Read Новый Завет на церковнославянском языке К Римлянам 11 Bible Online

К Римлянам 11 - Новый Завет на церковнославянском языке bible

К Римлянам 11

¹Глаголю убо: еда отрину Бог люди своя? Да не будет. Ибо и аз Израильтянин есмь, от сeмене авраамля, колeна вениаминова.

²Не отрину Бог людей своих, ихже прежде разумe. Или не вeсте, о илии что глаголет писание, яко приповeдует Богови на Израиля (вопиет к Богу на ииля.), глаголя:

³Господи, пророки твоя избиша и олтари твоя раскопаша: и аз остах един, и ищут души моея, изяти ю.

⁴Но что глаголет ему Божественный отвeт? Оставих себe седмь тысящ мужей, иже не преклониша колeна пред ваалом.

⁵Тако убо и в нынeшнее время останок по избранию благодати бысть.

⁶Аще ли по благодати, то не от дeл: зане блть уже не бывает благодать. Аще ли от дeл, ктому нeсть блть: зане дeло уже нeсть дeло.

⁷Что убо? Егоже искаше Израиль, сего не получи, а избрание получи. прочии же ослeпишася,

⁸якоже есть писано: даде им Бог дух умиления (даде им Бог духа нечувствия.), очи не видeти и ушы не слышати, даже до днешняго дне.

⁹И давид глаголет: да будет трапеза их в сeть и в лов, и в соблазн и в воздаяние им:

¹⁰да помрачатся очи их еже не видeти, и хребет их выну сляцай.

¹¹Глаголю убо: еда согрeшиша, да отпадут? Да не будет. Но тeх падением спассение языком, во еже раздражити их.

¹²Аще ли же прегрeшение их богатство мира, и отпадение их богатство языков: кольми паче исполнение их?

¹³Вам бо глаголю языком: понеже убо есмь аз языком апостол, службу мою прославляю.

¹⁴Аще како раздражу мою плоть, и спасу нeкия от них?

¹⁵Аще бо отложение их, примирение миру, что приятие, развe жизнь из мертвых?

¹⁶Аще ли начаток свят, то и примeшение: и аще корень свят, то и вeтви.

¹⁷Аще ли нeкия от вeтвей отломишася, ты же, дивия маслина сый, прицeпился еси в них, и причастник корене и масти маслинныя сотворился еси,

¹⁸не хвалися на вeтви: аще ли же хвалишися, не ты корень носиши, но корень тебе.

¹⁹Речеши убо. отломишася вeтви, да аз прицeплюся.

²⁰Добрe: невeрием отломишася, ты же вeрою стоиши: не высокомудрствуй, но бойся.

²¹Аще бо Бог естественных вeтвей не пощадe, да не како и тебе не пощадит.

²²Виждь убо благость и непощадeние Божие: на отпадших убо непощадeние, а на тебe благость Божия, аще пребудеши в благости: аще ли же ни, то и ты отсeчен будеши.

²³И они же, аще не пребудут в невeрствии, прицeпятся: силен бо есть Бог паки прицeпити их.

²⁴Аще бо ты от естественныя отсeчен дивия маслины, и чрез естество прицeпился еси к добрeй маслинe: кольми паче сии, иже по естеству, прицeпятся своей маслинe?

²⁵Не бо хощу вас не вeдeти тайны сея, братие, да не будете о себe мудри, яко ослeпление от части Израилеви бысть, дондеже исполнение языков внидет,

²⁶и тако весь Израиль спасется, якоже есть писано: приидет от сиона избавляяй, и отвратит нечестие от иакова:

²⁷и сей им от мене завeт, егда отиму грeхи их.

²⁸По благовeствованию убо, врази вас ради: по избранию же, возлюблени отец ради.

²⁹Нераскаянна бо дарования и звание Божие.

³⁰Якоже бо и вы иногда противистеся Богови, нынe же помиловани бысте сих противлением (сих ради противления.):

³¹такожде и сии нынe противишася вашей милости (вашего ради помилования.), да и тии помиловани будут.

³²Затвори бо Бог всeх в противление, да всeх помилует.

³³о, глубина богатства и премудрости и разума Божия! яко неиспытани судове его, и неизслeдовани путие его.

³⁴Кто бо разумe ум Господень, или кто совeтник ему бысть?

³⁵Или кто прежде даде ему, и воздастся ему,

³⁶Яко из того и тeм и в нем всяческая. Тому слава во вeки. Аминь.