Read Новый Завет на церковнославянском языке К Римлянам 9 Bible Online

К Римлянам 9 - Новый Завет на церковнославянском языке bible

К Римлянам 9

¹Истину глаголю о Христe, не лгу, послушествующей ми совeсти моей духом святым,

²яко скорбь ми есть велия и непрестающая болeзнь сердцу моему:

³молил бых ся бо сам аз отлучен быти от Христа по братии моей, сродницeх моих по плоти,

⁴иже суть Израилите, ихже всыновление и слава, и завeти и законоположение, и служение и обeтования:

⁵ихже отцы, и от нихже Христос по плоти, сый над всeми Бог благословен во вeки, аминь.

⁶Не такоже, яко отпаде слово Божие: не вси бо сущии от Израиля, сии Израиль,

⁷ни зане суть сeмя авраамле, вси чада: но во исаацe, рече, наречется ти сeмя.

⁸Сирeчь, не чада плотская, сия чада Божия: но чада обeтования причитаются в сeмя.

⁹Обeтования бо слово сие: на сие время прииду, и будет саррe Сын.

¹⁰Не точию же, но и ревекка от единаго ложа исаака отца нашего имущи:

¹¹еще бо не рождшымся, ни сотворившым что благо или зло, да по избранию предложение Божие пребудет

¹²не от дeл, но от призывающаго, речеся ей, яко болий поработает меншему,

¹³якоже есть писано: иакова возлюбих, исава же возненавидeх.

¹⁴Что убо речем? Еда неправда у Бога? Да не будет.

¹⁵Моисеови бо глаголт: помилую, егоже аще помилую, и ущедрю, егоже аще ущедрю.

¹⁶Тeмже убо ни хотящаго, ни текущаго, но милующаго Бога.

¹⁷Глаголт бо писание фараонови: яко на истое сие воздвигох тя, яко да покажу тобою силу мою и да возвeстится имя мое по всей земли.

¹⁸Тeмже убо, егоже хощет, милует: а егоже хощет, ожесточает.

¹⁹Речеши убо ми: чесо ради еще укоряет, воли бо его кто противитися может?

²⁰Тeмже убо, о, человeче, ты кто еси, против отвeщаяй Богови? еда речет здание создавшему е: почто мя сотворил еси тако?

²¹Или не имать власти скудельник на брении, от тогожде смeшения сотворити ов убо сосуд в честь, ов же не в честь?

²²Аще же хотя Бог показати гнeв свой и явити силу свою, пренесе во мнозe долготерпeнии сосуды гнeва совершены в погибель:

²³и да скажет богатство славы своея на сосудeх милости, яже предуготова в славу,

²⁴ихже и призва нас не точию от иудей, но и от язык:

²⁵якоже и во осии глаголт: нареку не люди моя люди моя, и невозлюбленую возлюблену:

²⁶и будет, на мeстe, идeже речеся им: не людие мои есте вы, тамо нарекутся сынове Бога живаго.

²⁷Исаиа же вопиет о Израили: аще будет число сынов Израилевых яко песок морский, останок спасется:

²⁸слово бо скончавая и сокращая в правдe, яко слово сокращено сотворит Господь на земли,

²⁹и якоже прорече исаиа: аще не бы Господь саваоф оставил нам сeмене, якоже содом убо были быхом, и якоже гоморру уподобилися быхом.

³⁰Что убо речем, яко языцы, не гонящии правду, постигоша правду, правду же, яже от вeры:

³¹Израиль же, гоня закон правды, в закон правды не постиже.

³²Чесо ради? Зане не от вeры, но от дeл закона: преткнушася бо о камень претыкания,

³³якоже есть писано: се, полагаю в сионe камень претыкания и камень соблазна: и всяк вeруяй в онь не постыдится.