Read Новый Завет на церковнославянском языке К Римлянам 16 Bible Online

К Римлянам 16 - Новый Завет на церковнославянском языке bible

К Римлянам 16

¹Вручаю же вам фиву сестру нашу, сущу служительницу церкве яже в кегхреех:

²да приимете ю о Господe достойнe святым, и споспeшствуите ей, о нейже аще от вас потребует вещи: ибо сия заступница многим бысть, и самому мнe.

³Цeлуйте прискиллу и акилу, споспeшника моя о Христe Иисусe,

⁴иже по души моей своя выя положиста, ихже не аз един благодарю, но и вся церкви языческия: и домашнюю их церковь.

⁵Цeлуйте епенета возлюбленнаго ми, иже есть начаток ахаии во Христа.

⁶Цeлуйте мариамь, яже много трудися о нас.

⁷Цeлуйте андроника и иунию, сродники моя и сплeнники моя, иже суть нарочиты во апостолeх, иже и прежде мене вeроваста во Христа.

⁸Цeлуйте амплиа возлюбленнаго ми о Господe.

⁹Цeлуйте урвана споспeшника нашего о Христe, и стахиа возлюбленнаго ми.

¹⁰Цeлуйте апеллиа искусна о Христe. Цeлуйте сущыя от аристовула.

¹¹Цeлуйте иродиона сродника моего. Цeлуйте иже от наркисса сущыя о Господe.

¹²Цeлуйте трифену и трифосу труждающыяся о Господe. Цeлуйте персиду возлюбленную, яже много трудися о Господe.

¹³Цeлуйте руфа избраннаго о Господe, и матерь его и мою.

¹⁴Цeлуйте асигкрита, флегонта, ерма, патрова, ермиа, и сущую с ними братию.

¹⁵Цeлуйте филолога и иулию, ниреа и сестру его, и олимпана, и сущыя с ними вся святыя.

¹⁶Цeлуйте друг друга лобзанием святым. Цeлуют вы вся церкви Христовы.

¹⁷Молю же вы, братие, блюдитеся от творящих распри и раздоры, кромe учения, емуже вы научистеся, и уклонитеся от них:

¹⁸таковии бо Господеви нашему Иисусу Христу не работают, но своему чреву: иже благими словесы и благословением прельщают сердца незлобивых.

¹⁹Ваше бо послушание ко всeм достиже. Радуюся же еже о вас. хощу же вас мудрых убо быти во благое, простых же в злое.

²⁰Бог же мира да сокрушит сатану под ноги вашя вскорe. Благодать Господа нашего Иисуса Христа с вами. Аминь.

²¹Цeлует вас тимофей споспeшник мой, и лукий и иасон и сосипатр, сродницы мои.

²²Цeлую вы и аз тертий, написавый послание сие, о Господe.

²³Цeлует вы гаие странноприимец мой и церкве всея. Цeлует вы ераст строитель градский, и куарт брат.

²⁴Благодать Господа нашего Иисуса Христа со всeми вами. Аминь.