Read Новый Завет на церковнославянском языке К Римлянам 2 Bible Online

К Римлянам 2 - Новый Завет на церковнославянском языке bible

К Римлянам 2

¹Сего ради безотвeтен еси, о! человeче всяк судяй. имже бо судом судиши друга, себе осуждаеши. таяжде бо твориши судяй.

²Вeмы же, яко суд Божии есть поистиннe на творящих таковая.

³Помышляеши ли же сие, о! человeче, судяй таковая творящым и творя сам таяжде, яко ты избeжиши ли суда Божия,

⁴Или о богатствe благости его и кротости и долготерпeнии нерадиши, не вeдый, яко благость Божия на покаяние тя ведет?

⁵По жестокости же твоей и непокаянному сердцу, собираеши себe гнeв в день гнeва и откровения праведнаго суда Божия,

⁶иже воздаст коемуждо по дeлом его.

⁷овым убо, по терпeнию дeла благаго, славы и чести и нетлeния ищущым, живот вeчный.

⁸а иже по рвению противляются убо истинe, повинуются же неправдe, ярость и гнeв.

⁹Скорбь и тeснота на всяку душу человeка творящаго злое, иудеа же прежде и еллина.

¹⁰Слава же и честь и мир всякому дeлающему благое, иудееви же прежде и еллину.

¹¹Нeсть бо на лица зрeния у Бога.

¹²Елицы бо беззаконно (без закона) согрeшиша, беззаконно (без закона.) и погибнут. и елицы в законe согрeшиша, законом суд приимут.

¹³не слышателие бо закона праведни пред Богом, но творцы закона, сии оправдятся.

¹⁴егда бо языцы, не имуще закона, естеством законная творят, сии, закона не имуще, сами себe суть закон.

¹⁵иже являют дeло законное написано в сердцах своих, спослушествующеи им совeсти, и между собою помыслом осуждающым или отвeщающым,

¹⁶в день, егда судит Бог тайная человeком, по благовeстию моему, Иисусом Христом.

¹⁷Се ты иудей именуешися, и почиваеши на законe, и хвалишися о Бозe,

¹⁸и разумeеши волю, и разсуждаеши лучшая, научаемь от закона,

¹⁹уповая же себе вожда быти слeпым, свeта сущым во тмe,

²⁰наказателя безумным, учителя младенцем, имуща образ разума и истины в законe.

²¹научая убо инаго, себе ли не учиши,

²²проповeдая не красти, крадеши. глаголяи не прелюбы творити, прелюбы твориши. гнушаяся идол, святая крадеши.

²³иже в законe хвалишися, преступлением закона Бога безчествуеши.

²⁴Имя бо Божие вами хулится во языцeх, якоже есть писано.

²⁵Обрeзание бо пользует, аще закон твориши. аще же закона преступник еси, обрeзание твое необрeзание бысть.

²⁶Аще убо необрeзание оправдание закона сохранит, не необрeзание ли его во обрeзание вмeнится,

²⁷и осудит еже от естества необрeзание, закон совершающее, тебе, иже писанием и обрeзанием еси преступник закона.

²⁸Не бо иже явe, иудей есть, ни еже явe во плоти, обрeзание.

²⁹но иже в тайнe иудей, и обрeзание сердца духом, (а) не писанием: емуже похвала не от человeк, но от Бога.