Read Новый Завет на церковнославянском языке 1-е Коринфянам 15 Bible Online

1-е Коринфянам 15 - Новый Завет на церковнославянском языке bible

1-е Коринфянам 15

¹сказую же вам, братие, благовeствование, еже благовeстих вам, еже и приясте, в немже и стоите,

²имже и спасаетеся, кацeм словом благовeстих вам, аще содержите. развe аще не всуе вeровасте.

³предах бо вам исперва, еже и приях, яко Христос умре грeх наших ради, по писанием.

⁴и яко погребен бысть, и яко воста в третии день, по писанием.

⁵и яко явися кифe, таже единонадесятим.

⁶потом же явися болe пяти сот братиям единою, от нихже множаишии пребывают доселe, нeцыи же и почиша.

⁷потом же явися иакову, таже аплом всeм.

⁸послeди же всeх, яко нeкоему извергу, явися и мнe.

⁹аз бо есмь мнии аплов, иже нeсмь достоин нарещися апл, зане гоних церковь Божию.

¹⁰благодатию же Божиею есмь, еже есмь. и благодать его, яже во мнe, не тща бысть, но паче всeх их потрудихся. не аз же, но благодать Божия, яже со мною.

¹¹аще убо аз, аще ли они, тако проповeдуем, и тако вeровасте.

¹²аще же Христос проповeдуется, яко из мертвых воста, како глаголют нeцыи в вас, яко воскресeния мертвых нeсть,

¹³и аще воскресeния мертвых нeсть, то ни Христос воста.

¹⁴аще же Христос не воста, тще убо проповeдание наше, тща же и вeра ваша.

¹⁵обрeтаемся же и лжесвидeтеле Божии, яко послушествовахом на Бога, яко воскреси Христа, егоже не воскреси, аще убо мертвии не востают.

¹⁶аще бо мертвии не востают, то ни Христос воста.

¹⁷аще же Христос не воста, суетна вeра ваша. еще есте во грeсeх ваших.

¹⁸убо и умершии о Христe, погибоша.

¹⁹и аще в животe сем точию уповающе есмы во Христа, окаяннeиши всeх человeк есмы.

²⁰нынe же Христос воста от мертвых, начаток умершым бысть.

²¹понеже бо человeком смерть бысть, и человеком воскресeние мертвых.

²²якоже бо о адамe вси умирают, такожде и о Христe вси оживут.

²³кииждо же во своем чину. начаток Христос, потом же Христу вeровавшии, в пришествии его.

²⁴таже кончина, егда предаст царство Богу и Отцу, егда испразднит всяко начальство и всяку власть и силу.

²⁵подобает бо ему царствовати, дондеже положит вся враги под ногама своима.

²⁶послeднии же враг испразднится смерть.

²⁷вся бо покори под нозe его. внегда же рещи, яко вся покорена суть ему, явe, яко развe покоршаго ему вся.

²⁸егда же покорит ему всяческая, тогда и сам Сын покорится покоршему ему всяческая, да будет Бог всяческая во всeх.

²⁹понеже что сотворят крестящиися мертвых ради, аще отнюд мертвии не востают, что и крещаются мертвых ради,

³⁰почто же и мы бeды приемлем на всяк час,

³¹по вся дни умираю. тако ми ваша похвала, братие, юже имам о Христe Иисусe Господe нашем.

³²аще бо по человeку со звeрем боряхся в ефесe, кая ми польза, аще мертвии не востают, да ямы и пием, утрe бо умрем.

³³не льститеся. тлят обычаи благи бесeды злы.

³⁴истрезвитеся праведно и не согрeшаите. невeдeние бо Божие нeцыи имут, к сраму вам глаголю.

³⁵но речет нeкто. како востанут мертвии, коим же тeлом приидут,

³⁶безумне, ты еже сeеши, не оживет, аще не умрет.

³⁷и еже сeеши, не тeло будущее сeеши, но голо зерно, аще случится, пшеницы или иного от прочих.

³⁸Бог же дает ему тeло, якоже восхощет, и коемуждо сeмени свое тeло.

³⁹не всяка плоть таже плоть. но ина убо плоть человeком, ина же плоть скотом, ина же рыбам, ина же птицам.

⁴⁰и тeлеса небесная, и тeлеса земная. но ина убо небесным слава, и ина земным.

⁴¹ина слава солнцу, и ина слава лунe, и ина слава звeздам. звeзда бо от звeзды разнствует во славe.

⁴²такожде и воскресeние мертвых. сeется в тлeние, востает в нетлeнии.

⁴³сeется не в честь, востает в славe. сeется в немощи, востает в силe.

⁴⁴сeется тeло душевное, востает тeло духовное. есть тeло душевное, и есть тeло духовное.

⁴⁵тако и писано есть. бысть первыи человeк адам в душу живу, послeднии адам в дух животворящь.

⁴⁶но не прежде духовное, но душевное, потом же духовное.

⁴⁷первыи человeк от земли, перстен. вторыи человек Господь с нбсе.

⁴⁸яков перстныи, такови и перстнии. и яков нбныи, тацы же и нбнии.

⁴⁹и якоже облекохомся во образ перстнаго, да облечемся и во образ нбнаго.

⁵⁰сие же глаголю, братие, яко плоть и кровь царствия Божия наслeдити не могут, ниже тлeние нетлeния наслeдствует.

⁵¹се таину вам глаголю. вси бо не успнем, вси же измeнимся

⁵²вскорe, во мгновении ока, в послeднеи трубe. вострубит бо, и мертвии востанут нетлeнни, и мы измeнимся.

⁵³подобает бо тлeнному сему облещися в нетлeние, и мертвенному сему облещися в безсмертие.

⁵⁴егда же тлeнное сие облечется в нетлeние и смертное сие облечется в безсмертие, тогда будет слово написанное. пожерта бысть смерть побeдою.

⁵⁵гдe ти, смерте, жало, гдe ти, аде, побeда,

⁵⁶жало же смерти, грeх. сила же грeха, закон.

⁵⁷Богу же благодарение, давшему нам побeду Господем нашим Иисус Христом.

⁵⁸тeмже, братие моя возлюбленная, тверди бываите, непоступни, избыточествующе в дeлe Господни всегда, вeдяще, яко труд ваш нeсть тощь пред Господем.