником во иерусалим,

⁶и аннe архиерею и каиафe и иоанну и александру, и елицы бeша от рода архиерейска:

⁷и поставльше их посредe, вопрошаху: коею силою или коим именем сотвористе сие вы?

⁸Тогда петр, исполнився Духа свята, рече к ним: князи людстии и старцы Израилевы,

⁹аще мы днесь истязуеми есмы о благодeянии человeка немощна, о чесом сей спасеся,

¹⁰разумно буди всeм вам и всeм людем Израилевым, яко во имя Иисуса Христа назореа, егоже вы распясте, егоже Бог воскреси от мертвых, о сем сей стоит пред вами здрав:

¹¹сей есть камень укореный от вас зиждущих, бывый во главу угла, и нeсть ни о единeм же инeм спасeния:

¹²нeсть бо иного имене под небесем, даннаго в человeцeх, о немже подобает спастися нам.

¹³Видяще же петрово дерзновение и иоанново и разумeвше, яко человeка некнижна еста и проста, дивляхуся, знаху же их, яко со Иисусом бeста:

¹⁴видяще же исцeлeвшаго человeка с нима стояща, ничтоже имяху противу рещи.

¹⁵Повелeвше же има вон из сонмища изыти, стязахуся друг со другом,

¹⁶глаголюще: что сотворим человeкома сима? яко убо нарочитое знамение бысть има, всeм живущым во иерусалимe явe, и не можем отврещися:

¹⁷но да не болeе прострется в людех, прещением да запретим има ктому не глаголати о имени сем ни единому от человeк.

¹⁸И призвавше их, заповeдаша има отнюд не провeщавати ниже учити о имени Иисусовe.

¹⁹Петр же и иоанн отвeщавша к ним рeста: аще првдно есть пред Богом вас послушати паче, нежели Бога, судите:

²⁰не можем бо мы, яже видeхом и слышахом, не глаголати.

²¹Они же призапрещше има, пустиша я, ничтоже обрeтше како мучити их, людий ради, яко вси прославляху Бога о бывшем:

²²лeт бо бяше множае четыредесяти человeк той, на немже бысть чудо сие исцeления.

²³Отпущена же бывша приидоста ко своим и возвeстиста, елика к нима архиерее и старцы рeша.

²⁴Они же слышавше единодушно воздвигоша глас к Богу и рекоша: влдко, ты, Боже, сотворивый небо и землю и море и вся, яже в них,

²⁵иже Духом святым усты отца нашего давида отрока твоего рекл еси: вскую шаташася языцы, и людие поучишася тщетным?

²⁶предсташа царие земстии, и князи собрашася вкупe на Господа и на Христа его.

²⁷Собрашася бо воистинну во градe сем на святаго отрока твоего Иисуса, егоже помазал еси, ирод же и понтийский пилат с языки и людьми Израилевыми,

²⁸сотворити, елика рука твоя и совeт твой преднарече быти:

²⁹и нынe, Господи, призри на прещения их и даждь рабом твоим со всяким дерзновением глаголати слово твое,

³⁰внегда руку твою прострети ти во исцeления, и знамением и чудесем бывати именем святым отрока твоего Иисуса.

³¹И помолившымся им, подвижеся мeсто, идeже бяху собрани, и исполнишася вси Духа свята и глаголаху слово Божие со дерзновением.

³²Народу же вeровавшему бe сердце и душа едина, и ни един же что от имeний своих глаголаше свое быти, но бяху им вся обща.

³³И велиею силою воздаяху свидeтелство апостоли воскресeнию Господа Иисуса Христа, благодать же бe велия на всeх их.

³⁴Не бяше бо нищь ни един в них: елицы бо господие селом или домовом бяху, продающе приношаху цeны продаемых

³⁵и полагаху при ногах апостол: даяшеся же коемуждо, егоже аще кто требоваше.

³⁶Иосиа же, нарeченный варнава от апостол, еже есть сказаемо сын утeшения, левит, кипрянин родом,

³⁷имeя село, продав принесе цeну и положи пред ногами апостол.