Read Новый Завет на церковнославянском языке К Римлянам 6 Bible Online

К Римлянам 6 - Новый Завет на церковнославянском языке bible

К Римлянам 6

¹Что убо речем, пребудем ли во грeсe, да благодать преумножится? Да не будет.

²Иже бо умрохом грeху, како паки оживем о нем (како еще жити будем в нем,)?

³Или не разумeете, яко елицы во Христа ииса крестихомся, в смерть его крестихомся?

⁴Спогребохомся убо ему крещением в смерть, да якоже воста Христос от мертвых славою Отчею, тако и мы во обновлении жизни ходити начнем (да ходим).

⁵Аще бо (сообразни.) (снасаждени.) быхом подобию смерти его, то и воскресния будем,

⁶сие вeдяще, яко ветхии наш человeк с ним распятся, да упразднится тeло грeховное, яко ктому не работати нам грeху.

⁷умерый бо свободися от грeха.

⁸Аще же умрохом со Христом, вeруем, яко и живи будем с ним,

⁹вeдяще, яко Христос воста от мертвых, ктому уже не умирает. смерть им ктому не обладает.

¹⁰Еже бо умре, грeху умре единою: а еже живет, Богови живет.

¹¹Такожде и вы помышляйте себе мертвых убо быти грeху, живых же Богови, о Христe Иисусe Господe нашем.

¹²Да не царствует убо грeх в мертвеннeм вашем тeлe, во еже послушати его в похотех его:

¹³ниже представляйте уды вашя оружия неправды грeху: но представляйте себе Богови яко от мертвых живых, и уды вашя оружия правды Богови.

¹⁴Грeх бо вами да не обладает. нeсте бо под законом, но под благодатию.

¹⁵Что убо, согрeшим ли, зане нeсмы под законом, но под благодатию, да не будет.

¹⁶Не вeсте ли, яко емуже представляете себе рабы в послушание, раби есте, егоже послушаете, или грeха в смерть, или послушания в правду?

¹⁷Благодарим убо Бога, яко бeсте раби грeху, послушасте же от сердца, в оньже и предастеся образ учения.

¹⁸Свобождшеся же от грeха, поработистеся правдe.

¹⁹Человeческо глаголю, за немощь плоти вашея. Якоже бо представисте уды вашя рабы нечистотe и беззаконию в беззаконие, тако нынe представите уды вашя рабы правдe во святыню.

²⁰Егда бо раби бeсте грeха, свободни бeсте от правды.

²¹Кий убо тогда имeсте плод? О нихже нынe стыдитеся, кончина бо онeх, смерть.

²²Нынe же свобождшеся от грeха, порабощшеся же Богови, имате плод ваш во святыню, кончину же жизнь вeчную.

²³Оброцы бо грeха, смерть: дарование же Божие живот вeчный о Христe Иисусe Господe нашем.