Read Новый Завет на церковнославянском языке К Римлянам 12 Bible Online

К Римлянам 12 - Новый Завет на церковнославянском языке bible

К Римлянам 12

¹Молю убо вас, братие, щедротами Божиими, представите тeлеса ваша жертву живу, святу, благоугодну Богови, словесное служение ваше,

²и не сообразуйтеся вeку сему, но преобразуйтеся обновлением ума вашего, во еже искушати вам, что есть воля Божия благая и угодная и совершенная.

³Глаголю бо благодатию давшеюся мнe, всякому сущему в вас не мудрствовати паче, еже подобает мудрствовати: но мудрствовати в цeломудрии, коемуждо якоже Бог раздeлил есть мeру вeры.

⁴Якоже бо во едином тeлеси многи уды имамы, уды же вси не тожде имут дeлание,

⁵такожде мнози едино тeло есмы о Христe, а по единому друг другу уди.

⁶Имуще же дарования по благодати даннeй нам различна: аще пророчество, по мeрe вeры:

⁷аще ли служение, в служении: аще учяй, во учении:

⁸аще утeшаяй, во утeшении. подаваяй, в простотe: предстояй (начальствуяй), со тщанием. милуяй, с добрым изволением.

⁹Любы нелицемeрна: ненавидяще злаго, прилeпляйтеся благому:

¹⁰братолюбием друг ко другу любезни: честию друг друга болша творяще:

¹¹тщанием не лeниви, духом горяще, Господви работающе.

¹²упованием радующеся, скобри терпяще, в молитвe пребывающе:

¹³требованием святых приобщающеся, страннолюбия держащеся:

¹⁴благословляйте гонящыя вы: благословите, а не клените.

¹⁵Радоватися с радующимися, и плакати с плачущими.

¹⁶Тожде друг ко другу мудрствующе. не высокая мудрствующе, но смиренными ведущеся: не бывайте мудри о себe:

¹⁷ни единому же зла за зло воздающе, промышляюще добрая пред всeми человeки.

¹⁸Аще возможно, еже от вас, со всeми человeки мир имeйте.

¹⁹Не себе отмщающе, возлюблении, но дадите мeсто гнeву. Писано бо есть: мнe отмщение, аз воздам, глаголет Господь.

²⁰Аще убо алчет враг твой, ухлeби его: аще ли жаждет, напой его: сие бо творя, углие огнено собираеши на главу его.

²¹Не побeжден бывай от зла, но побeждай благим злое.