Read Новый Завет на церковнославянском языке К Римлянам 1 Bible Online

К Римлянам 1 - Новый Завет на церковнославянском языке bible

К Римлянам 1

¹Павел, раб Иисус Христов, зван апостол, избран в благовeстие Божие,

²еже прежде обeща пророки своими в писаниих святых,

³о сынe своем, бывшем от сeмене давидова по плоти,

⁴нареченнeм сынe Божии в силe, по духу святыни, из воскресeния от мертвых, Иисуса Христа Господа нашего,

⁵имже прияхом благодать и апостольство в послушание вeры во всeх языцeх, о имени его.

⁶в нихже есте и вы, звани Иисусу Христу.

⁷всeм сущым в римe возлюбленным Богу, званным святым. благодать вам и мир от Бога Отца нашего, и Господа Иисуса Христа.

⁸Первое убо благодарю Бога моего Иисусом Христом о всeх вас, яко вeра ваша возвeщается во всем мирe.

⁹свидeтель бо ми есть Бог, емуже служу духом моим во благовeствовании сына его, яко безпрестани память о вас творю,

¹⁰всегда в молитвах моих моляся, аще убо когда поспeшен буду волею Божиею приити к вам.

¹¹желаю бо видeти вас, да нeкое подам вам дарование духовное, ко утверждению вашему.

¹²сие же есть, соутeшитися в вас вeрою общею, вашею же и моею.

¹³Не хощу же не вeдeти вам, братие, яко множицею восхотeх приити к вам, и возбранен бых доселe, да нeкии плод имeю и в вас, якоже и в прочих языцeх.

¹⁴Еллином же и варвавом, мудрым же и неразумным должен есмь.

¹⁵тако есть, еже по моему усердию и вам сущым в римe благовeстити.

¹⁶Не стыжуся бо благовeствованием Христовым: сила бо Божия есть во спассение всякому вeрующему, иудеови же прежде и еллину.

¹⁷Правда бо Божия в нем является от вeры в вeру, якоже есть писано. праведныи же от вeры жив будет.

¹⁸Открывается бо гнeв Божии с небесе на всякое нечестие и неправду человeков, содержащих истину в неправдe.

¹⁹зане разумное Божие (еже возможно разумeти о Бозe.) явe есть в них. Бог бо явил есть им:

²⁰невидимая бо его, от создания мира твореньми помышляема, видима суть, и присносущная сила его и божество, во еже быти им безотвeтным.

²¹Занеже разумeвше Бога, не яко Бога прославиша или благодариша, но осуетишася помышлении своими, и омрачися неразумное их сердце.

²²глаголющеся быти мудри, обюродeша,

²³и измeниша славу нетлeннаго Бога в подобие образа тлeнна человeка и птиц и четвероног и гад.

²⁴тeмже и предаде их Бог в похотех сердец их в нечистоту, во еже сквернитися тeлесем их в себe самeх.

²⁵иже премeниша истину Божию во лжу, и почтоша и послужиша твари паче творца, иже есть благословен во вeки, аминь.

²⁶Сего ради предаде их Бог в страсти безчестия. и жены бо их измeниша естественную подобу в презестественную.

²⁷такожде и мужи, оставльше естественную подобу женска пола, разжегошася похотию своею друг на друга, мужи на мужех студ содeвающе, и возмездие, еже подобаше прелести их, в себe восприемлюще.

²⁸И якоже не искусиша имeти Бога в разумe, (сего ради) предаде их Бог в неискусен ум, творити неподобная,

²⁹исполненых всякия неправды, блужения, лукавства, лихоимания, злобы. исполненых зависти, убииства, рвения, льсти, злонравия.

³⁰шепотники, клеветники, богомерзки, досадители, величавы, горды, обрeтатели злых, родителем непокоривы,

³¹неразумны, непримирительны, нелюбовны, неклятвохранительны, немилостивны.

³²Нeцыи же и оправдание Божие разумeвше, яко таковая творящии достойни смерти суть, не точию сами творят, но и соизволяют творящым.