Read Новый Завет на церковнославянском языке К Римлянам 7 Bible Online

К Римлянам 7 - Новый Завет на церковнославянском языке bible

К Римлянам 7

¹Или не разумeете, братие. вeдущым бо закон глаголю: яко закон обладает над человeком, во елико время живет?

²Ибо мужатая жена живу мужу привязана есть законом: аще ли же умрет муж ея, разрeшится от закона мужескаго.

³Тeмже убо, живу сущу мужу, прелюбодeйца бывает, аще будет мужеви иному: аще ли умрет муж ея, свободна есть от закона, не быти ей прелюбодeйцe, бывшей мужу иному.

⁴Тeмже, братие моя, и вы умросте закону тeлом Христовым, во еже быти вам иному, воставшему из мертвых, да плод принесем Богови.

⁵Егда бо бeхом во плоти, страсти греховныя, яже законом, дeйствоваху во удeх наших, во еже плод творити смерти:

⁶нынe же упразднихомся от закона, умерше, имже держими бeхом, яко работати нам (Богови) во обновлении духа, а не в ветхости писмене.

⁷Что убо речем? закон ли грeх? Да не будет: но грeха не знах, точию законом: похоти же не вeдах, аще не бы закон глаголал. не похощеши.

⁸Вину же прием грeх заповeдию, содeла во мнe всяку похоть: без закона бо грeх мертв есть.

⁹Аз же живях кромe закона иногда: пришедшей же заповeди, грeх убо оживе,

¹⁰аз же умрох: и обрeтеся ми заповeдь, яже в живот, сия в смерть,

¹¹грeх бо вину прием заповeдию, прельсти мя, и тою умертви мя.

¹²Тeмже убо закон свят, и заповeдь свята и праведна и блага.

¹³Благое ли убо бысть мнe смерть? Да не будет: но грeх, да явится грeх, благим ми содeвая смерть, да будет по премногу грeшен грeх заповeдию.

¹⁴Вeмы бо, яко закон духовен есть: аз же плотян есмь, продан под грeх.

¹⁵Еже бо содeваю, не разумeю: не еже бо хощу, сие творю, но еже ненавижду, то содeловаю.

¹⁶Аще ли, еже не хощу, сие творю, хвалю закон яко добр,

¹⁷нынe же не ктому аз сие содeваю, но живый во мнe грeх.

¹⁸Вeм бо, яко не живет во мнe, сирeчь во плоти моей, доброе: еже бо хотeти прилежит ми, а еже содeяти доброе, не обрeтаю.

¹⁹Не еже бо хощу доброе, творю, но еже не хощу злое, сие содeваю.

²⁰Аще ли, еже не хощу аз, сие творю, уже не аз сие творю, но живый во мнe грeх.

²¹Обрeтаю убо закон, хотящу ми творити доброе, яко мнe злое прилежит.

²²Соуслаждаюся бо закону Божию по внутреннему человeку:

²³вижду же ин закон во удeх моих, противу воюющь закону ума моего и плeняющь мя законом грeховным, сущим во удeх моих.

²⁴Окаянен аз человeк: кто мя избавит от тeла смерти сея?

²⁵Благодарю Бога моего Иисус Христом Господем нашим. Тeмже убо сам аз умом моим работаю закону Божию, плотию же закону грeховному.