Read Новый Завет на церковнославянском языке Деяния 7 Bible Online

Деяния 7 - Новый Завет на церковнославянском языке bible

Деяния 7

¹Рече же архиерей: аще убо сия тако суть?

²Он же рече: мужие братие и отцы, послушайте. Бог славы явися отцу нашему аврааму сущу в месопотамии, прежде даже не вселитися ему в харрань,

³и рече к нему: изыди от земли твоея и от рода твоего и от дому отца твоего, и прииди в землю, юже аще ти покажу.

⁴Тогда изшед от земли халдейския, вселися в харрань: и оттуду, по умертвии отца его, пресели его в землю сию, на нейже вы нынe живете,

⁵и не даде ему наслeдия в ней, ниже стопы ногу: и обeща дати ему ю во одержание и сeмени его по нем, не сущу ему чаду.

⁶Глагола же сице Бог, яко будет сeмя его пришелцы в земли чуждей, и поработят е и озлобят лeт четыреста.

⁷И языку, емуже поработают, сужду аз, рече Бог: и по сих изыдут и послужат ми на мeстe сем.

⁸И даде ему завeт обрeзания. И тако роди исаака и обрeза его в день осмый: и исаак иакова, и иаков дванадесять патриарх.

⁹И патриарси позавидeвше иосифу продаша его во египет: и бe Бог с ним,

¹⁰и изят его от всeх скорбей его, и даде ему благодать и премудрость пред фараоном царем египетским: и постави его началника над египтом и над всeм домом своим.

¹¹Прииде же глад на всю землю египетскую и ханааню и скорбь велия, и не обрeтаху сытости отцы наши.

¹²Слышав же иаков сущую пшеницу во египтe, посла отцы нашя первeе,

¹³и внегда второе (приидоша), познан бысть иосиф братии своей, и явe бысть фараону род иосифов.

¹⁴Послав же иосиф призва отца своего иакова и все сродство свое, седмьдесят и пять душ.

¹⁵Сниде же иаков во египет, и скончася сам и отцы наши:

¹⁶и принесени быша в сихем и положени быша во гробe, егоже купи авраам цeною сребра от сынов еммора сихемова.

¹⁷И якоже приближашеся время обeтования, имже клятся Бог аврааму, возрастоша людие и умножишася во египтe,

¹⁸дондеже наста царь ин (во египтe), иже не знаше иосифа:

¹⁹сей злe умыслив о родe нашем, озлоби отцы нашя, уморити младенцы их и не оживити (дабы извергали младенцы своя во еже не быти им живым).

²⁰В неже время родися моисей и бe угоден Богови, иже питан бысть мeсяцы три в дому отца своего:

²¹извержена же его взят его дщи фараонова и воспита и себe в сына:

²²и наказан бысть моисей всей премудрости египетстeй, бe же силен в словесeх и дeлeх.

²³Егда же исполняшеся ему лeт четыредесятих время, взыде на сердце ему посeтити братию свою сыны Израилевы:

²⁴и видeв нeкоего обидима, пособствова и сотвори отмщение обидимому, убив египтянина.

²⁵Мняше же разумeти братиям своим, яко Бог рукою его даст им спасение: они же не разумeша.

²⁶Во утрий же день явися им тяжущымся и привлачаше их в примирение, рек: мужие, братия есте вы, вскую обидите друг друга?

²⁷Обидяй же ближняго отрину его, рек: кто тя постави князя и судию над нами?

²⁸еда убити мя ты хощеши, имже образом убил еси вчера египтянина?

²⁹Бeжа же моисей о словеси сем и бысть пришлец в земли мадиамстeй, идeже роди сына два.

³⁰И исполньшымся лeтом четыредесятим, явися ему в пустыни горы синайския ангел Господень в пламени огненe в купинe:

³¹моисей же видeв дивляшеся видeнию: приступающу же ему разумeти, бысть глас Господень к нему:

³²аз Бог отец твоих, Бог авраамов и Бог исааков и Бог иаковль. Трепетен же быв моисей не смeяше смотрити.

³³Рече же ему Господь: изуй сапоги ногу твоею, мeсто бо, на немже стоиши, земля свята есть:

³⁴видя видeх озлобление людий моих, иже во египтe, и стенание их услышах, и снидох изяти их: и нынe гряди, послю тя во египет.

³⁵Сего моисеа, егоже отринуша, рекше: кто тя постави началника и судию? сего Бог князя и избавителя посла рукою ангела явльшагося ему в купинe:

³⁶сей изведе их, сотворь чудеса и знамения в земли египетстeй и в чермнeм мори, и в пустыни лeт четыредесять.

³⁷Сей есть моисей рекий сыном Израилевым: пророка вам воздвигнет Господь Бог ваш от братии вашея яко мене: того послушайте.

³⁸Сей есть бывый в церкви в пустыни со ангелом, глаголавшим ему на горe синайстeй, и со отцы нашими, иже прият словеса жива дати нам,

³⁹егоже не восхотeша послушати отцы наши, но отринуша и и обратишася сердцем своим во египет,

⁴⁰рекше аарону: сотвори нам боги, иже предидут пред нами, моисею бо сему, иже изведе нас от земли египетския, не вeмы, что бысть ему.

⁴¹И сотвориша телца во дни оны, и принесоша жертву идолу, и веселяхуся в дeлeх руку своею.

⁴²Отвратися же Бог и предаде их служити воем небесным, якоже писано есть в книзe пророк: еда заколения и жертвы принесосте ми лeт четыредесять в пустыни, доме Израилев?

⁴³И восприясте скинию молохову и звeзду бога вашего ремфана, образы, яже сотвористе покланятися им: и преселю вы далeе вавилона.

⁴⁴Сeнь свидeния бяше отцем нашым в пустыни, якоже повелe глаголяй моисеови сотворити ю по образу, егоже видe:

⁴⁵юже и внесоша приемше отцы наши со иисусом во одержание языков, ихже изрину Бог от лица отец наших, даже до дний давида:

⁴⁶иже обрeте благодать пред Богом и испроси обрeсти селение Богу иаковлю.

⁴⁷Соломон же созда ему храм.

⁴⁸Но вышний не в рукотворенных церквах живет, якоже пророк глаголет:

⁴⁹небо мнe престол есть, земля же подножие ногама моима: кий храм созиждете ми, глаголет Господь, или кое мeсто покоищу моему?

⁵⁰Не рука ли моя сотвори сия вся?

⁵¹Жестоковыйнии и необрeзаннии сердцы и ушесы, вы присно духу святому противитеся, якоже отцы ваши, тако и вы:

⁵²кого от пророк не изгнаша отцы ваши? и убиша предвозвeстившыя о пришествии првднаго, егоже вы нынe предателе и убийцы бысте,

⁵³иже приясте закон устроением ангелским и не сохранисте.

⁵⁴Слышаще же сия, распыхахуся сердцы своими и скрежетаху зубы нань.

⁵⁵Стефан же сый исполнь духа свята, воззрeв на небо, видe славу Божию и Иисуса стояща о десную Бога,

⁵⁶и рече: се, вижу небеса отверста и Сына человeча о десную стояща Бога.

⁵⁷Возопивше же гласом велиим, затыкаху ушы свои и устремишася единодушно нань,

⁵⁸и изведше внe града, камением побиваху его: и свидeтелие (снемше) ризы своя положиша при ногу юноши нарицаемаго савла,

⁵⁹и камением побиваху стефана, молящася и глаголюща: Господи Иисусе, приими дух мой.

⁶⁰Преклонь же колeна, возопи гласом велиим: Господи, не постави им грeха сего. И сия рек успе.