Read Новый Завет на церковнославянском языке К Римлянам 5 Bible Online

К Римлянам 5 - Новый Завет на церковнославянском языке bible

К Римлянам 5

¹Оравдившеся убо вeрою, мир имамы к Богу Господем нашим Иисус Христом,

²имже и приведение обрeтохом вeрою во благодать сию, в нейже стоим, и хвалимся упованием славы Божия.

³Не точию же, но и хвалимся в скорбех, вeдяще, яко скорбь терпeние содeловает,

⁴терпeние же искусство, искусство же упование:

⁵упование же не посрамит. яко любы Божия излияся в сердца наша духом святым данным нам.

⁶Еще бо Христос сущым нам немощным, по времени за нечестивых умре.

⁷Едва бо за праведника кто умрет: за благаго бо негли кто и дерзнет умрети.

⁸Составляет же свою любовь к нам Бог, яко, еще грeшником сущым нам, Христос за ны умре.

⁹Много убо паче, оправдани бывше нынe кровию его, спасемся им от гнeва.

¹⁰Аще бо врази бывше примирихомся Богу смертию сына его, множае паче примирившеся спасемся в животe его:

¹¹не точию же, но и хвалимся о Бозe Господем нашим Иисус Христом, имже нынe примирение прияхом.

¹²Сего ради якоже единeм человeком грeх в мир вниде, и грeхом смерть, и тако смерть во вся человeки вниде, в немже вси согрeшиша.

¹³До закона бо грeх бe в мирe. грeх же не вмeняшеся, не сущу закону.

¹⁴Но царствова смерть от адама даже до моисеа и над несогрeшившими по подобию преступления адамова, иже есть образ будущаго.

¹⁵Но не якоже прегрeшение, тако и дар. Аще бо прегрeшением единаго мнози умроша, множае паче благодать Божия и дар благодатию единаго человeка Иисуса Христа во многих преизлишествова.

¹⁶И не якоже единeм согрeшшим, дарование. грeх бо из единаго во осуждение: дар же от многих прегрeшении во оправдание.

¹⁷Аще бо единаго прегрeшением смерть царствова единeм, множае паче избыток благти и дар правды приемлюще, в жизни воцарятся единeм Иисус Христом.

¹⁸Тeмже убо, якоже единаго прегрeшением во вся человeки вниде осуждение, такожде и единаго оправданием во вся человeки вниде оправдание жизни.

¹⁹Якоже бо ослушанием единаго человeка грeшни быша мнози, сице и послушанием единаго праведни будут мнози.

²⁰Закон же привниде, да умножится прегрeшение. Идeже бо умножися грeх, преизбыточествова благодать:

²¹да якоже царствова грeх во смерть, такожде и благть воцарится правдою в жизнь вeчную, Иисус Христом Господем нашим.