Read Новый Завет на церковнославянском языке 1-е Коринфянам 11 Bible Online

1-е Коринфянам 11 - Новый Завет на церковнославянском языке bible

1-е Коринфянам 11

¹подражатели мнe бываите, якоже и аз Христу.

²хвалю же вы, братие, яко вся моя помните, и якоже предах вам, предания держите.

³хощу же вас вeдeти, яко всякому мужу глава Христос есть. глава же женe, муж. глава же Христу, Бог.

⁴всяк муж, молитву дeя или пророчествуяи покрытою главою, срамляет главу свою.

⁵и всяка жена, молитву дeющая или пророчествующая откровенною главою, срамляет главу свою. едино бо есть и тожде (тожде, еже быти) остриженнeи.

⁶аще бо не покрывается жена, да стрижется. аще ли же срам женe стрищися или бритися, да покрывается.

⁷муж убо не должен есть покрывати главу, образ и слава Божия сыи. жена же слава мужу есть.

⁸нeсть бо муж от жены, но жена от мужа.

⁹ибо не создан бысть муж жены ради, но жена мужа ради.

¹⁰сего ради должна есть жена власть имeти на главe аггл ради.

¹¹обаче ни муж без жены, ни жена без мужа, о Господe.

¹²якоже бо жена от мужа, сице и муж женою. вся же от Бога.

¹³в вас самeх судите, лeпо ли есть женe откровеннeи Богу молитися,

¹⁴или и не самое естество учит вы, яко муж убо аще власы растит, безчестие ему есть,

¹⁵жена же аще власы растит, слава еи есть, зане растeние власов вмeсто одeяния дано бысть еи.

¹⁶аще ли кто мнится спорлив быти, мы таковаго обычая не имамы, ниже церкви Божия.

¹⁷сие же завeщавая не хвалю, яко не на лучшее, но на хуждшее сбираетеся.

¹⁸первое убо, сходящымся вам в церковь, слышу в вас распри сущыя, и часть нeкую сих вeрую.

¹⁹подобает бо и ересем в вас быти, да искуснии явлени бывают в вас.

²⁰сходящымся убо вам вкупe, нeсть Господскую вечерю ясти.

²¹кииждо бо свою вечерю предваряет в снeдение, и ов убо алчет, ов же упивается.

²²еда бо домов не имате, во еже ясти и пити, или о церкви Божиеи нерадите, и срамляете не имущыя, что вам реку, похвалю ли вы о сем, не похвалю.

²³аз бо приях от Господа, еже и предах вам, яко Господь Иисус в нощь, в нюже предан бываше, прием хлeб,

²⁴и благодарив преломи, и рече. приимите, ядите. сие есть тeло мое, еже за вы ломимое. сие творите в мое воспоминание.

²⁵такожде и чашу по вечери, глаголя. сия чаша новыи завeт есть в моеи крови. сие творите, елижды аще пиете, в мое воспоминание.

²⁶елижды бо аще ясте хлeб сеи и чашу сию пиете, смерть Господню возвeщаете, дондеже приидет.

²⁷тeмже иже аще яст хлeб сеи или пиет чашу Господню недостоинe, повинен будет тeлу и крови Господни.

²⁸да искушает же человeк себе, и тако от хлeба да яст и от чаши да пиет.

²⁹ядыи бо и пияи недостоинe, суд себe яст и пиет, не разсуждая тeла Господня.

³⁰сего ради в вас мнози немощни и недужливи, и спят (усыпают) довольни.

³¹аще бо быхом себе разсуждали, не быхом осуждени были.

³²судими же, от Господа наказуемся, да не с миром осудимся.

³³тeмже, братие моя, сходящеся ясти, друг друга ждите.

³⁴аще ли кто алчет, в дому да яст, да не в грeх сходитеся. о прочих же, егда прииду, устрою.