Read Новый Завет на церковнославянском языке К Римлянам 4 Bible Online

К Римлянам 4 - Новый Завет на церковнославянском языке bible

К Римлянам 4

¹Что убо речем авраама отца нашего обрeсти по плоти,

²Аще бо авраам от дeл оправдася, имать похвалу, но не у Бога.

³Что бо писание глаголет, вeрова же авраам Богови, и вмeнися ему в правду.

⁴Дeлающему же мзда не вмeняется по благодати, но по долгу:

⁵а не дeлающему, вeрующему же во оправдающаго нечестива, вмeняется вeра его в правду.

⁶Якоже и давид глаголет блаженство человeка, емуже вмeняет Бог правду, без дeл закона:

⁷блажени, ихже отпустишася беззакония и ихже прикрышася грeси:

⁸блажен муж, емуже не вмeнит Господь грeха.

⁹Блаженство убо сие на обрeзание ли, или на необрeзание? Глаголем бо, яко вмeнися аврааму вeра в правду.

¹⁰Како убо вмeнися ему, во обрeзании ли сущу, или в необрeзании, не во обрeзании, но в необрeзании.

¹¹И знамение прият обрeзания, печать правды вeры, яже в необрeзании. яко быти ему отцу всeх вeрующих в необрeзании, во еже вмeнитися и тeм в правду.

¹²и отцу обрeзания, не сущым точию от обрeзания, но и ходящым в стопах вeры, яже (бe) в необрeзании отца нашего авраама.

¹³Не законом бо обeтование аврааму, или сeмени его, еже быти ему наслeднику мирови, но правдою вeры.

¹⁴Аще бо сущии от закона наслeдницы, испразднися вeра, и разорися обeтование:

¹⁵закон бо гнeв содeловает. идeже бо нeсть закона, (ту) ни преступления.

¹⁶Сего ради от вeры, да по благодати, во еже быти извeстну обeтованию всему сeмени, не точию сущему от закона, но и сущему от вeры авраамовы, иже есть отец всeм нам,

¹⁷якоже есть писано: яко отца многим языком положих тя, прямо Богу, емуже вeрова, животворящему мертвыя и нарицающу не сущая яко сущая.

¹⁸Иже паче упования во упование вeрова, во еже быти ему отцу многим языком, по реченному: тако будет сeмя твое.

¹⁹И не изнемог вeрою, ни усмотри своея плоти уже умерщвленныя, столeтен нeгдe сый, и мертвости ложесн сарриных:

²⁰во обeтовании же Божии не усумнeся невeрованием, но возможе вeрою, дав славу Богови

²¹и извeстен быв, яко, еже обeща, силен есть и сотворити.

²²Тeмже и вмeнися ему в правду.

²³Не писано же бысть за того единаго точию, яко вмeнися ему,

²⁴но и за ны, имже хощет вмeнитися, вeрующым в воскресившаго Иисуса Христа Господа нашего из мертвых,

²⁵иже предан бысть за прегрeшения наша и воста за оправдание наше.