Read Новый Завет на церковнославянском языке Деяния 8 Bible Online

Деяния 8 - Новый Завет на церковнославянском языке bible

Деяния 8

¹Савл же бe соизволяя убийству его. Бысть же в той день гонение велие на церковь иерусалимскую: вси же разсeяшася по странам иудейским и самарийским, кромe апостол:

²погребоша же стефана мужие благоговeйнии и сотвориша плачь велий над ним.

³Савл же озлобляше церковь, в домы входя, и влачя мужы и жены, предаяше в темницу.

⁴Разсeявшиися же прохождаху, благовeствующе слово.

⁵Филипп же сошед во град самарийский, проповeдаше им Христа:

⁶внимаху же народи глаголемым от филиппа единодушно, слышаще и видяще знамения, яже творяше:

⁷дуси бо нечистии от многих имущих я, вопиюще гласом велиим, исхождаху, мнози же разслабленнии и хромии исцeлишася:

⁸и бысть радость велия во градe том.

⁹Муж же нeкий, именем симон, прежде бe во градe волхвуя и удивляя язык самарийский, глаголя нeкоего быти себе велика,

¹⁰емуже внимаху вси от мала даже до велика, глаголюще: сей есть сила Божия великая.

¹¹Внимаху же ему, зане доволно время волхвовании удивляше их.

¹²Егда же вeроваша филиппу благовeствующу яже о царствии Божии и о имени Иисус Христовe, крещахуся мужие же и жены.

¹³Симон же и сам вeрова и крещься бe пребывая у филиппа: видя же силы и знамения велия бываема, ужасен дивляшеся.

¹⁴Слышавше же иже во иерусалимe апостоли, яко прият самариа слово Божие, послаша к ним петра и иоанна,

¹⁵иже сошедше помолишася о них, яко да приимут духа святаго:

¹⁶еще бо ни на единаго их бe пришел, точию крещени бяху во имя Господа Иисуса:

¹⁷тогда возложиша руцe на ня, и прияша духа святаго.

¹⁸Видeв же симон, яко возложением рук апостолских дается дух святый, принесе им сребро,

¹⁹глаголя: дадите и мнe власть сию, да, на негоже аще положу руцe, приимет духа святаго.

²⁰Петр же рече к нему: сребро твое с тобою да будет в погибель, яко дар Божий непщевал еси сребром стяжати:

²¹нeсть ти части ни жребия в словеси сем, ибо сердце твое нeсть право пред Богом:

²²покайся убо о злобe твоей сей и молися Богу, аще убо отпустится ти помышление сердца твоего:

²³в желчи бо горести и союзe неправды зрю тя суща.

²⁴Отвeщав же симон рече: помолитеся вы о мнe ко Господу, яко да ничтоже сих найдет на мя, яже рекосте.

²⁵Они же убо, засвидeтелствовавше и глаголавше слово Господне, возвратишася во иерусалим и многим весем самарийским благовeстиша.

²⁶Ангел же Господень рече к филиппу, глаголя: востани и иди на полудне, на путь сходящий от иерусалима в газу: и той есть пуст.

²⁷И востав пойде: и се, муж мурин, евнух силен кандакии царицы муринския, иже бe над всeми сокровищи ея, иже прииде поклонитися во иерусалим:

²⁸бe же возвращаяся, и сeдя на колесницe своей, чтяше пророка исаию.

²⁹Рече же дух к филиппу: приступи и прилeпися колесницe сей.

³⁰Притек же филипп услыша его чтуща пророка исаию и рече: убо разумeеши ли, яже чтеши?

³¹Он же рече: како убо могу (разумeти), аще не кто наставит мя? умоли же филиппа, да возшед сядет с ним.

³²Слово же писания, еже чтяше, бe сие: яко овча на заколение ведеся, и яко агнец прямо стригущему его безгласен, тако не отверзает уст своих:

³³во смирении его суд его взятся, род же его кто исповeсть? яко вземлется от земли живот его.

³⁴Отвeщав же каженик к филиппу, рече: молю тя, о ком пророк глаголет сие? о себe ли, или о инeм нeкоем?

³⁵Отверз же филипп уста своя и начен от писания сего, благовeсти ему Иисуса.

³⁶Якоже идяху путем, приидоша на нeкую воду, и рече каженик: се, вода: что возбраняет ми креститися?

³⁷Рече же ему филипп: аще вeруеши от всего сердца твоего, мощно ти есть. Отвeщав же рече: вeрую Сына Божия быти Иисуса Христа.

³⁸И повелe стати колесницe: и снидоста оба на воду, филипп же и каженик: и крести его.

³⁹Егда же изыдоста от воды, дух святый нападе на каженика: ангел же Господень восхити филиппа, и не видe его ктому каженик, идяше бо в путь свой радуяся.

⁴⁰Филипп же обрeтеся во азотe и проходя благовeствоваше градом всeм, дондеже приити ему в кесарию.