Read Новый Завет на церковнославянском языке 1-е Коринфянам 8 Bible Online

1-е Коринфянам 8 - Новый Завет на церковнославянском языке bible

1-е Коринфянам 8

¹о идоложертвенных же вeмы. яко вси разум имамы. разум убо кичит, а любы созидает.

²аще ли кто мнится вeдeти что, не у что разумe, якоже подобает разумeти.

³аще же кто любит Бога, сеи познан бысть от него.

⁴о ядении же идоложертвенных вeмы, яко идол ничтоже есть в мирe, и яко никтоже Бог ин, токмо един.

⁵аще бо и суть глаголемии бози, или на небеси, или на земли. якоже суть бози мнози и господие мнози.

⁶но нам един Бог Отец, из негоже вся, и мы у него. и един Господь Иисус Христос, имже вся, и мы тeм.

⁷но не во всeх разум. нeцыи же совeстию идольскою даже доселe якоже идоложертвенное ядят, и совeсть их, немощна сущи, сквернится.

⁸брашно же нас не поставляет пред Богом. ниже бо аще ямы, избыточествуем. ниже аще не ямы, лишаемся.

⁹блюдите же, да не како власть ваша сия преткновение будет немощным.

¹⁰аще бо кто видит тя, имуща разум, в требищи возлежаща, не совeсть ли его, немощна сущи созиждется идоложертвенная ясти,

¹¹и погибнет немощныи брат в твоем разумe, егоже ради Христос умре.

¹²такожде согрeшающе в братию и биюще их совeсть немощну сущу, во Христа согрeшаете.

¹³тeмже аще брашно соблазняет брата моего, не имам ясти мяса во вeки, да не соблазню брата моего.