Read Новый Завет на церковнославянском языке К Римлянам 15 Bible Online

К Римлянам 15 - Новый Завет на церковнославянском языке bible

К Римлянам 15

¹Должни есмы мы сильнии немощи немощных носити, и не себe угождати:

²кииждо же вас ближнему да угождает во благое к созиданию.

³Ибо и Христос не себe угоди, но якоже есть писано: поношения поносящих тебe нападоша на мя.

⁴Елика бо преднаписана быша, в наше наказание преднаписашася, да терпeнием и утeшением писаний упование имамы.

⁵Бог же терпeния и утeшения да даст вам тожде мудрствовати друг ко другу о Христe Иисусe,

⁶да единодушно едиными усты славите Бога и Отца Господа нашего Иисуса Христа.

⁷Тeмже приемлите друг друга, якоже и Христос прият вас во славу Божию.

⁸Глаголю же Христа Иисуса служителя бывша обрeзания по истинe Божией, во еже утвердити обeтования отцев.

⁹а языком по милости, прославити Бога, якоже есть писано: сего ради исповeмся тебe во языцeх, Господи, и имени твоему пою.

¹⁰И паки глаголет: возвеселитеся, языцы, с людьми его.

¹¹И паки: хвалите Господа, вси языцы, и похвалите его, вси людие.

¹²И паки исаиа глаголет: будет корень иессеов, и востаяй владeти над языки: на того языцы уповают.

¹³Бог же упования да исполнит вас всякия радости и мира в вeрe, избыточествовати вам во уповании, силою духа святаго.

¹⁴Извeщен же есмь, братие моя, и сам аз о вас, яко и сами вы полни есте благости, исполнени всякаго разума, могуще и иныя научити:

¹⁵дерзeе же писах вам, братие моя, от части, яко воспоминая вам, за блть данную ми от Бога,

¹⁶во еже быти ми служителю Иисус Христову во языцeх, священнодeйствующу благовeствование Божие, да будет приношение еже от язык благоприятно и освященно духом святым.

¹⁷Имам убо похвалу о Христe Иисусe в тeх, яже к Богу:

¹⁸не смeю бо глаголати что, ихже не содeя Христос мною, в послушание языков, словом и дeлом,

¹⁹в силe знамений и чудес, силою духа Божия, якоже ми от иерусалима и окрест даже до иллирика исполнити благовeствование Христово.

²⁰Сице же потщахся благовeстити, не идeже именовася Христос, да не на чужем основании созижду,

²¹но якоже есть писано: имже не возвeстися о нем, узрят, и иже не слышаша, уразумeют.

²²Тeмже и возбранен бых многажды приити к вам.

²³Нынe же ктому мeста не имыи в странах сих, желание же имый приити к вам от многих лeт,

²⁴яко аще поиду во испанию, прииду к вам. Уповаю бо мимогрядый видeти вас и вами проводитися тамо, аще вас прежде от части насыщуся.

²⁵Нынe же гряду во иерусалим, служяй святым,

²⁶благоволиша бо македониа и ахаиа общение нeкое сотворити к нищым святым живущым во иерусалимe.

²⁷Благоволиша бо, и должни им суть. Аще бо в духовных их причастницы быша языцы, должни суть и в плотских послужити им.

²⁸Сие убо скончав, и запечатлeв им плод сей, поиду вами во испанию:

²⁹вeм же, яко грядый к вам, во исполнении благословения благовeстия Христова прииду.

³⁰Молю же вы, братие, Господем нашим Иисус Христом и любовию духа, споспeшствуите ми в молитвах о мнe к Богу,

³¹да избавлюся от противляющихся во иудеи, и да служба моя, яже во иерусалимe, благоприятна будет святым.

³²да с радостию прииду к вам волею Божиею и упокоюся с вами.

³³Бог же мира со всeми вами. Аминь.