Read Новый Завет на церковнославянском языке К Римлянам 10 Bible Online

К Римлянам 10 - Новый Завет на церковнославянском языке bible

К Римлянам 10

¹Братие, благоволение убо моего сердца и молитва, яже к Богу по Израили, есть во спасeние.

²Свидeтельствую бо им, яко ревность Божию имут, но не по разуму.

³Не разумeюще бо Божия правды и свою правду ищуще поставити, правдe Божией не повинушася:

⁴кончина бо закона Христос, в правду всякому вeрующему.

⁵Моисей бо пишет правду юже от закона: яко сотворивый та человeк жив будет в них.

⁶А яже от вeры правда сице глаголет: да не речеши в сердцы твоем: кто взыдет на небо, сирeчь Христа свести:

⁷или кто снидет в бездну, сирeчь Христа от мертвых возвести.

⁸Но что глаголет писание? Близ ти глагол есть, во устeх твоих и в сердцы твоем, сирeчь глагол вeры, егоже проповeдаем:

⁹яко аще исповeси усты твоими Господа Иисуса, и вeруеши в сердцы твоем, яко Бог того воздвиже из мертвых, спасешися:

¹⁰сердцем бо вeруется в правду, усты же исповeдуется во спасeние.

¹¹Глаголет бо писание: всяк вeруяй в онь не постыдится.

¹²Нeсть бо разнствия иудееви же и еллину: той бо Бог всeх, богатяй (богат сый) во всeх призывающих его.

¹³Всяк бо, иже аще призовет имя Господне, спасется.

¹⁴Како убо призовут, в негоже не вeроваша? Како же увeруют, егоже не услышаша? како же услышат без проповeдающаго?

¹⁵Како же проповeдят, аще не послани будут? Якоже есть писано: коль красны ноги благовeствующих мир, благовeствующих благая.

¹⁶Но не вси послушаша благовeствования. Исаиа бо глаголет: Господи, кто вeрова слуху нашему?

¹⁷Тeмже убо вeра от слуха, слух же глаголом Божиим.

¹⁸Но глаголю: еда не слышаша, Тeмже убо (но паче), во всю землю изыде вeщание их, и в концы вселенныя глаголы их.

¹⁹Но глаголю: еда не разумe Израиль? Первый моисей глаголет: аз раздражу вы не о языцe, но о языцe неразумнe (о не языцe, о языцe неразумнe) прогнeваю вас.

²⁰Исаиа же дерзает и глаголет: обрeтохся не ищущым мене, явлен бых не вопрошающым о мнe.

²¹Ко Израилю же глаголет: весь день воздeх руцe мои к людем непокоривым и пререкающым.