Read Новый Завет на церковнославянском языке К Римлянам 13 Bible Online

К Римлянам 13 - Новый Завет на церковнославянском языке bible

К Римлянам 13

¹Всяка душа властем предержащым да повинуется: нeсть бо власть аще не от Бога, сущыя же власти от Бога учинены суть.

²Тeмже противляяйся власти, Божию повелeнию противляется: противляющиися же себe грeх приемлют.

³Князи бо не суть боязнь добрым дeлом, но злым. Хощеши же ли не боятися власти? Благое твори, и имeти будеши похвалу от него:

⁴Божий бо слуга есть, тебe во благое. Аще ли злое твориши, бойся, не бо без ума (всуе) мечь носит: Божий бо слуга есть, отмститель в гнeв злое творящему.

⁵Тeмже потреба повиноватися не токмо за гнeв, но и за совeсть.

⁶Сего бо ради и дани даете: служители бо Божии суть, во истое сие пребывающе.

⁷Воздадите убо всeм должная: емуже убо урок, урок: а емуже дань, дань: а емуже страх, страх: и емуже честь, честь.

⁸Ни единому же ничимже должни бывайте, точию еже любити друг друга: любяй бо друга, закон исполни.

⁹Еже бо: не прелюбы сотвориши, не убиеши, не украдеши, не лжесвидeтелствуеши, не похощеши, и аще кая ина заповeдь, в сем словеси совершается, во еже: возлюбиши искренняго твоего, якоже сам себе.

¹⁰Любы искреннему зла не творит. исполнение убо закона любы есть.

¹¹И сие, вeдяще время, яко час уже нам от сна востати. Нынe бо ближайшее нам спассение, нежели егда вeровахом.

¹²Нощь убо прейде, а день приближися: отложим убо дeла темная, и облечемся во оружие свeта.

¹³Яко во дни, благообразно да ходим, не козлогласовании и пиянствы, не любодeянии и студодeянии, не рвением и завистию:

¹⁴но облецытеся Господем нашим Иисус Христом, и плоти угодия не творите в похоти.