Read Новый Завет на церковнославянском языке 1-е Коринфянам 14 Bible Online

1-е Коринфянам 14 - Новый Завет на церковнославянском языке bible

1-е Коринфянам 14

¹держитеся любве. ревнуите же духовным, паче же да пророчествуете.

²глаголяи бо языки, не человeком глаголет, но Богу. никтоже бо слышит, духом же глаголет таины.

³пророчествуяи же, человeком глаголет созидание и утeшение и утверждение.

⁴глаголяи бо языки, себе зиждет. а пророчествуяи, церковь зиждет.

⁵хощу же всeх вас глаголати языки, паче же да прорицаете. болии бо пророчествуяи, нежели глаголяи языки, развe аще кто сказует, да церковь созидание приемлет.

⁶нынe же, братие, аще прииду к вам языки глаголя, кую вам пользу сотворю, аще вам не глаголю или во откровении, или в разумe, или в пророчествии, или в научении,

⁷обаче бездушная глас дающая, аще сопeль, аще гусли, аще разнствия писканием не дадят, како разумно будет пискание или гудение,

⁸ибо аще безвeстен глас труба даст, кто уготовится на брань,

⁹тако и вы аще не благоразумно слово дадите языком, како уразумeется глаголемое, будете бо на воздух глаголюще.

¹⁰толицы убо, аще ключится, роди гласов суть в мирe, и ни един их безгласен.

¹¹аще убо не увeм силы гласа, буду глаголющему иноязычник. и глаголющии, мнe иноязычник.

¹²тако и вы, понеже ревнители есте духовом, яже к созиданию церкве просите (ищите), да избыточествуете.

¹³тeмже глаголяи языком, да молится, да сказует.

¹⁴аще бо молюся языком, дух мои молится, а ум мои без плода есть.

¹⁵что убо есть, помолюся духом, помолюся же и умом. воспою духом, воспою же и умом.

¹⁶понеже аще благословиши духом, исполняяи мeсто невeжды како речет аминь, по твоему благодарению, понеже не вeсть, что глаголеши.

¹⁷ты убо добрe благодариши, но другии не созидается.

¹⁸благодарю Бога моего, паче всeх вас языки глаголя.

¹⁹но в церкви хощу пять словес умом моим глаголати, да и ины пользую, нежели тьмы словес языком.

²⁰братие, не дeти бываите умы. но злобою младенствуите, умы же совершени бываите.

²¹в законe пишет. яко иными языки и устны иными возглаголю людем сим, и ни тако послушают мене, глаголет Господь.

²²тeмже языцы в знамение суть не вeрующым, но невeрным. а пророчество не невeрным, но вeрующым.

²³аще убо снидется церковь вся вкупe, и вси языки глаголют, внидут же и неразумивии или невeрнии, не рекут ли, яко бeснуетеся,

²⁴аще же вси пророчествуют, внидет же нeкии невeрен или невeжда, обличается всeми, и истязуется от всeх.

²⁵и сице таиная сердца его явлена бывают. и тако пад ниц, поклонится Богови, возвeщая, яко воистинну Бог с вами есть.

²⁶что убо есть, братие, егда сходитеся, кииждо вас псалом имать, учение имать, язык имать, откровение имать, сказание имать. вся же к созиданию да бывают.

²⁷аще языком кто глаголет, по двeма, или множае по трием, и по части. и един да сказует.

²⁸аще ли не будет сказатель, да молчит в церкви, себe же да глаголет и Богови.

²⁹пророцы же два или трие да глаголют, и друзии да разсуждают.

³⁰аще ли иному открыется сeдящу, первыи да молчит.

³¹можете бо вси по единому пророчествовати, да вси учатся и вси утeшаются.

³²и дуси пророчестии пророком повинуются.

³³нeсть бо нестроения Бог, но мира, яко во всeх церквах святых.

³⁴жены вашя в церквах да молчат. не повелeся бо им глаголати, но повиноватися, якоже и закон глаголет.

³⁵аще ли чесому научитися хотят, в дому своих мужеи да вопрошают. срамно бо есть женe в церкви глаголати.

³⁶или от вас слово Божие изыде, или вас единых достиже,

³⁷аще кто мнится пророк быти или духовен, да разумeет, яже пишу вам, зане Господни суть заповeди.

³⁸аще ли кто не разумeет, да не разумeвает.

³⁹тeмже, братие моя, ревнуите еже пророчествовати, и еже глаголати языки не возбраняите.

⁴⁰вся же благообразно и по чину да бывают.