Read Новый Завет на церковнославянском языке Деяния 6 Bible Online

Деяния 6 - Новый Завет на церковнославянском языке bible

Деяния 6

¹Во днех же сих, умножившымся учеником, бысть роптание еллинов ко евреом, яко презираемы бываху во вседневнeм служении вдовицы их.

²Призвавше же дванадесять множество ученик, рeша: не угодно есть нам, оставльшым слово Божие, служити трапезам:

³усмотрите убо, братие, мужы от вас свидeтелствованы седмь, исполнены Духа свята и премудрости, ихже поставим над службою сею:

⁴мы же в молитвe и служении слова пребудем.

⁵И угодно бысть слово сие пред всeм народом: и избраша стефана, мужа исполнена вeры и Духа свята, и филиппа, и прохора и никанора, и тимона и пармена, и николаа пришелца антиохийскаго,

⁶ихже поставиша пред апостолы: и помолившеся возложиша на ня руцe.

⁷И слово Божие растяше, и множашеся число ученик во иерусалимe зeло: мног же народ священников послушаху вeры.

⁸Стефан же исполнь вeры и силы творяше знамения и чудеса велия в людех.

⁹Восташа же нeцыи от сонма глаголемаго ливертинска и киринейска и александрска, и иже от киликии и асии, стязающеся со стефаном:

¹⁰и не можаху противустати премудрости и духу, имже глаголаше.

¹¹Тогда подустиша мужы глаголющыя, яко слышахом его глаголюща глаголы хульныя на моисеа и на Бога.

¹²Сподвигоша же люди и старцы и книжники, и нападше восхитиша его и приведоша на сонмище,

¹³поставиша же свидeтели ложны глаголющыя, яко человeк сей не престает глаголы хульныя глаголя на мeсто святое сие и закон:

¹⁴слышахом бо его глаголюща, яко Иисус назорей сей разорит мeсто сие и измeнит обычаи, яже предаде нам моисей.

¹⁵И воззрeвше нань вси сeдящии в сонмищи, видeша лице его яко лице ангела.