Read Новый Завет на церковнославянском языке 1-е Коринфянам 3 Bible Online

1-е Коринфянам 3 - Новый Завет на церковнославянском языке bible

1-е Коринфянам 3

¹и аз, братие, не могох вам глаголати яко духовным, но яко плотяным, яко младенцем о Христe.

²млеком вы напоих, а не брашном. ибо не у можасте, но ниже еще можете нынe.

³еще бо плотстии есте. идeже бо в вас зависти и рвения и распри, не плотстии ли есте, и по человeку ходите,

⁴егда бо глаголет кто. аз убо есмь павлов, другии же. аз аполлосов. не плотстии ли есте,

⁵кто убо есть павел, кто же ли аполлос, но точию служителие, имиже вeровасте, и комуждо якоже Господь даде.

⁶аз насадих, аполлос напои, Бог же возрасти.

⁷тeмже ни насаждаяи есть что, ни напаяяи, но возращаяи Бог.

⁸насаждаяи же и напаяяи едино еста. кииждо же свою мзду приимет по своему труду.

⁹Богу бо есмы споспeшницы. Божие тяжание, Божие здание есте.

¹⁰по благодати Божиеи даннeи мнe, яко премудр архитектон основание положих, ин же назидает. кииждо же да блюдет, како назидает.

¹¹основания бо инаго никтоже может положити паче лежащаго, еже есть Иисус Христос.

¹²аще ли кто назидает на основании сем злато, сребро, камение честное, дрова, сeно, тростие.

¹³когождо дeло явлено будет. день бо явит, зане огнем открывается. и когождо дeло, яковоже есть, огнь искусит.

¹⁴(и) егоже аще дeло пребудет, еже назда, мзду приимет.

¹⁵(а) егоже дeло сгорит, отщетится. сам же спасется, такожде якоже огнем.

¹⁶не вeсте ли, яко храм Божии есте, и дух Божии живет в вас,

¹⁷аще кто Божии храм растлит, растлит сего Бог. храм бо Божии свят есть, иже есте вы.

¹⁸никтоже себе да прельщает. аще кто мнится мудр быти в вас в вeцe сем, буи да бывает, яко да премудр будет.

¹⁹премудрость бо мира сего, буиство у Бога есть. писано бо есть. запинаяи премудрым в коварствe их.

²⁰и паки. Господь вeсть помышления человeческа (мудрых), яко суть суетна.

²¹тeмже никтоже да хвалится в человeцeх. вся бо ваша суть.

²²аще павел, или аполлос, или кифа, или мир, или живот, или смерть, или настоящая, или будущая, вся ваша суть.

²³вы же Христовы, Христос же Божии.