Read Новый Завет на церковнославянском языке Деяния 5 Bible Online

Деяния 5 - Новый Завет на церковнославянском языке bible

Деяния 5

¹Муж же нeкий, ананиа именем, с сапфирою женою своею, продаде село

²и утаи от цeны, свeдущей и женe его: и принес часть нeкую, пред ногами апостол положи.

³Рече же петр: анание, почто исполни сатана сердце твое солгати Духу святому и утаити от цeны села?

⁴сущее тебe не твое ли бe, и проданое не в твоей ли власти бяше? что яко положил еси в сердцы твоем вещь сию? не человeком солгал еси, но Богу.

⁵Слышав же ананиа словеса сия, пад издше: и бысть страх велик на всeх слышащих сия.

⁶Вставше же юноши взяша его и изнесше погребоша.

⁷Бысть же яко трием часом минувшым, и жена его не вeдущи бывшаго вниде.

⁸Отвeща же ей петр: рцы ми, аще на толицe село отдаста? Она же рече: ей, на толицe.

⁹Петр же рече к ней: что яко согласистася искусити Духа Господня? се, ноги погребших мужа твоего при дверех, и изнесут тя.

¹⁰Паде же абие пред ногама его и издше: вшедше же юноши обрeтоша ю мертву и изнесше погребоша близ мужа ея.

¹¹И бысть страх велик на всей церкви и на всeх слышаших сия.

¹²Руками же апостолскими быша знамения и чудеса в людех многа: и бяху единодушно вси в притворe соломони:

¹³от прочих же никтоже смeяше прилeплятися им, но величаху их людие.

¹⁴Паче же прилагахуся вeрующии Господви, множество мужей же и жен,

¹⁵яко и на стогны износити недужныя и полагати на постелех и на одрeх, да грядущу петру поне сeнь его осeнит нeкоего от них.

¹⁶Схождашеся же и множество от окрестных градов во иерусалим, приносяще недужныя и страждущыя от дух нечистых, иже исцeлeвахуся вси.

¹⁷Востав же архиерей и вси иже с ним, сущая ересь саддукейская, исполнишася зависти,

¹⁸и возложиша руки своя на апостолы и послаша их в соблюдение общее.

¹⁹Ангел же Господень нощию отверзе двери темницы, извед же их, рече:

²⁰идите и ставше глаголите в церкви людем вся глаголы жизни сея.

²¹Слышавше же внидоша по утреницe (утро) в церковь и учаху. Пришед же архиерей и иже с ним, созваша собор и вся старцы от сынов Израилевых и послаша во узилище, привести их.

²²Слуги же шедше не обрeтоша их в темницe, возвращшежеся возвeстиша,

²³глаголюще, яко темницу убо обрeтохом заключену со всяким утверждением и блюстители стоящыя пред дверьми: отверзше же, внутрь ни единаго обрeтохом.

²⁴Якоже слышаша словеса сия архиерей же и воевода церковный и первосвященницы, недоумeвахуся о них, что убо будет сие.

²⁵Пришед же нeкто возвeсти им, глаголя, яко се, мужие, ихже всадисте в темницу, суть в церкви стояще и учаще люди.

²⁶Тогда шед воевода со слугами, приведе их не с нуждею, бояхуся бо людий, да не камением побиют их:

²⁷приведше же их, поставиша на сонмищи, и вопроси их архиерей, глаголя:

²⁸не запрещением ли запретихом вам не учити о имени сем? и се, исполнисте иерусалим учением вашим и хощете навести на ны кровь человeка сего.

²⁹Отвeщав же петр и апостоли рeша: повиноватися подобает Богови паче, нежели человeком:

³⁰Бог отец наших воздвиже Иисуса, егоже вы убисте, повeсивше на древe:

³¹сего Бог началника и спаса возвыси десницею своею, дати покаяние Израилеви и оставление грeхов:

³²и мы есмы того свидeтелие глагол сих, и Дух святый, егоже даде Бог повинующымся ему.

³³Они же слышавше распыхахуся и совeщаша убити их.

³⁴Востав же нeкий на сонмищи фарисей, именем гамалиил, законоучитель честен всeм людем, повелe внe мало что апостолом уступити,

³⁵рече же к ним: мужие Израильтяне, внимайте себe о человeцeх сих, что хощете сотворити:

³⁶пред сими бо деньми воста февда, глаголя быти велика нeкоего себе, емуже прилeпишася числом мужей яко четыреста: иже убиен бысть, и вси, елицы повинушася ему, разыдошася и быша ни во чтоже:

³⁷по сем воста иуда галилеанин во дни написания и отвлече люди доволны вслeд себе: и той погибе, и вси, елицы послушаша его, разсыпашася:

³⁸и нынe, глаголю вам, отступите от человeк сих и оставите их: яко аще будет от человeк совeт сей или дeло сие, разорится,

³⁹аще ли же от Бога есть, не можете разорити то, да не како и Богоборцы обрящетеся.

⁴⁰Послушаша же его, и призвавше апостолы, бивше запретиша им не глаголати о имени Иисусовe и отпустиша их.

⁴¹Они же убо идяху радующеся от лица собора, яко за имя Господа Иисуса сподобишася безчестие прияти:

⁴²по вся же дни в церкви и в домeх не престаяху учаще и благовeствующе Иисуса Христа.