Read Новый Завет на церковнославянском языке 1-е Коринфянам 16 Bible Online

1-е Коринфянам 16 - Новый Завет на церковнославянском языке bible

1-е Коринфянам 16

¹о милостыни же, яже ко святым, якоже устроих церквам галатииским, тако и вы сотворяите.

²по единeи от суббот кииждо вас да полагает у себе сохраняя, еже аще что благопоспeшится. да, не егда прииду, тогда собрания бывают.

³егда же прииду, ихже аще искусите, с посланьми сих послю отнести благодать вашу во иерлим.

⁴аще же достоино будет и мнe ити, со мною поидут.

⁵прииду же к вам, егда македонию преиду. македонию бо прохожду.

⁶у вас же, аще случится мнe, пребуду, или и озимeю, да вы мя проводите, аможе аще поиду.

⁷не хощу бо вас нынe в мимохождении видeти. уповаю же время нeкое пребыти у вас, аще Господь повелит.

⁸пребуду же во ефесe до пентикостии.

⁹дверь бо ми отверзеся велика и поспeшна, и сопротивнии мнози.

¹⁰аще же приидет тимофеи, блюдите, да без страха будет у вас. дeло бо Господне дeлает, якоже и аз.

¹¹да никтоже убо его уничижит. проводите же его с миром, да приидет ко мнe. жду бо его с братиею.

¹²о аполлосe же братe. много молих его, да приидет к вам с братиею. и всяко не бe воля, да нынe приидет. приидет же, егда упразднится.

¹³бодрствуите, стоите в вeрe, мужаитеся, утверждаитеся.

¹⁴вся вам любовию да бывают.

¹⁵молю же вы, братие. вeсте дом стефанинов, яко есть начаток ахаии, и в служение святым учиниша себе.

¹⁶да и вы повинуитеся таковым и всякому споспeшствующу и труждающуся.

¹⁷возрадовахся же о пришествии стефаниновe и фуртунатовe и ахаиковe, яко ваше лишение сии исполниша.

¹⁸упокоиша бо мои дух и ваш. познаваите убо таковыя.

¹⁹цeлуют вы церкви асииския. цeлуют вы о Господe много акила и прискилла с домашнею их церковию.

²⁰цeлуют вы братия вся. цeлуите друг друга лобзанием святым.

²¹цeлование моею рукою павлею.

²²аще кто не любит Господа Иисуса Христа, да будет проклят, маран афа (Господь наш прииде. (сирскии глас).

²³благодать Господа нашего Иисуса Христа с вами,

²⁴и любы моя со всeми вами о Христe Иисусe. аминь.