Read Новый Завет на церковнославянском языке К Римлянам 3 Bible Online

К Римлянам 3 - Новый Завет на церковнославянском языке bible

К Римлянам 3

¹Что убо лишшее иудею (кое убо преимущество иудеа), или кая польза обрeзания,

²Много, по всякому образу. первeе (наипаче) бо, яко ввeрена быша им словеса Божия.

³Что бо, аще не вeроваша нeцыи, еда (убо) невeрствие их вeру Божию упразднит,

⁴Да не будет: да будет же Бог истинен, всяк же человeк ложь, якоже есть писано: яко да оправдишися во словесeх твоих, и побeдиши, внегда судити ти.

⁵Аще ли неправда наша Божию правду составляет, что речем, еда ли неправедн Бог наносяй гнeв, по человeку глаголю.

⁶Да не будет: понеже како судити имать Бог миру,

⁷Аще бо истина Божия в моей лжи избыточествова в славу его, что еще и аз яко грeшник осуждаюся,

⁸И не якоже хулимся, и якоже глаголют нeцыи нас глаголати, яко сотворим злая, да приидут благая: ихже суд правн есть.

⁹Что убо, преимeем ли? Никакоже: предукорихом бо (прежде бо обвинени есмы) иудеи же и еллины вся (вси) под грeхом быти,

¹⁰якоже есть писано. яко нeсть праведн никтоже:

¹¹нeсть разумeваяи, и нeсть взыскаяй Бога:

¹²вси уклонишася, вкупe непотребни быша. нeсть творяй благостыню, нeсть даже до единаго.

¹³Гроб отверст гортань их, языки своими льщаху. яд аспидов под устнами их.

¹⁴ихже уста клятвы и горести полна суть.

¹⁵Скоры ноги их пролияти кровь:

¹⁶сокрушение и озлобление на путех их.

¹⁷и пути мирнаго не познаша.

¹⁸Нeсть страха Божия пред очима их.

¹⁹Вeмы же, яко елика закон глаголет, сущым в законe глаголет: да всяка уста заградятся, и повинен будет весь мир Богови:

²⁰зане от дeл закона не оправдится всяка плоть пред ним. законом бо познание грeха.

²¹Нынe же кромe закона правда Божия явися, свидeтельствуема от закона и пророк.

²²Правда же Божия вeрою Иисус Христовою во всeх и на всeх вeрующих: нeсть бо разнствия,

²³вси бо согрeшиша, и лишени суть славы Божия,

²⁴оправдаеми туне благодатию его, избавлением, еже о Христe Иисусe,

²⁵егоже предположи Бог очищение вeрою в крови его, в явление правды своея, за отпущение прежде бывших грeхов,

²⁶в долготерпeнии Божии, и в показание правды его в нынeшнее время, во еже быти ему праведну и оправдающу сущаго от вeры Иисусовы.

²⁷Гдe убо похвала, отгнася. Которым законом? дeлы ли? Ни, но законом вeры.

²⁸Мыслим убо вeрою оправдатися человeку, без дeл закона.

²⁹Или иудеев Бог токмо, а не и языков? Ей, и языков:

³⁰понеже един Бог, иже оправдит обрeзание от вeры и необрeзание вeрою.

³¹Закон ли убо разоряем вeрою? Да не будет: но закон утверждаем.